________________
सुत्तागमे
२४६
[जीवाजीवाभिगमे सुहमाणं बायराण य पजत्ताणं अपज्जत्ताण य कयरे २...? गोयमा ! सव्वत्थोवा बायरा पजत्ता बायरा अपजत्ता असंखेज्जगुणा सुहुमा अपजत्ता असंखेजगुणा सुहुमपजत्ता संखेजगुणा, एवं सुहुमपुढविबायरपुढवि जाव सुहुमनिओया बायरनिओया नवरं पत्तेयसरीरबायरवण० सव्वत्थोवा पजत्ता अपजत्ता असंखेजगुणा, एवं बायरतसकाइयावि ॥ सव्वेसिं भंते ! पजत्तअपजत्तगाणं कयरे २ हिंतो अप्पा वा वहुया वा तुल्ला वा विसेसाहिया वा ? गोयमा ! सव्वत्थोवा बायरतेउक्काइया पजत्ता वायरतसकाइया पजत्तगा असंखेजगुणा ते चेव अपजत्तगा असंखेजगुणा पत्तेयसरीरबायरवणस्सइअपजत्तगा असंखे० बायरणिओया पजत्ता असंखेज० बायरपुडवि० पज्जत्ता असं० आउवाउपजत्ता असंखे० बायरतेउकाइयअपजत्ता असंखे० पत्तेय० अपजत्ता असंखे० बायरनिओयअपजत्ता असं० बायरपुढवि० आउवाउकाइ० अपजत्तगा असंखेजगुणा सुहुमतेउकाइया अपजत्तगा असं० सुहुमपुढविआउवाउअपजत्ता विसेसा० सुहुमतेउकाइयपज्जत्तगा संखेजगुणा सुहुमपुढविआउवाउपजत्तगा विसेसाहिया सुहुमणिगोया अपजत्तगा असंखेनगुणा सुहुमणिगोया पजत्तगा संखेजगुणा वायरवणस्सइकाइया पजत्तगा अणंतगुणा बायरा पजत्तगा विसेसाहिया वायरवणस्सइ० अपज्जत्ता असंखेजगुणा बायरा अपजत्ता विसे० बायरा विसेसाहिया सुहमवणस्सइकाइया अपज्जत्तगा असंखेजगुणा सुहुमा अपजत्ता विसेसाहिया सुहुमवणस्सइकाइया पजत्ता संखेजगुणा सुहुमा पजत्तगा विसेसाहिया सुहुमा विसेसाहिया ॥ २३७ ॥ कइविहा णं भंते ! णिओया पण्णत्ता ? गोयमा ! दुविहा णिओया पण्णत्ता, तंजहा—णिओया य णिगोदजीवा य ॥ णिओया णं भंते ! कइविहा पण्णत्ता ? गोयमा ! दुविहा प०, तंजहा-सुहुमणिओया य बायरणिओया य ॥ सुहुमणिओया णं भंते ! कइविहा पण्णत्ता ? गोयमा ! दुविहा पण्णत्ता, तंजहापज्जत्तगा य अपजत्तगा य ॥ बायरणिओयावि दुविहा पण्णत्ता, तंजहा-पज्जत्तगा य अपज्जत्तगा य ॥ णिओयजीवा णं भंते ! कइविहा पण्णत्ता ? गोयमा ! दुविहा पण्णत्ता, तंजहा-सुहुमणिओयजीवा य बायरणिओयजीवा य । सुहमणिगोदजीवा दुविहा प०, तं०-पज्जत्तगा य अपज्जत्तगा य । बादरणिगोदजीवा दुविहा पन्नत्ता, तं०-पजत्तगा य अपज्जत्तगा य ॥ २३८ ॥ निगोदा णं भंते ! दव्वट्ठयाए किं संखेज्जा असंखेज्जा अणंता ? गोयमा ! नो संखेजा असंखेजा नो अणंता, एवं पजत्तगावि अपजत्तगावि ॥ सुहुमनिगोदा णं भंते ! दव्वट्ठयाए किं संखेजा असंखेजा अणंता ? गो० ! णो संखेज्जा असंखेजा णो अणंता, एवं पजत्तगावि अपजत्तगावि, एवं बायरावि पजत्तगावि अपज्जत्तगावि णो संखेज्जा
