________________
२२७
प० ३ दीवसमुइसरूवपु०] सुत्तागमे प० । खीरोदस्स णं भंते !० उदए केरिसए आसाएणं पण्णत्ते ? गोयमा ! से जहा णामए-रन्नो चाउरंतचक्कवहिस्स चाउरके गोखीरे पयत्तमंदग्गिसुकढिए आउत्तरखंडमच्छंडिओववेए वण्णेणं उववेए जाव फासेणं उववेए, भवे एयारूवे सिया ?, णो इणढे समढे, गोयमा ! खीरोयस्स० एत्तो इ8 जाव आसाएणं पण्णत्ते। घओदस्स णं० से जहा णामए-सारइयस्स गोघयवरस्स मंडे सल्लइकण्णियारपुप्फवण्णाभे सुकड्डियउदारसज्झवीसंदिए वण्णेणं उववेए जाव फासेणं उववेए, भवे एयारूवे सिया ?, णो इणढे समढे, इत्तो इट्टयरा०, खोदोदस्स० से जहा णामएउच्छृणं जच्चपुंडगाणं हरियालपिंडराणं भेरुंडछणाण वा कालपोराणं तिभागनिव्वाडियवाडगाणं बलवगणरजतपरिगालियमित्ताणं जे य रसे होजा वत्थपरिपूए चाउजायगसुवासिए अहियपत्थे लहुए वण्णेणं उववेए जाव भवेयारूवे सिया?, नो इणढे समढे, एत्तो इट्टयरा०, एवं सेसगाणवि समुदाणं भेदो जाव सयंभुरमणस्स, णवरि अच्छे जच्चे पत्थे जहा पुक्खरोदस्स ॥ कइ णं भंते ! समुद्दा पत्तेगरसा पण्णत्ता ? गोयमा ! चत्तारि समुद्दा पत्तेगरसा पण्णत्ता, तंजहा--लवणे वारुणोदे खीरोदे घओदे ॥ कइ णं भंते ! समुद्दा पगईए उदगरसेणं पण्णत्ता ? गोयमा ! तओ समुद्दा पगईए उदगरसेणं पण्णत्ता, तंजहा-कालोदे पुक्खरोदे सयंभुरमणे, अवसेसा समुद्दा उस्सण्णं खोयरसा प० समणाउसो ! ॥ १८७ ॥ कइ णं भंते ! समुद्दा बहुमच्छकच्छभाइण्णा पण्णत्ता ? गोयमा ! तओ समुद्दा बहुमच्छकच्छभाइण्णा पण्णत्ता, तंजहा-लवणे कालोदे सयंभुरमणे, अवसेसा समुद्दा अप्पमच्छकच्छभाइण्णा पण्णत्ता समणाउसो! ॥ लवणे णं भंते ! समुद्दे कइ मच्छजाइकुलको डिजोणीपमुहसयसहस्सा पण्णत्ता ? गोयमा ! सत्त मच्छजाइकुलकोडीजोणीपमुहसयसहस्सा पण्णत्ता ॥ कालोदे णं भंते ! समुद्दे कइ मच्छजाइ० पण्णत्ता ? गोयमा ! नव मच्छजाइकुलकोडीजोणी० ॥ सयंभुरमणे णं भंते ! समुद्दे० ? गो०! अद्धतेरस मच्छजाइकुलकोडीजोणीपमुहसयसहस्सा पण्णत्ता ॥ लवणे णं भंते ! समुद्दे मच्छाणं केमहालिया सरीरोगाहणा पण्णत्ता ? गो०! जहण्णेणं अंगुलस्स असंखेजइभागं उक्कोसेणं पंचजोयणसयाई ॥ एवं कालोदे उ० सत्त जोयणसयाइं ॥ सयंभूरमणे जहण्णेणं अंगुलस्स असंखेजइ० उक्कोसेणं दस जोयणसयाइं ॥ १८८ ॥ केवइया णं भंते ! दीवसमुद्दा नामधेजेहिं पण्णत्ता ? गोयमा ! जावइया लोगे सुभा णामा सुभा वण्णा जाव सुभा फासा एवइया दीवसमुद्दा नामधेज्जेहिं पण्णत्ता ॥ केवइया णं भंते ! दीवसमुद्दा उद्धारसमएणं पण्णत्ता ? गोयमा ! जावइया अड्डाइजाणं सागरोवमाणं उद्धारसमया एवइया दीवसमुद्दा उद्धारसमएणं पन्नत्ता ॥ १८९ ॥ दीवसमुद्दा णं भंते ! किं
