________________
३९०
सुत्तागमे
[पण्णवणासुत्तं दो वि विसेसाहियाई, पएसट्टयाए चरमंतपएसा असंखेजगुणा, अचरमंतपएसा असंखेजगुणा, चरमंतपएसा य अचरमंतपएसा य दो वि विसेसाहिया । एवं जाव अहेसत्तमाए, सोहम्मस्स जाव लोगस्स एवं चेव ॥ ३५५ ॥ अलोगस्स णं भंते ! अचरमस्स य चरमाण य चरमन्तपएसाण य अचरमन्तपएसाण य दव्वट्ठयाए पएसट्टयाए दव्वट्ठपएसट्टयाए कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवे अलोगस्स दव्वट्ठयाए एगे अचरमे, चरमाइं असंखेज्जगुणाई, अचरमं चरमाणि य दो वि विसेसाहियाइं; पएसठयाए सव्वत्थोवा अलोगस्स चरमन्तपएसा, अचरमन्तपएसा अणन्तगुणा, चरमन्तपएसा य अचरमन्तपएसा य दो वि विसेसाहिया; दव्वट्ठपएसठ्ठयाए सव्वत्थोवे. अलोगस्स एगे अचरमे, चरमाइं असंखेजगुणाई, अचरमं च चरमाणि य दो वि. विसेसाहियाई, चरमन्तपएसा असंखेज्जगुणा, अचरमन्तपएसा अणन्तगुणा, चरमन्तपएसा य अचरमन्तपएसा य दो वि विसेसाहिया ॥ ३५६ ॥ लोगालोगस्स णं भंते ! अचरमस्स य चरमाण य चरमन्तपएसाण य अचरमन्तपएसाण य दवट्ठयाए पएसट्टयाए दव्वट्ठपएसठ्ठयाए कयरे कयरेहिंतो अप्पा वा बहुया वा तुला वा विसेसाहिया वा ? गोयमा ! सव्वत्थोवे लोगालोगस्स दव्वट्ठयाए एगमेगे अचरमे, लोगस्स चरमाइं असंखेजगुणाई, अलोगस्स चरमाइं विसेसाहियाई, लोगस्स य अलोगस्स य अचरमं चरमाणि य दो वि विसेसाहियाइं, पएसट्टयाए सव्वत्थोवा लोगस्स चरमन्तपएसा, अलोगस्स चरमन्तपएसा विसेसाहिया, लोगस्स अचरमन्तपएसा असंखेजगुणा, अलोगस्स अचरमन्तपएसा अणन्तगुणा, लोगस्स य अलोगस्स य चरमन्तपएसा य अचरमन्तपएसा य दो वि विसेसाहिया । दव्वट्ठपएसट्ठयाए सव्वत्थोवे लोगालोगस्स दवट्ठयाए एगमेगे अचरमे, लोगस्स चरमाइं असंखेजगुणाई, अलोगस्स चरमाई विसे साहियाइं, लोगस्स य अलोगस्स य अचरमं चरमाणि य दो वि विसेसाहियाई, लोगस्स चरमन्तपएसा असंखेजगुणा, अलोगस्स य चरमन्तपएसा विसेसाहिया, लोगस्स अचरमन्तपएसा असंखेजगुणा, अलोगस्स अचरमंतपएसा अणंतगुणा, लोगस्स य अलोगस्स य चरमन्तपएसा य अचरमन्तपएसा य दो वि विसेसाहिया, सव्वदव्वा विसेसाहिया, सव्वपएसा अणंतगुणा, सव्वपजवा अणंतगुणा ॥ ३५७ ॥ परमाणुपोग्गले णं भंते ! किं चरमे १, अचरमे २, अव-- त्तव्वए ३, चरमाइं ४, अचरमाइं ५, अवत्तव्वयाइं ६, उदाहु चरमे य अचरमे य ७, उदाहु चरमे य अचरमाइं ८, उदाहु चरमाइं अचरमे य ९, उदाहु चरमाइं च अचरमाइं च १०, पढमा चउभंगी । उदाहु चरमे य अवत्तव्वए य ११, उदाहु
