________________
५० १ सिप्पारियसरूवपुच्छा] सुत्तागमे
२८५ हेरण्णवएहिं, पंचहिं हरिवासेहिं, पंचहिं रम्मगवासेहि, पंचहिं देवकुरूहिं, पंचहिं उत्तरकुरूहिं । सेत्तं अकम्मभूमगा ॥६२॥ से किं तं कम्मभूमगा? कम्मभूमगा पन्नरसविहा पन्नत्ता । तंजहा-पंचहिं भरहेहि, पंचहिं एरवएहिं, पंचहिं महाविदेहेहिं । ते समासओ दुविहा पन्नत्ता। तंजहा-आरिया य मिलक्खू य ॥ ६३ ॥ से किं तं मिलक्खू ? मिलक्खू अणेगविहा पन्नत्ता। तंजहा-सगा जवणा चिलायसबरबब्बरकायमुरुंडोडभडगनिण्णगपक्कणियाकुलक्खगोंडसिंहलपारसगोधाकोंचअंबडइदमिलचिल्ललपुलिंदहारोसदोबवोकाणगन्धाहारगपहलियअज्झलरोमपासपउसामलयायबंधुयायसूयलिकुंकुणगमेयपल्हवमालवमग्गरआभासियाणक्कचीणल्हसियखसाघासियणद्दरमोंढडोंबिलगलओसपओसककेयअक्खागहूणरोमगभरुमरुयचिलायविसयवासी य एवमाई । सेत्तं मिलक्खू ॥ ६४ ॥ से किं तं आरिया ? आरिया दुविहा पन्नत्ता। तंजहा-इड्डिपत्तारिया य अणिहिपत्तारिया य। से किं तं इडिपत्तारिया ? इड्डिपत्तारिया छव्विहा पन्नत्ता। तंजहा-१ अरहंता, २ चक्कवट्टी, ३ बलदेवा, ४ वासुदेवा, ५ चारणा, ६ विज्जाहरा । सेत्तं इडिपत्तारिया। से किं तं अणिड्डिपत्तारिया ? अणिड्डिपत्तारिया नवविहा 'पन्नत्ता । तंजहा-खेत्तारिया, जाइआरिया, कुलारिया, कम्मारिया, सिप्पारिया, भासारिया, नाणारिया, सणारिया, चरित्तारिया ॥६५॥ से किं तं खेत्तारिया ? खेत्तारिया अद्धछन्वीसइविहाणा पन्नत्ता । तंजहा-रायगिह मगह चंपा, अंगा तह तामलित्ति वंगा य । कंचणपुरं कलिंगा, वाणारसी चेव कासी य ॥ १॥ साएय कोसला गयपुरं च कुरु सोरियं कुसट्टा य । कंपिल्लं पंचाला, अहिछत्ता जंगला चेव ॥ २ ॥ बारवई सोरट्ठा, मिहिल विदेहा य वच्छ कोसंबी। नंदिपुरं संडिल्ला, भद्दिलपुरमेव मलया य ॥३॥ वइराड वच्छ वरणा, अच्छा तह मत्तियावइ दसण्णा। सोत्तियवई य चेदी, वीयभयं सिंधुसोवीरा ॥ ४॥ महुरा य सूरसेणा, पावा भंगा य मास पुरिवठ्ठा । सावत्थी य कुणाला, कोडीवरिसं च लाढा य ॥ ५॥ सेयविया वि य णयरी, केकयअद्धं च आरियं भणियं । इत्थुप्पत्ती जिणाणं, चक्कीणं रामकण्हाणं ॥ ६ ॥ सेत्तं खेत्तारिया ॥ ६६ ॥ से किं तं जाइआरिया ? जाइआरिया छव्विहा पन्नत्ता । तंजहा-अंबट्ठा य कलिंदा विदेहा वेदगा इ य । हरिया चुंचुणा चेव छ एया इन्भजाइओ ॥ सेत्तं जाइआरिया ॥ ६७ ॥ से किं तं कुलारिया ? कुलारिया छव्विहा पन्नत्ता । तंजहा-उग्गा, भोगा, राइन्ना, इक्खागा, णाया, कोरव्वा । सेत्तं कुलारिया ॥ ६८ ॥ से किं तं कम्मारिया ? कम्मारिया अणेगविहा पन्नत्ता। तंजहादोसिया, सोत्तिया, कप्पासिया, सुत्तवेयालिया, भंडवेयालिया, कोलालिया, नरवाहणिया, जेयावने तहप्पगारा। सेत्तं कम्मारिया ॥ ६९ ॥ से किं तं सिप्पारिया ?
