________________
प० ६ दा०५ णेरइय० पुच्छा] सुत्तागमे संतरं उववनंति, निरंतरं उववजंति ? गोयमा ! संतरं पि उववजंति, निरंतरं पि उववति । एवं वाणमंतरा जोइसिया सोहम्मीसाणसणंकुमारमाहिंदबंभलोयलंतगमहासुक्कसहस्सारआणयपाणयआरणच्चुयहिटिमगेविजगमज्झिमगेविजगउवरिमगेविज्जगविजयवेजयंतजयंतअपराजियसव्वट्ठसिद्धदेवा य संतरं पि उववजंति निरंतरं पि उववजंति ॥ २९५ ॥ सिद्धा णं भंते ! किं संतरं सिज्झंति, निरंतरं सिज्झंति ? गोयमा ! संतरं पि सिझंति, निरंतरं पि सिज्झंति ॥ २९६ ॥ नेरइया णं भंते ! किं संतरं उव्वदृति, निरंतरं उव्वदंति ? गोयमा ! संतरं पि उव्वळंति, निरंतरं पि उव्वट्ठति। एवं जहा उववाओ भणिओ तहा उव्वट्टणा वि सिद्धवजा भाणियव्वा जाव वेमाणिया, नवरं जोइसियवेमाणिएसु 'चयणं'ति अहिलावो कायव्वो ॥ ३ दारं ॥ २९७ ॥ नेरइया णं भंते ! एगसमएणं केवइया उववजंति ? गोयमा ! जहन्नेणं एको वा दो वा तिन्नि वा, उक्कोसेणं संखेज्जा वा असंखेज्जा वा उववजंति, एवं जाव अहेसत्तमाए ॥ २९८ ॥ असुरकुमारा णं भंते ! एगसमएणं केवइया उववजंति ? गोयमा! जहन्नेणं एको वा दो वा तिन्नि वा, उक्कोसेणं संखेजा वा असंखेजा वा । एवं नागकुमारा जाव थणियकुमारा वि भाणियव्वा ॥ २९९ ॥ पुढविकाइया णं भंते ! एगसमएणं केवइया उववजति ? गोयमा ! अणुसमयं अविरहियं असंखेज्जा उववजंति, एवं जाव वाउकाइया । वणस्सइकाइया णं भंते ! एगसमएणं केवइया उववजंति ? गोयमा ! सट्ठाणुववायं पडुच्च अणुसमयं अविरहिया अणंता उववजंति, परट्ठाणुववायं पडुच्च अणुसमयं अविरहिया असंखेज्जा उववजंति । बेइंदिया णं भंते ! एगसमएणं केवइया उववजति ? गोयमा ! जहन्नेणं एगो वा दो वा तिन्नि वा, उक्कोसेणं संखेज्जा वा असंखेजा वा । एवं तेइंदिया चउरिंदिया । संमुच्छिमपंचिंदियतिरिक्खजोणिया गब्भवकंतियपंचिंदियतिरिक्खजोणिया संमुच्छिममणुस्सा वाणमंतरजोइसियसोहम्मीसाणसणंकुमारमाहिंदबंभलोयलंतगमहासुक्कसहस्सारकप्पदेवा एए जहा नेरइया । गब्भवक्कंतियमणूसआणयपाणयआरणञ्चुयगेवेजगअणुत्तरोववाइया य एए जहन्नेणं इक्को वा दो वा तिन्नि वा, उक्कोसेणं संखेज्जा उववजंति, न असंखेज्जा उववजंति ॥.३००॥ सिद्धा णं भंते ! एगसमएणं केवइया सिझंति ? गोयमा ! जहन्नेणं एक्को वा दो वा तिन्नि वा, उक्कोसेणं अट्ठसयं ॥३०१॥ नेरइया णं भंते ! एगसमएणं केवइया उव्वदंति ? गोयमा ! जहन्नेणं एको वा दो वा तिन्नि वा, उक्कोसेणं संखेज्जा वा असंखेज्जा वा उव्वति, एवं जहा उववाओ भणिओ तहा उन्वट्टणा वि सिद्धवजा भाणियव्वा जाव अणुत्तरोववाइया, णवरं जोइसियवेमाणियाणं चयणेणं अहिलावो कायव्वो ॥ ४ दारं ॥ ३०२ ॥ नेरइया णं भंते ! कओहिंतो
