________________
प० १६ सिद्धखेत्तोववायगई ] सुत्तागमे
४३१
पओगगई १, ततगई २, बंधणछेयणगई ३, उववायगई ४, विहायगई ५ । से किं तं पओगगई ? पओगगई पण्णरसविहा पन्नत्ता । तंजहा - सच्चमणप्पओगगई, एवं जहा पओगो भणिओ तहा एसा वि भाणियव्वा जाव कम्मगसरीरकायप्पओगगई । जीवाणं भंते ! कइविहा पओगगई पन्नत्ता ? गोयमा ! पण्णरसविहा पन्नत्ता । तंजहा - सच्चमगप्पओगगई जाव कम्मगसरीरकायप्पओगगई । नेरइयाणं भंते ! कइविहा पओ - गगई पन्नत्ता ? गोयमा ! एक्कारसविहा पन्नत्ता । तंजहा - सच्चमणप्पओगगई, एवं उवउज्जिऊण जस्स जइविहा तस्स तइविहा भाणियव्वा जाव वेमाणियाणं । जीवा णं भंते ! सच्चमणप्पओगगई जाव कम्मगसरीर कायप्पओगगई ? गोयमा ! जीवा सव्वे वि ताव होज सच्चमणप्पओगगई वि, एवं तं चेव पुव्ववण्णियं भाणियव्वं, भंगा तहेव जाव वेमाणियाणं, से तं पओगगई १ ॥ ४६५ ॥ से किं तं ततगई ? ततगई जे णं जं गामं वा जाव सण्णिवेसं वा संपट्ठिए असंपत्ते अंतरापहे वह सेत्तं ततगई २ ॥ ४६६ ॥ से किं तं बंधणछेयणगई ? बंधणछेयणगई जीवो वा सरीराओ सरीरं वा जीवाओ, सेत्तं बंधणछेयणगई ३ | ४६७ ॥ से किं तं उववा - यगई ? उववायगई तिविहा पन्नत्ता । तंजहा - खेत्तोववायगई, भवोववायगई, नोभवो - ववायगई । से किं तं खेत्तोववायगई ? खेत्तोववायगई पंचविहा पन्नत्ता । तंजहानेरइयखेत्तोववायगई १, तिरिक्खजोणियखेत्तोववायगई २, मणूसखेत्तोववायगई ३, देवखेत्तोववायगई ४, सिद्धखेत्तोववायगई ५ । से किं तं नेरइयखेत्तोववायगई ? नेरइयखेत्तोववायगई सत्तविहा पन्नत्ता । तंजहा - रयणप्पभापुढविनेरइयखेत्तोववायगई जाव अहेसत्तमापुढविनेरइयखेत्तोववायगई । सेत्तं नेरइयखेत्तोववायगई १ । से किं तं तिरिक्खजोणियखेत्तोववायगई ? तिरिक्खजोणियखेत्तोववायगई पंचविहा पन्नत्ता । तंजहा- एगिंदियतिरिक्खजोणियखेत्तोववायगई जाव पंचिंदियतिरिक्खजोणियखेत्तोववायगई । सेत्तं तिरिक्ख जोणियखेत्तोववाय गई २ । से किं तं मणूसखेत्तोववायगई ? मणूसखेत्तोववायगई दुविहा पन्नत्ता । तंजहा - संमुच्छिममणूसखेत्तोववाथगई, गब्भवकंतियमणूस खेत्तोववायगई । सेत्तं मणूसखेत्तोववायगई ३ । से किं तं देवखेत्तोववायगई ? देवखेत्तोववायगई चउव्विहा पन्नत्ता । तंजहा - भवणवई० जाव वेमाणियदेवखेत्तोववायगई । सेत्तं देवखेत्तोववायगई ४ ॥ ४६८ ॥ से किं तं सिद्धखेत्तोव - वायगई ? सिद्धखेत्तोववायगई अणेगविहा पन्नत्ता । तंजहा - जंबुद्दीवे दीवे भरहेरवयवासे सपक्खि सपडिदिसिं सिद्धखेत्तोववायगई, जंबुद्दीवे दीवे चुल्लहिमवंतसिहरिवासहरपव्वयसपक्खि सपडिदिसिं सिद्धखेत्तोववायगई, जंबुद्दीवे दीवे हेमवयहेरण्णवाससपक्खि सपडिदिसिं सिद्धखेत्तोववायगई, जंबुद्दीवे दीवे सद्दावइवियडावइवट्टवेयड्ड
