________________
पं० १ एगखुरा ]
२८१
ज़ीवपन्नवणा, देवपंचिन्दियसंसारसमावन्नजीवपन्नवणा ॥ ४७ ॥ से किं तं नेरइया ? नेरइया सत्तविहा पन्नत्ता । तंजहा - १ रयणप्पभापुढविनेरइया, २ संक्करप्पभापुढविनेरइया, ३ वालुयप्पभापुढविनेरइया, ४ पंकप्पभापुढविनेरइया, ५ धूमप्पभापुढविनेरइया, ६ तमप्पभापुंढविनेरइया, ७ तमतमप्पभापुढविनेरइया । ते समासओं दुविहा पन्नत्ता । तं जहा - पज्जत्तगा य अपतगा य । सेत्तं नेरइया ॥ ४८ ॥ से किं तं पंचेंदियतिरिक्खजोणिया ? पंचिंदियतिरिक्खजोणिया तिविहा पन्नत्ता । तंजहा१ जलयरपंचिंदियतिरिक्खजोणिया य, २ थलय रपंचिन्दियति रिक्ख जोणिया य, ३ खहयरपंचिन्दियतिरिक्खजोणिया य ॥ ४९ ॥ से किं तं जलयरपंचिन्दियतिरिक्खजोणिया ? जलयरपंचिन्दियतिरिक्खजोणिया पंचविहा पन्नत्ता । तंजहा - १ मच्छा, २ कच्छभा, ३ गाहा, ४ मगरा, ५ सुंसुमारा । से किं तं मच्छा ? मच्छा अणेगविहा पन्नत्ता । तंजहा - सण्हमच्छा, खवल्लमच्छा, जुंगेमच्छा, विज्झडियमच्छा, हलिमच्छा, मगरिमच्छा, रोहियमच्छा, हलीसागरा, गांगरा, वडा, वडगरा, गब्भया, उसगारा, तिमी, तिमिंगिला, पक्का, तंदुलमच्छा, कणिक्कामच्छा, साली, सत्थियामच्छा, लंभणमच्छा, पडागा, पडागाइपडागा, जेयावन्ने तहप्पगारा । सेत्तं मच्छा । से किं तं कच्छभा ? कच्छभा दुविहा पन्नत्ता । तंजहा - अट्ठिकच्छभा य मंसकच्छभा य । सेत्तं कच्छभा । से किं तं गाहा ? गाहा पंचविहा पन्नत्ता । तंजहा -- १ दिली, २. वेढगा, ३ मुद्धया, ४ पुलया, ५ सीमागारा । सेत्तं गाहा । से किं तं मगरा ? मगरा दुविहा पन्नत्ता । तंजहा - १ सोंडमगरा य, २ मट्ठमगरा य । सेत्तं मगरा । से किं तं सुंसुमारा? सुंसुमारा एगागारा पन्नत्ता । सेत्तं सुंसुमारा । जेयावन्ने तहप्पगारा । ते समासओ दुविहा पन्नत्ता । तंजहा - संमुच्छिमा य गब्भवतिया य । तत्थ णं जे. ते समुच्छिमा ते सव्वे नपुंसगा । तत्थ णं जे ते गब्भवक्कंतिया ते तिविहा पन्नत्ता । तंजहा — इत्थी, पुरिसा, नपुंसंगा । एएसि णं एवमाइयाणं जलयरपंचिंदि - यतिरिक्खजोणियाणं पजत्तापज्जत्ताणं अद्धतेरसजाइकुलकोडिजोणिप्पमुहसयसहस्सा भवन्तीति मक्खायं । सेत्तं जलयरपंचिंदियतिरिक्खजोणिया ॥ ५० ॥ से किं तं थल - यरपंचिंदियतिरिक्खजोणिया ? थलयरपंचिन्दियतिरिक्खजोणिया दुबिहा पन्नत्ता तंजहा- चउप्पयथलयरपंचिन्दियतिरिक्खजोणिया य परिसप्पथलयस्पंचिन्दियतिरिक्खजोणिया य । से किं तं चउप्पयथलयरपंचिन्दियतिरिक्खजोणिया ? चउप्पयथल-यरपंचिन्दियतिरिक्खजोणिया चउष्विहा पन्नत्ता । तंजहा- एगखुरा, बिखुरा, गंडी पया, सणफया । से किं तं एगखुरा ? एमखुरा अणेगविहा पन्नत्ता । तंजहा - अस्सा, अस्सतरा, घोडगा, गद्दभा, गोरक्खरा, कंदलगा, सिरिकंदलगा, आवत्तगा, जेयावन्ने तह
सुत्तागमे
