________________
३८८
सुत्तागमे
[पण्णवणासुत्तं
किं सीया जोणी, उसिणा जोणी, सीओसिणा जोणी ? गोयमा ! णो सीया जोणी, णो उसिणा जोणी, सीओसिणा जोणी। मणुस्साणं भंते ! किं सीया जोणी, उसिणा जोणी, सीओसिणा जोणी ? गोयमा ! सीया वि जोणी, उसिणा वि जोणी, सीओसिणा वि जोणी। संमुच्छिममणुस्साणं भंते ! किं सीया जोणी, उसिणा जोणी, सीओसिणा जोणी ? गोयमा ! तिविहा जोणी । गब्भवकंतियमणुस्साणं भंते ! किं सीया जोणी, उसिणा जोणी, सीओसिणा जोणी? गोयमा ! णो सीया, णो उसिणा, सीओसिणा जोणी। वाणमंतरदेवाणं भंते ! किं सीया जोणी, उसिणा जोणी, सीओसिणा जोणी ? गोयमा ! णो सीया, णो उसिणा, सीओसिणा जोणी। जोइसियवेमाणियाण वि एवं चेव ॥ ३४४ ॥ एएसि णं भंते ! सीयजोणियाणं उसिणजोणियाणं सीओसिणजोणियाणं अजोणियाण य कयरे कयरेहिंतो अप्पा वा, बहुया वा, तुल्ला वा. विसेसाहिया वा ? गोयमा ! सव्वत्थोवा जीवा सीओसिणजोणिया, उसिणजोणिया असंखेजगुणा, अजोणिया अणंतगुणा, सीयजोणिया अणंतगुणा ॥ ३४५ ॥ कइविहा णं भंते ! जोणी पन्नत्ता ? गोयमा ! तिविहा जोणी पन्नत्ता । तंजहा-सचित्ता, अचित्ता, मीसिया ॥ ३४६ ॥ नेरइयाणं भंते ! किं सचित्ता जोणी, अचित्ता जोणी, मीसिया जोणी ? गोयमा ! नो सचित्ता जोणी, अचित्ता जोणी, नो मीसिया जोणी। असुरकुमाराणं भंते ! किं सचित्ता जोणी, अचित्ता जोणी, मीसिया जोणी? गोयमा! नो सचित्ता जोणी, अचित्ता जोणी, नो मीसिया जोणी, एवं जाव थणियकुमाराणं । पुढवीकाइयाणं भंते ! किं सचित्ता जोणी, अचित्ता जोणी, मीसिया जोणी ? गोयमा! सचित्ता जोणी, अचित्ता जोणी, मीसिया वि जोणी, एवं जाव चउरिंदियाणं । संमुच्छिमपंचिंदियतिरिक्खजोणियाणं संमुच्छिममणुस्साण य एवं चेव । गब्भवतियपंचिंदियतिरिक्खजोणियाणं गब्भवकंतियमणुस्साण य नो सचित्ता, नो अचित्ता, मीसिया जोणी। वाणमंतरजोइसियवेमाणियाणं जहा असुरकुमाराणं ॥ ३४७ ॥ एएसि णं भंते ! जीवाणं सचित्तजोणीणं अचित्तजोणीणं मीसजोणीणं अजोणीण यः कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा मीसजोणिया, अचित्तजोणिया असंखेजगुणा, अजोणिया अणंतगुणा, सचितजोणिया अणंतगुणा ॥ ३४८ ॥ कइविहा णं भंते ! जोणी पन्नत्ता ? गोयमा ! तिविहा जोणी पन्नत्ता। तंजहा—संवुडा जोपी, वियडा जोणी, संवुडवियडा जोणी ॥ ३४९॥ नेरइयाणं भंते ! किं संवुडा जोणी, वियडा जोणी, संवुडवियडा जोणी? गोयमा ! संवुडजोणी, नो वियडजोणी, नो संवुडवियडजोणी । एवं जाव वणस्सइकाइयाणं । बेइंदियाणं पुच्छा । गोयमा ! नो संवुडजोणी, वियडजोणी, नो संवुड
