________________
प० १ लोमपक्खी ]
सुत्तागमे
२८३
सेसु, रायहाणीनिवेसेसु, एएसि णं चेव विणासेसु एत्थ णं आसालिया संमुच्छइ । जहन्नेणं अंगुलस्स असंखेज्जइभागमित्ताए ओगाहणाए, उक्कोसेणं बारसजोयणाई तयगुरुवं चणं विक्खंभबाहल्लेणं भूमिं दालित्ता णं समुट्ठेइ, असन्नी मिच्छादिट्ठी अण्णाणी अंतमुत्तद्वाउया चेव कालं करेइ । सेत्तं आसालिया ॥ ५४ ॥ से किं तं महोरगा ? महोरगा अणेगविहा पन्नत्ता । तंजहा - अत्थेगइया अंगुलं पि, अंगुलपुहुत्तिया वि, वियतिथपि, वियत्थपुहुत्तिया वि, रयणिं पि, रयणिपुहुत्तिया वि, कुच्छि पि, कुच्छ - हुत्तिया वि, धणुं पि, धणुपुहुत्तिया वि, गाउयं पि, गाउयपुहुत्तिया वि, जोयणं पि, जोयणपुहुत्तिया वि, जोयणसयं पि, जोयणसयपुहुत्तिया वि, जोयणसहस्सं पि । तेथले जाया, जलेऽवि चरंति थलेऽवि चरन्ति, ते णत्थि इहं, बाहिरएस दीवेसु समुद्दसु हवन्ति, जेयावन्ने तहप्पगारा । सेत्तं महोरगा । ते समासओ दुविहा पन्नत्ता । तंजहा— संमुच्छिमाय गब्भवकंतिया य । तत्थ णं जे ते संमुच्छिमा ते सव्वे नपुंसगा । तत्थ णं जे ते गब्भवकंतिया ते तिविहा पन्नत्ता । तंजहा - इत्थी, पुरिसा, नपुंसगा। एएसि णं एवमाइयाणं पज्जत्तापज्जत्ताणं उरपरिसप्पाणं दसजाइकुलकोडिजोणिप्पमुहसयसहस्सा भवन्तीति मक्खायं । सेत्तं उरपरिसप्पा ॥ ५५ ॥ से किं तं भुयपरिसप्पा ? भुयपरिसप्पा अणेगविहा पन्नत्ता । तंजहा - नउला, सेहा, सरडा, सल्ला, सरंठा, सारा, खोरा, घरोइला, विस्संभरा, मूसा, मंगुसा, पयलाइया, छीरविरालिया, जोहा, चउप्पाइया, जेयावन्ने तहप्पगारा । ते समासओ दुविहा पन्नत्ता । तंजहा - संमुच्छिमाय गव्भवतिया य । तत्थ णं जे ते संमुच्छिमा ते सव्वे नपुंसगा । तत्थ णं जे ते गब्भवक्कंतिया ते तिविहा पन्नत्ता । तंजहा - इत्थी, पुरिसा, नपुंसगा । एएसि णं एवमाइयाणं पज्जत्तापज्जत्ताणं भुयपरिसप्पाणं नव जाइकुलकोडिजोणिप्पमुहसयसहस्सा भवन्तीति मक्खायं । सेत्तं भुयपरिसप्पथलयरपंचिंदियतिरिक्खजोणिया । सेत्तं परिसप्पथलयरपंचिंदियतिरिक्खजोणिया ॥ ५६ ॥ से किं तं खहयरपंचिन्दियतिरिक्खजोणिया ? खहयरपंचिन्दियतिरिक्खजोणिया चउव्विहा पन्नत्ता । तंजहाचम्मपक्खी, लोमपक्खी, समुग्गपक्खी, विययपक्खी । से किं तं चम्मपक्खी ? चम्मपक्खी अणेगविहा पन्नत्ता । तंजहा- वग्गुली, जलोया, अडिला, भारंडपक्खी, जीवजीवा, समुद्दवायसा, कण्णत्तिया, पक्खिविरालिया, जेयावन्ने तहप्पगारा । सेत्तं चम्मपक्खी। से किं तं लोमपक्खी ? लोमपक्खी अणेगविहा पन्नत्ता । तंजहा — ढंका, कंका, कुरला, वायसा, चक्कागा, हंसा, कलहंसा, रायहंसा, पायहंसा, आडा, सेडी, बगा, बलागा, पारिप्पवा, कोंचा, सारसा, मेसरा, मसूरा, मऊरा, सत्तहत्था, गहरा, पोंडरिया, कागा, कामिंजुया, वंजुलया, तित्तिरा, वट्टगा, लावगा, कवोया, कविंजला,
-
