________________
२३८
सुत्तागमे
[ जीवाजीवाभिगमे
उववज्जंति ? गोयमा ! जहन्नेणं एक्को वा दो वा तिण्णि वा उक्कोसेणं संखेज्जा वा असंखेजा वा उववज्जंति, एवं जाव सहस्सारे, आणयाई गेवेज्जा अणुत्तरा य एको वा दो वा तिणि वा उक्कोसेणं संखेज्जा वा उववजंति ॥ सोहम्मीसाणेसु णं भंते ! - देवा समए २ अवहीरमाणा २ केवइएणं कालेणं अवहिया सिया ? गोयमा ! ते णं असंखेज्जा समए २ अवहीरमाणा २ असंखेज्जाहिं ओसप्पिणीहिं उस्सप्पिणीहिं अवहीरंति नो चेवणं अवहिया सिया जाव सहस्सारो, आणयाइएसु चउसुवि, गेवेजेसु अणुत्तरेसु य समए समए जाव केवइयकालेणं अवहिया सिया ? गोयमा !
असंखेजा समए २ अवहीर माणा २ पलिओवमस्स असंखेज्जइभागमेत्तेणं अवहीरंति, नो चेत्र णं अवहिया सिया || सोहम्मीसाणेसु णं भंते ! कप्पेसु देवाणं केमहालया सरीरोगाहणा पण्णत्ता ? गोयमा ! दुविहा सरीरा पण्णत्ता, तंजहा—भवधा - रणिजा य उत्तरवेउव्विया य, तत्थ णं जे से भवधारणिज्जे से जहन्नेणं अंगुलस्स असंखेज्जइभागो उक्कोसेणं सत्त रयणीओ, तत्थ णं जे से उत्तरवेउव्विए से जहणेणं अंगुलस्स संखेज्जइभागो उक्कोसेणं जोयणसयसहस्सं, एवं एक्केक्का ओसारेत्ताणं जाव अणुत्तराणं एक्का रयणी, गेविज्जणुत्तराणं एगे भवधारणिजे सरीरे उत्तरवेउव्विया नत्थि ॥२१३॥ सोहम्मीसाणेसु णं० देवाणं सरीरगा किंसंघयणी पण्णत्ता ? गोयमा ! छहं. संघयणाणं असंघयणी पण्णत्ता, नेवट्ठी नेव छिरा नवि ण्हारू व संघयणमत्थि, जे पोग्गला इट्ठा कंता जाव ते तेर्सि संघायत्ताए परिणमंति जाव अणुत्तरोववाइया ॥ सोहम्मीसाणेसु० देवाणं सरीरगा किंसंठिया पण्णत्ता ? गोयमा ! दुविहा सरीरा प० तं ० - भवधारणिजा य उत्तरवेड व्विया य, तत्थ णं जे ते भवधारणिज्जा ते समचउरंसठाणसंठिया पण्णत्ता, तत्थ णं जे ते उत्तरवेउब्विया ते णाणासंठाणसंठिया पण्णत्ता जाव अच्चुओ, अवेउब्विया गेविज्जणुत्तरा, भवधारणिज्जा समचउरंससंठाणसंठिया उत्तरवेउब्विया णत्थि ॥ २१४ || सोहम्मीसाणेसु० देवा केरिसया audi पन्नत्ता ? गोयमा ! कणगत्तयरत्ताभा वण्णेणं पण्णत्ता । सणकुमारमाहिंदेसु णं० पउमपम्हगोरा वण्णेणं पण्णत्ता । बंभलोगे णं भंते ! ०? गोयमा ! अलमधुगवण्णाभा व पण्णत्ता, एवं जाव गेवेज्जा, अणुत्तरोववाइया परमसुकिल्ला वण्णेणं पन्नत्ता ॥ सोहम्मीसाणेसु णं भंते ! कप्पेसु देवाणं सरीरगा केरिसया गंधेणं पण्णत्ता ? गोयमा ! से जहा णाम - कोपुडाण वा तहेव सव्वं जाव मणामतरगा चेव गंधेणं पण्णत्ता जाव अणुत्तरोववाइया ॥ सोहम्मीसाणेसु० देवाणं सरीरगा केरिसया फासेणं पण्णत्ता ? गोयमा ! थिरमउयणिद्धसुकुमालच्छविफासेणं पण्णत्ता, एवं जाव अणुत्तरोववाइया ॥ सोहम्मीसाणदेवाणं • केरि सगा पुग्गला उस्सासत्ताए परिणमंति ? गोयमा ! जे पोग्गला
०
