________________
३३२ सुत्तागमे
[पण्णवणासुतं असंखेज्जगुणा, तिरियलोए संखेजगुणा। खेत्ताणुवाएणं सव्वत्थोवाओ वाणमंतरीओ देवीओ उड्डलोए, उडलोयतिरियलोए असंखेजगुणाओ, तेलोक्के संखेजगुणाओ, अहोलोयतिरियलोए असंखेजगुणाओ, अहोलोए संखेजगुणाओ, तिरियलोए संखेजगुणाओ ॥ खेत्ताणुवाएणं सव्वत्थोवा जोइसिया देवा उडलोए, उड्डलोयतिरियलोए असंखेजगुणा, तेलोके संखेज्जगुणा, अहोलोयतिरियलोए असंखेजगुणा, अहोलोए संखेजगुणा, तिरियलोए असंखेजगुणा । खेत्ताणुवाएणं सव्वत्थोवाओ जोइसिणीओ देवीओ उड्डलोए, उडलोयतिरियलोए असंखेज्जगुणाओ, तेलोक्के संखेज्जगुणाओ, अहोलोयतिरियलोए असंखेजगुणाओ, अहोलोए संखेजगुणाओ, तिरियलोए असंखेजगुणाओ॥ खेत्ताणुवाएणं सव्वत्थोवा वेमाणिया देवा उड्डलोयतिरियलोए, तेलोक्के संखेजगुणा, अहोलोयतिरियलोए संखेजगुणा, अहोलोए संखेजगुणा, तिरियलोए संखेजगुणा, उड्डलोए असंखेजगुणा । खेत्ताणुवाएणं सव्वत्थोवाओ वेमाणिणीओ देवीओ उड्डलोयतिरियलोए, तेलोक्के संखेजगुणाओ, अहोलोयतिरियलोए संखेजगुणाओ, अहोलोए संखेजगुणाओ, तिरियलोए संखेजगुणाओ, उडलोए असंखेनगुणाओ ॥ २०१॥ खेत्ताणुवाएणं सव्वत्थोवा एगिदिया जीवा उड्डलोयतिरियलोए, अहोलोयतिरियलोए विसेसाहिया, तिरियलोए असंखिजगुणा, तेलोक्के असंखिज्जगुणा, उड्डलोए असंखिजगुणा, अहोलोए विसेसाहिया । खेत्ताणुवाएणं सव्वत्थोवा एगिदिया जीवा अपजत्तगा उड्डलोयतिरियलोए, अहोलोयतिरियलोए विसेसाहिया, तिरियलोए असंखेज्जगुणा, तेलोक्के असंखेज्जगुणा, उडुलोए असंखेजगुणा, अहोलोए विसेसाहिया। खेत्ताणुवाएणं सव्वत्थोवा एगिदिया जीवा पजत्तगा उड्डूलोयतिरियलोए, अहोलोयतिरियलोए विसेसाहिया, तिरियलोए असंखिज्जगुणा, तेलोके असंखिज्जगुणा, उड्डलोए असंखिजगुणा, अहोलोए विसेसाहिया ॥ २०२ ॥ खेत्तागुवाएणं सव्वत्थोवा बेइंदिया उड्डलोए, उड्डलोयतिरियलोए असंखिजगुणा, तेलुक्के असंखिज्जगुणा, अहोलोयतिरियलोए असंखिजगुणा, अहोलोए संखिज्जगुणा, तिरियलोए संखिजगुणा । खेत्ताणुवाएणं सव्वत्थोवा बेइंदिया अपजत्तया उद्दलोए, उड्डलोयतिरियलोए असंखेज्जगुणा, तेलोके असंखेजगुणा, अहोलोयतिरियलोए असंखेजगुणा, अहोलोए संखेजगुणा, तिरियलोए संखेज्जगुणा । खेत्ताणुवाएणं सव्वत्थोवा बेइंदिया पजत्ता उद्दलोए, उड्डलोयतिरियलोए असंखिजगुणा, तेलोके असंखिजगुणा, अहोलोयतिरियलोए असंखिजगुणा, अहोलोए संखिजगुणा, तिरियलोए संखिजगुणा ॥ खेत्ताणुवाएणं सव्वत्थोवा तेइंदिया उड्डलोए, उड्डलोयतिरियलोए असंखिजगुणा, तेलोक्के असंखिजगुणा, अहोलोयतिरियलोए असंखिजगुणा,
