________________
सुत्तागमे
प० २ तेइंदियठाणा]
२९३ भागेसु ॥ ८७ ॥ कहि णं भंते ! सुहुमवाउकाइयाणं पज्जत्तगाणं अपजत्तगाण य ठाणा पन्नत्ता ? गोयमा ! सुहुमवाउकाइया जे पजत्तगा जे य अपजत्तगा ते सव्वे एगविहा अविसेसा अणाणत्ता सबलोयपरियावन्नगा पन्नत्ता समणाउसो! ॥ ८८ ॥ कहि णं भंते ! बायरवणस्सइकाइयाणं पजत्तगाणं ठाणा पन्नत्ता ? गोयमा ! सहाणेणं सत्तसु घणोदहीसु, सत्तसु घणोदहिवलएसु, अहोलोए पायालेसु, भवणेसु, भवणपत्थडेसु; उड्डलोए कप्पेसु, विमाणेसु, विमाणावलियासु, विमाणपत्थडेसु; तिरियलोए अगडेसु, तडागेसु, नईसु, दहेसु, वावीसु, पुक्खरिणीसु, दीहियासु, गुंजालियासु, सरेसु, सरपंतियासु, सरसरपंतियासु, बिलेसु, बिलपंतियासु, उज्झरेसु, निज्झरेसु, चिल्ललेसु, पल्ललेसु, वप्पिणेसु, दीवेसु, समुद्देसु, सव्वेसु चेव जलासएसु जलठाणेसु; एत्थ णं बायरवणस्सइकाइयाणं पज्जत्तगाणं ठाणा पन्नत्ता । उववाएणं सव्वलोए, समुग्घाएणं सव्वलोए, सट्ठाणेणं लोयस्स असंखेजइभागे ॥ ८९ ॥ कहि णं भंते ! बायरवणस्सइकाइयाणं अपज्जत्तगाणं ठाणा पन्नत्ता ? गोयमा ! जत्थेव बायरवणस्सइकाइयाणं पजत्तगाणं ठाणा प० तत्थेव बायरवणस्सइकाइयाणं अपजत्तगाणं ठाणा पन्नत्ता। उववाएणं सव्वलोए, समुग्धाएणं सव्वलोए, सट्ठाणेणं लोयस्स असंखेजइभागे॥९॥ कहि णं भंते ! सुहुमवणस्सइकाइयाणं पजत्तगाणं अपजत्तगाण य ठाणा पन्नत्ता ? गोयमा ! सुहुमवणस्सइकाइया जे पज्जत्तगा जे य अपजत्तगा ते सव्वे एगविहा अविसेसा अणाणत्ता सव्वलोयपरियावन्नगा पन्नत्ता समणाउसो! ॥ ९१ ॥ कहि णं भंते ! बेइंदियाणं पजत्तापज्जत्तगाणं ठाणा पन्नत्ता? गोयमा ! उड्ढलोए तदेकदेसभागे, अहोलोए तदेकदेसभागे, तिरियलोए अगडेसु, तलाएसु, नईसु, दहेसु, वावीसु, पुक्खरिणीसु, दीहियासु, गुंजालियासु, सरेसु, सरपंतियासु, सरसरपंतियासु, बिलेसु, बिलपंतियासु, उज्झरेसु, निज्झरेसु, चिल्ललेसु, पल्ललेसु, वप्पिणेसु, दीवेसु, समुद्देसु, सव्वेसु चेव जलासएसु जलठाणेसु, एत्थ णं बेइंदियाणं पजत्तापज्जत्तगाणं ठाणा पन्नत्ता। उववाएणं लोगस्स असंखेज्जइभागे, समुग्घाएणं लोगस्स असंखेजइभागे, सट्ठाणेणं लोगस्स असंखेजइभागे ॥ ९२ ॥ कहि णं भंते ! तेइंदियाणं पजत्तापज्जत्तगाणं ठाणा पन्नत्ता ? गोयमा ! उड्डलोए तदेकदेसभाए, अहोलोए तदेकदेसभाए, तिरियलोए अगडेसु, तलाएसु, नईसु, दहेसु, वावीसु, पुक्खरिणीसु, दीहियासु, गुंजालियासु, सरेसु, सरपंतियासु, सरसरपंतियासु, बिलेसु, बिलपंतियासु, उज्झरेसु, निज्झरेसु, चिल्ललेसु, पल्ललेसु, वप्पिणेसु, दीवेसुः, समुद्देसु, सव्वेसु चेव जलासएसु जलठाणेसु, एत्थ णं तेइंदियाणं पजत्तापजत्तगाणं ठाणा पन्नत्ता । उववाएणं लोयस्स असंखेजइभागे, समुग्धाएणं लोयस्स असंखेज्जइभागे, सट्ठाणेणं
