________________
२८६:
सुत्तागमे . [पण्णवणासुत्तं सिप्पारिया अणेगविहा पन्नत्ता । तंजहा-तुण्णागा, तंतुवाया, पट्टागारा, देयडा, वरुट्टा, छविया, कठ्ठपाउयारा, मुंजपाउयारा, छत्तारा, वज्झारा, पोत्थारा, लेप्पारा, चित्तारा, संखारा, दंतारा, भंडारा, जिज्झगारा, सेल्लारा, कोडिगारा, जेयावन्ने तहप्पगारा। सेत्तं सिप्पारिया ॥ ७० ॥ से किं तं भासारिया ? भासारिया जे णं अद्धमागहाए भासाए भासेंति, जत्थऽवि य णं बंभी लिवी पवत्तइ । बंभीए णं लिवीए अट्ठारसविहे लेक्खविहाणे पन्नत्ते । तंजहा-१ बंभी, २ जवणाणिया, ३ दोसापुरिया, ४ खरोटी, ५ पुक्खरसारिया, ६ भोगवइया, ७ पहराइया, ८ अंतक्खरिया, ९ अक्खरपुट्टिया, १० वेणइया, ११ निण्हइया, १२ अंकलिवी, १३ गणियलिवी, १४ गंधव्वलिवी, १५ आयंसलिवी, १६ माहेसरी, १७ दोमिलिवी, १८ पोलिन्दी। सेत्तं भासारिया ॥७१॥ से किं तं नाणारिया ? नाणारिया पंचविहा पन्नत्ता। तंजहा-आभिणिबोहियनाणारिया, सुयनाणारिया, ओहिनाणारिया, मणपजवनाणारिया, केवलनाणारिया। सेत्तं नाणारिया ॥७२॥ से किं तं दसणारिया ? दंसणारिया दुविहा पन्नत्ता। तंजहासरागदंसणारिया य वीयरागदसणारिया य ॥ ७३ ॥ से किं तं सरागदसणारिया ? सरागदंसणारिया दसविहा पन्नत्ता। तंजहा-निसग्गुवएसरुई आणाई सुत्तबीयरुइमेव । अभिगमवित्थाररुई किरियासंखेवधम्मरुई ॥१॥ भूयत्थेणाहिगया जीवाजीवे य पुण्णपावं च । सहसंमुइयाऽऽसवसंवरे य रोएइ उ निस्सग्गो ॥ २ ॥ जो जिणदिढे भावे चउबिहे सद्दहाइ सयमेव । एमेव नन्नहत्ति य निसग्गरुइत्ति नायव्वो ॥ ३ ॥ एए चेव उ भावे उवदिढे जो परेण सद्दहइ । छउमत्थेण जिणेण व उवएसइत्ति नायव्वो ॥ ४ ॥ जो हेउमयाणंतो आणाए रोयए पवयणं तु । एमेव नन्नहत्ति य एसो आणारुई नाम ॥ ५ ॥ जो सुत्तमहिज्जन्तो सुएण ओगाहई उ सम्मत्तं । अंगेण बाहिरेण व सो सुत्तरुइत्ति णायव्वो ॥ ६ ॥ एगेण अणेगाई पयाइं जो पसरई उ सम्मत्तं । उदए व्व तेल्लबिन्दू सो बीयरुइत्ति नायव्वो ॥ ७ ॥ सो होइ अभिगमरुई सुयनाणं जस्स अत्थओ दिटुं । इक्कारस अंगाई पइन्नगा दिट्ठिवाओ य ॥ ८ ॥ दव्वाण सव्वभावा सव्वपमाणेहिं जस्स उवलद्धा । सव्वाहिं नयविहीहिं वित्थाररुइत्ति नायव्वो ॥ ९ ॥ दंसणनाणचरित्ते तवविणए सव्वसमिइगुत्तीसु । जो किरियाभावरुई सो खलु किरियारुई नाम ॥ १० ॥ अणभिग्गहियकुदिट्ठी संखेवरुइत्ति होइ नायव्वो । अविसारओ पवयणे अणभिग्गहिओ य सेसेसु ॥ ११ ॥ जो अत्थिकायधम्मं सुयधम्म खलु चरित्तधम्मं च । सद्दहइ जिणाभिहियं सो धम्मरुइत्ति नायव्वो ॥ १२ ॥ परमत्थसंथवो वा सुदिट्ठपरमत्थसेवणा वावि । वावन्नकुदंसणवजणा य सम्मत्तसद्दहणा ॥ १३ ॥ निस्संकिय निकंखिय निवितिगिच्छा अमूढदिट्ठी य ।
