________________
सुत्तागमे
[पण्णवणासुत्तं तित्तीसा धणुत्तिभागो य होइ नायव्वो । एसा खलु सिद्धाणं उक्कोसोगाहणा भणिया ॥ ६॥ चत्तारि य रयणीओ रयणी तिभागूणिया य बोद्धव्वा । एसा खलु सिद्धाणं मज्झिमओगाहणा भणिया ॥ ७॥ एगा य होइ रयणी अढेव य अंगुलाई साहि(य)या। एसा खलु सिद्धाणं जहन्नओगाहणा भणिया ॥ ८॥ ओगाहणाइ सिद्धा भवत्तिभागेण होंति परिहीणा । संठाणमणित्थंथं जरामरणविप्पमुक्काणं ॥९॥ जत्थ य एगो सिद्धो तत्थ अणंता भवक्खयविमुक्का । अन्नोऽन्नसमोगाढा पुट्ठा सव्वा वि लोगंते ॥ १० ॥ फुसइ अणंते सिद्धे सव्वपएसेहिं नियमसो सिद्धा । तेऽवि य असंखिजगुणा देसपएसेहिं जे पुट्ठा ॥ ११ ॥ असरीरा जीवघणा उवउत्ता दंसणे य नाणे य । सागारमणागारं लक्खणमेयं तु सिद्धाणं ॥ १२ ॥ केवलणाणुवउत्ता जाणंता सव्वभावगुणभावे । पासंता सव्वओ खलु केवलदिट्ठीहिऽणंताहिं ॥ १३ ॥ नवि अत्थि माणुसाणं तं सुक्खं नवि य सव्वदेवाणं । जं सिद्धाणं सुक्खं अव्वाबाहं उवगयाणं ॥ १४ ॥ सुरगणसुहं समत्तं सध्वद्धापिंडियं अणंतगुणं । नवि पावइ मुत्तिसुहं णंताहिं वग्गवग्गूहिं ॥ १५ ॥ सिद्धस्स सुहोरासी सव्वद्धापिंडिओ जइ हवेजा। सोऽणंतवग्गभइओ सव्वागासे न माइजा ॥ १६ ॥ जह णाम कोइ मिच्छो नगरगुणे बहुविहे वियाणंतो। न चएइ परिकहेडं उवमाए तहिं असंतीए ॥ १७ ॥ इय सिद्धाणं सोक्खं अणोवमं नत्थि तस्स ओवम्मं । किंचि विसेसेणित्तो सारिक्खमिणं सुणह वोच्छं ॥ १८ ॥ जह सव्वकामगुणियं पुरिसो भोत्तूण भोयणं कोइ । तण्हाछुहाविमुक्को अच्छिज जहा अमियतित्तो ॥ १९ ॥ इय सव्वकालतित्ता अउलं निव्वाणमुवगया सिद्धा । सासयमव्वाबाहं चिट्ठति सुही सुहं पत्ता ॥ २० ॥ सिद्धत्ति य बुद्धत्ति य पारगयत्ति व परंपरगयत्ति । उम्मुक्ककम्मकवया अजरा अमरा असंगा य ॥ २१ ॥ नित्थिन्नसव्वदुक्खा जाइजरामरणबंधणविमुक्का । अव्वाबाहं सोक्खं अणुहोंती सासयं सिद्धा ॥ २२ ॥ १३६ ॥ पनवणाए भगवईए बीयं ठाणपयं समत्तं ॥ - दिसिगइइंदियकाए जोए वेए कसायलेसा य । सम्मत्तनाणदंसणसंजयउवओगआहारे ॥१॥ भासगपरित्तपजत्तसुहुमसन्नी भवऽथिए चरिमे । जीवे य खित्तबन्धे पुग्गलमहदंडए चेव ॥ २ ॥ दिसाणुवाएणं सव्वत्थोवा जीवा पच्छिमेणं, पुरच्छिमेणं विसेसाहिया, दाहिणेणं विसेसाहिया, उत्तरेणं विसेसाहिया ॥ १३७ ॥ दिसाणुवाएणं सव्वत्थोवा पुढविक्काइया दाहिणेणं, उत्तरेणं विसेसाहिया, पुरच्छिमेणं विसेसाहिया, पच्छिमेणं विसेसाहिया। दिसाणुवाएणं सव्वत्थोवा आउक्काइया पच्छिमेणं, पुरच्छिमेणं विसेसाहिया, दाहिणेणं विसेसाहिया, उत्तरेणं विसेसाहिया। दिसाणुवाएणं सव्वत्थोवा तेउक्काइया दाहिणुत्तरेणं, पुरच्छिमेणं संखेजगुणा, पच्छिमेणं विसेसाहिया । दिसाणु
