________________
सुता
[ जीवाजीवाभिगमे
पुढविपरिणामा आउपरिणामा जीवपरिणामा पुग्गलपरिणामा ? गोयमा ! पुढविपरिणामावि आउपरिणामावि जीवपरिणामावि पुग्गलपरिणामावि ॥ दीवसमुद्देसु णं भंते! सव्वपाणा सव्वभूया सव्वजीवा सव्वसत्ता पुढविकाइयत्ताए जाव तसकाइयत्ताए उववण्णपुव्वा ! हंता गोयमा ! असई अदुवा अणतखुत्तो ॥ १९० ॥ इइ दीवसमुद्दा समत्ता ॥
कइविहे णं भंते! इंदियविसए पोग्गल परिणामे पण्णत्ते ? गोयमा ! पंचविहे इंदियविसए पोग्गलपरिणामे पण्णत्ते, तंजहा – सोइंदियविसए जाव फासिंदियविसए । सोइंदियविसए णं भंते ! पोग्गलपरिणामे कइविहे पण्णत्ते ? गोयमा ! दुविहे पण्णत्ते, तं जहा - सुब्भिसद्दपरिणामे य दुब्भिसद्दपरिणामे य, एवं चक्खिदियविसयाइएहिवि सुरूवपरिणामे य दुरूवपरिणामे य, एवं सुरभिगंधपरिणामे य दुरभिगंधपरिणामे य, एवं सुरसपरिणामे य दुरसपरिणामे य, एवं सुफासपरिणामे य दुफासपरिणामे य ॥ से नूणं भंते ! उच्चावसु सद्दपरिणामेसु उच्चावएसु रूवपरिणामेसु एवं गंधपरिणामेसु रसपरिणामेसु फासपरिणामेसु परिणममाणा पोग्गला परिणमंतीति वत्तव्वं सिया ? हंता गोमा ! उच्चावसु सद्दपरिणामेसु जाव परिणममाणा पोग्गला परिणमंतित्ति वत्तव्वं सिया, सेणूणं भंते! सुब्भिसद्दा पोग्गला दुब्भिसद्दत्ताए परिणमंति दुब्भिसद्दा पोग्गला सुभिसत्ता परिणमंति ? हंता गोयमा ! सुब्भिसद्दा पो० दुब्भिसद्दत्ताए परिणमंति दुब्भिसद्दा पो० सुब्भिसद्दत्ताए परिणमंति, से णूणं भंते ! सुरूवा पुग्गला दुरूवत्ताए परिणमंति दुखवा पुग्गला सुरूवत्ताए० ? हंता गोयमा !०, एवं सुब्भिगंधा पोग्गला दुब्भिगंधत्ता परिणमंति दुब्भिगंधा पोग्गला सुब्भिगंधत्ताए परिणमंति ? हंता गोयमा !०, एवं सुफासा दुफासत्ताए ? सुरसा दुरसत्ताए० ?, हंता गोयमा ! ० ॥ १९१॥ देवे णं भंते ! महिड्डिए जाव महाणुभागे पुव्वामेव पोग्गलं खिवित्ता पभू तमेव अणुपरिट्टत्ताणं गिहित्तए ? हंता पभू, से केणणं भंते ! एवं बुच्चइ – देवे णं महिड्डिए जाव गिहित्तए ? गोयमा ! पोग्गले खित्ते समाणे पुव्वामेव सिग्घगई भवत्ता तओ पच्छा मंदगई भवइ, देवे णं महिड्डिए जाव महाणुभागे पुव्वंपि पच्छावि सीहे सीहगई तुरिए तुरियगई चेव से तेणद्वेणं गोयमा ! एवं बुच्चइ जाव अणुपरियट्टित्ताणं गेण्हित्तए ॥ देवे णं भंते ! महिड्डिए० बाहिरए पोग्गले अपरियाइत्ता पुव्वामेव बालं अच्छित्ता अभेत्ता पभू गंठित्तए ? नो इणट्ठे समट्ठे १, देवे णं भंते ! महिड्डिए॰ बाहिरए पुग्गले अपरियाइत्ता पुव्वामेव बालं छित्ता भित्ता पभू गठित ? नो इट्ठे समट्ठे २, देवे णं भंते ! महिड्डिए० बाहिरए पुग्गले परियाइत्ता पुव्वामेव बालं अच्छित्ता अभित्ता पभू गंठित्तए ? नो इणट्ठे समट्ठे ३, देवे णं भंते !
२२८
