________________
सुत्तागमे
[जीवाजीवाभिगमे
सिया ?, णो इणढे समढे, खीरोदस्स णं समुदस्स उदए एत्तो इठ्ठयराए चेव जाव आसाएणं पण्णत्ते, विमलविमलप्पभा एत्थ दो देवा महिड्डिया जाव परिवसंति, से तेणटेणं० संखेज्जा चंदा जाव तारा ॥ १८१ ॥ खीरोदण्णं समुई घयवरे णाम दीवे वट्टे वलयागारसंठाणसंठिए जाव परि० चिट्ठइ, समचक्कवाल० नो विसम० संखेजविक्खंभपरि० पएसा जाव अट्ठो, गोयमा ! घयवरे णं दीवे तत्थ २ . बहूओ खुड्डाखुड्डीओ वावीओ जाव घयोदगपडिहत्थाओ उप्पायपव्वयगा जाव खडहड० सव्वकंचणमया अच्छा जाव पडिरूवा, कणयकणयप्पभा एत्थ दो देवा महिड्डिया० चंदा संखेज्जा० ॥ घयवरण्णं दीवं घओदे णामं समुद्दे वट्टे वलयागारसंठाणसंठिए जाव चिट्ठइ, समचक्क० तहेव दारपएसा जीवा य अट्ठो, गोयमा ! घओदस्स णं समुद्दस्स उदए से जहा० सेजवग्गपप्फुल्लसल्लइविमुकुलकण्णियारसरसवसुविसुद्धकोरेंटदामपिंडियतरस्स निद्धगुणतेयदीवियनिरुवयविसिट्ठसुंदरतरस्स सुजायदहिमहियतदिवसगहियनवणीयपडुवणावियमुक्कड्डियउद्दावसज्जवीसंदियस्स अहियं पीवरसुरहिगंधमणहरमहरपरिणामदरिसणिजस्स पत्थनिम्मलसुहोवभोगस्स सरयकालंमि होज्ज गोघयवरस्स मंडए, भवे एयारूवे सिया ?, णो इणढे समढे, गोयमा ! घओदस्स णं समुदस्स एत्तो इठ्ठयराए जाव आसाएणं प० कंतसुकंता एत्थ दो देवा महिड्डिया जाव परिवसंति सेसं तं चेव जाव तारागणकोडिकोडीओ ॥ घओदण्णं समुदं खोयवरे णामं दीवे वट्टे वलयागार जाव चिठ्ठइ तहेव जाव अट्ठो, खोयवरे णं दीवे तत्थ २ देसे २ तहिं २ खुड्डा० वावीओ जाव खोदोदगपडिहत्थाओ० उप्पायपन्वयगा सव्ववेरुलियामया जाव पडिरूवा, सुप्पभमहप्पभा य एत्थ दो देवा महिड्डिया जाव परिवसंति, से एएण० सव्वं जोइसं तं चेव जाव तारा० ॥ खोयवरणं दीवं खोदोदे नामं समुद्दे वट्टे वलया० जाव संखेजाइं जोयणसयसहस्साइं परिक्खेवेणं जाव अट्ठो, गोयमा ! खोदोदस्स णं समुद्दस्स उदए से जहा० आसलमासलपसत्थवासंतनिद्धसुकुमालभूमिभागे सुच्छिन्ने सुकट्ठलट्ठविसिठ्ठनिरुवहयाजीयवावीतसुकासजपयत्तनिउणपरिकम्मअणुपालियसुबुद्भिवुड्डाणं सुजायाणं लवणतणदोसवज्जियाणं णयायपरिवटियाणं निम्मायसुंदराणं रसेणं परिणयमउपीणपोरभंगुरसुजायमहुररसपुप्फविरइयाणं उवद्दवविवज्जियाणं सीयपरिफासियाणं अभिणवभग्गाणं अपालियाणं तिभायणिच्छोडियवाडिगाणं अवणियमूलाणं गंठिपरिसोहियाणं कुसलणरकप्पियाणं उच्छूढाणं जाव पोंडियाणं बलवगणरजत्तजन्तपरिगालियमेत्ताणं खोयरसे होजा वत्थपरिपूए चाउजायगसुवासिए अहियपत्थलहुए वण्णोववेए तहेव, भवे एयारूवे सिया ?, णो इणढे समढे, खोदोदस्स णं समुदस्स उदए एत्तो इट्टयराए चेव जाव आसाएणं प०
