________________
सुत्तागमे
... [पण्णवणासुतं
सिए? गोयमा ! सिय संखेजपएसिए, सिय असंखेज्जपएसिए, सिय अणंतपएसिए । एवं जाव आयए । परिमंडले णं भंते ! संठाणे संखेजपएसिए किं संखेजपएसोगाढे, असंखेजपएसोगाढे, अणंतपएसोगाढे ? गोयमा ! संखेजपएसोगाढे, नो असंखेजपएसोगाढे. नो अणंतपएसोगाढे । एवं जाव आयए । परिमंडले णं भंते! संठाणे असंखेजपएसिए किं संखेजपएसोगाढे, असंखेजपएसोगाढे, अणंतपएसोगाढे ? गोयमा ! सिय संखेजपएसोगाढे, सिय असंखेजपएसोगाढे, नो अणंतपएसोगाढे । एवं जाव आयए। परिमंडले णं भंते ! संठाणे अणंतपएसिए किं संखेजपएसोगाढे, असंखेजपएसोगाढे. अणंतपएसोगाढे ? गोयमा ! सिय संखेजपएसोगाढे, सिय असंखेजपएसोगाढे, नो अणंतपएसोगाढे । एवं जाव आयए । परिमंडले णं भंते ! संठाणे संखेजपएसिए संखेजपएसोगाढे किं चरमे, अचरमे, चरमाइं, अचरमाइं, चरमंतपएसा, अचरमंतपएसा ? गोयमा ! परिमंडले णं संठाणे संखेजपएसिए संखेजपएसोगाढे नो चरमे, नो अचरमे, नो चरमाइं, नो अचरमाई, नो चरमंतपएसा, नियमं अचरमं चरमाणि य चरमंतपएसा य अचरमंतपएसा य। एवं जाव आयए । परिमंडले णं भंते ! संठाणे असंखेजपएसिए संखेजपएसोगाढे किं चरमे० पुच्छा। गोयमा! असंखेजपएसिए संखेजपएसोगाढे जहा संखेजपएसिए । एवं जाव आयए। परिमंडले णं भंते ! संठाणे असंखेजपएसिए असंखेजपएसोगाढे किं चरमे० पुच्छा । गोयमा ! असंखेजपएसिए असंखेजपएसोगाढे नो चरमे, जहा संखेजपएसोगाढे, एवं जाव आयए। परिमंडले णं भंते ! संठाणे अणंतपएसिए संखेजपएसोगाढे किं चरमे० पुच्छा । गोयमा ! तहेव जाव आयए । अणंतपएसिए असंखेजपएसोगाढे जहा संखेजपएसोगाढे, एवं जाक आयए ॥ ३६७ ॥ परिमंडलस्स णं भंते ! संठाणस्स संखेजपएसियस्स संखेजपएसोगाढस्स अचरमस्स य चरमाण य चरमंतपएसाण य अचरमंतपएसाण य दव्वट्ठयाए पएसठ्ठयाए दव्वट्ठपएसट्टयाए कयरे कयरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवे परिमंडलस्स संठाणस्स संखेज्जपएसियस्स संखेजपएसोगाढस्स दव्वट्ठयाए एगे अचरमे, चरमाइं संखेजगुणाई, अचरमं
चरमाणि य दोऽवि विसेसाहियाइं, पएसट्टयाए सव्वत्थोवा परिमंडलस्स संठाणस्स संखेजपएसियस्स संखेजपएसोगाढस्स चरमंतपएसा, अचरमन्तपएसा संखेजगुणा, चरमन्तपएसा य अचरमन्तपएसा य दोऽवि विसेसाहिया, दव्वट्ठपएसठ्ठयाए सव्वत्थोवे परिमण्डलस्स. संठाणस्स संखेजपएसियस्स संखेजपएसोगाढस्स दव्वट्ठयाए एगे अचरमे, चरमाइं संखेज्जगुणाई, अचरमं च चरमाणि य दोऽवि विसेसाहियाई, चरमन्तपएसा संखेजगुणा, . अचरमन्तपएसा संखेजगुणा, चरमन्तपएसा य
