________________
प० ३ सोहम्मीसाणोववा० ]
सुत्तागमे
२३७ दुविहा पण्णत्ता, तंजहा – आवलियपविट्ठा य आवलियबाहिरा य, तत्थ णं जे ते आवलियपविट्ठा ते तिविहा पण्णत्ता, तंजहा वहा तंसा चउरंसा, तत्थ णं जे ते
लयबाहिरा तेाणासंठाणसंठिया पण्णत्ता, एवं जाव गेविज्जविमाणा, अणुत्तरोवायविमाणा दुविहा पण्णत्ता, तंजहा वट्टे य तंसा य ॥ २१२ ॥ सोहम्मीसाणेसु
भंते! कप्पेसु विमाणा केवइयं आयामविक्खंभेणं केवइयं परिक्खेवेणं पण्णत्ता ?. गोयमा ! दुविहा पण्णत्ता, तंजहा - संखेज्जवित्थडा य असंखेज्जवित्थडा य, जहा गरगा तहा जाव अणुत्तरोववाइया संखेज्जवित्थडे य असंखेज्जवित्थडा य, तत्थ णं जे से संखेज्जवित्थडे से जंबुद्दीवप्पमाणे असंखेज्जवित्थडा असंखेज्जाई जोयणसयाई जाव परिक्खेवेणं पण्णत्ता ॥ सोहम्मीसाणेसु णं भंते ! कप्पेसु विमाणा कइवण्णा पन्नत्ता ? गोयमा ! पंचवण्णा पण्णत्ता, तंजहा - किण्हा नीला लोहिया हालिद्दा सुकिल्ला, सणकुमार माहिंदेसु चउवण्णा नीला जाव सुकिला, बंभलोगलंत एस तिवण्णा लोहिया जाव सुकिल्ला, महासुकसहस्सारेसु दुवण्णा --- हालिद्दा य सुकिल्ला य, आणयपाणयारणच्चुएसु सुकिल्ला, गेविज्जविमाणा सुकिल्ला, अणुत्तरोववाइयविमाणा परमसुकिल्ला वण्णेणं पण्णत्ता ॥ सोहम्मीसाणेसु णं भंते! कप्पेसु विमाणा केरिसया पभाए पण्णत्ता ? गोयमा ! णिच्चालोया णिच्चुज्जोया सयं पभाए पण्णत्ता जाव अणुत्तरोववाइयविमाणा णिच्चालोया णिच्चुजोया सयं पभाए पण्णत्ता ॥ सोहम्मीसाणेसु णं भंते ! कप्पेसु विमाणा केरिसया गंधेणं पण्णत्ता ? गोयमा ! से जहा नामएकोडा वा एवं जाव एत्तो इट्ठतरागा चेव जाव गंधेणं पण्णत्ता, जाव अणुत्तरविमाणा ॥ सोहम्मीसाणेसु० विमाणा केरिसया फासेणं पण्णत्ता ? गोयमा ! से जहा गामए - आइइ वा रूएइ वा सव्वो फासो भाणियव्वो जाव अणुत्तरोववाइयविमाणा ॥ सोहम्मीसाणेसु णं भंते! कप्पेसु विमाणा केमहालया पण्णत्ता ? गोमा ! अयणं जंबुद्दीवे २ सव्वदीवसमुद्दाणं सो चेव गमो जाव छम्मासे वीइव - एजा जाव अत्थेगइया विमाणावासा वीइवएज्जा अत्थेगइया विमाणावासा नो वी - वजा जाव अणुत्तरोववाइय विमाणा अत्येगइयं विमाणं वीइवएजा अत्थे गइए० नो वीsagar || सोहम्मीसाणेसु णं भंते !० विमाणा किंमया पण्णत्ता ? गोयमा ! सव्वरयणामया पण्णत्ता, तत्थ णं बहवे जीवा य पोग्गला य वक्कमंति विउक्कमंति चयंति उवचयंति, सासया णं ते विमाणा दव्वट्टयाए जाव फासपज्जवेहिं असासया Sara अणुत्ववाइया विमाणा ॥ सोहम्मीसाणेसु णं० देवा कओहिंतो उववज्जंति ? उववाओ नेयव्वो जहा वकंतीए तिरियमणुएस पंचेंदिएसु संमुच्छिमवज्जिएस, उववाओ वकंतीगमेणं जाव अणुत्तरो० ॥ सोहम्मीसाणेसु० देवा एगसमएणं केवइया
