________________
प० ३ दा० २४ वाणमंतरा] सुत्तागमे सव्वत्थोवा जीवा अचरिमा, चरिमा अणंतगुणा ॥ २२ दारं ॥ १९४ ॥ एएसि णं भंते ! जीवाणं पोग्गलाणं अद्धासमयाणं सव्वदव्वाणं सव्वपएसाणं सव्वपजवाण य कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा, पोग्गला अणंतगुणा, अद्धासमया अणंतगुणा, सव्वदव्वा विसेसाहिया, सव्वपएसा अणंतगुणा, सव्वपजवा अणंतगुणा ॥ २३ दारं ॥ १९५ ॥ खेत्ताणुवाएणं सव्वत्थोवा जीवा उड्डलोयतिरियलोए, अहोलोयतिरियलोए विसेसाहिया, तिरियलोए असंखेज्जगुणा, तेलुक्के असंखेजगुणा, उड्ढलोए असंखेजगुणा, अहोलोए विसेसाहिया ॥ १९६ ॥ खेत्ताणुवाएणं सव्वत्थोवा नेरइया तेलोक्के, अहोलोयतिरियलोए असंखेजगुणा, अहोलोए असंखेजगुणा ॥ १९७ ॥ खेत्ताणुनाएणं सव्वत्थोवा तिरिक्खजोणिया उड्डलोयतिरियलोए, अहोलोयतिरियलोए विसेसाहिया, तिरियलोए असंखेजगुणा, तेलोके असंखेजगुणा, उड्डलोए असंखेजगुणा, अहोलोए विसेसाहिया । खेत्ताणुवाएणं सव्वत्थोवाओ तिरिक्खजोणिणीओ उड्डलोए, उड्डलोयतिरियलोए असंखेजगुणाओ, तेलोके संखेजगुणाओ, अहोलोयतिरियलोए संखेजगुणाओ, अहोलोए संखेजगुणाओ, तिरियलोए संखेजगुणाओ ॥ १९८ ॥ खेत्ताणुवाएणं सव्वत्थोवा मणुस्सा तेलोक्के, उड्डलोयतिरियलोए असंखेजगुणा, अहोलोयतिरियलोए संखेजगुणा, उद्दलोए संखेजगुणा, अहोलोए संखेजगुणा, तिरियलोए संखेजगुणा । खेत्ताणुवाएणं, सव्वत्थोवाओ मणुस्सीओ तेलोके, उड्डलोयतिरियलोए संखेजगुणाओ, अहोलोयतिरियलोए संखेजगुणाओ, उड्डलोए संखेजगुणाओ, अहोलोए संखेजगुणाओ, तिरियलोए संखेज्जगुणाओ ॥ १९९ ॥ खेत्ताणुवाएणं सव्वत्थोवा देवा उड्डलोए, उड्डलोयतिरियलोए असंखेजगुणा, तेलोके संखेजगुणा, अहोलोयतिरियलोए संखेजगुणा, अहोलोए संखेजगुणा, तिरियलोए संखेजगुणा। खेत्ताणुवाएणं सव्वत्थोवाओ देवीओ उड्डलोए, उड्डलोयतिरियलोए असंखेजगुणाओ, तेलोक्के संखेजगुणाओ, अहोलोयतिरियलोए संखेज्जगुणाओ, अहोलोए संखेजगुणाओ, तिरियलोए संखेज्जगुणाओ ॥ २०० ॥ खेत्ताणुवाएणं सव्वत्थोवा भवणवासी देवा उड्डलोए, उडलोयतिरियलोए असंखेजगुणा, तेलोक्के खेजगुणा, अहोलोयतिरियलोए असंखेजगुणा, तिरियलोए असंखेजगुणा, अहोलोए असंखेजगुणा । खेत्ताणुवाएणं सव्वत्थोवाओ भवणवासिणीओ देवीओ उड्डलोए, उडलोयतिरियलोए असंखेजगुणाओ, तेलोक्के संखेज्जगुणाओ, अहोलोयतिरियलोए असंखेज्जगुणाओ, तिरियलोए असंखेज्जगुणाओ, अहोलोए असंखेज्जगुणाओ ॥ खेत्ताणुवाएणं सव्वत्थोवा वाणमंतरा देवा उड्डलोए, उडलोयतिरियलोए असंखेजगुणा, तेलोक्के संखेजगुणा, अहोलोयतिरियलोए असंखेजगुणा, अहोलोए
