________________
सुत्तागमे
[जीवाजीवाभिगमे
इमा णं भंते ! रयण० पु० सव्वजीवेहिं विजढपुव्वा ? सव्वजीवेहिं विजढा ?, गोयमा ! इमा णं रयण० पु० सव्वजीवेहिं विजढपुव्वा नो चेव णं सव्वजीवविजढा, एवं जाव अहेसत्तमा ॥ इमीसे णं भंते ! रयण० पु० सव्वपोग्गला पविठ्ठपुव्वा ? सव्वपोग्गला पविट्ठा ?, गोयमा ! इमीसे णं रयण० पुढवीए सव्वपोग्गला पविठ्ठपुव्वा नो
चेव णं सव्वपोग्गला पविट्ठा, एवं जाव अहेसत्तमाए पुढवीए ॥ इमा णं भंते ! रयणप्पभा पुढवी सबपोग्गलेहिं विजढपुव्वा ? सव्वपोग्ग० विजढा ?, गोयमा ! इमा णं रयणप्पभा पु० सव्वपोग्गलेहिं विजढपुवा नो चेव णं सव्वपोग्गलेहिं विजढा, एवं जाव अहेसत्तमा ॥ ७७ ॥ इमा णं भंते! रयणप्पभा पुढवी किं. सासया असासया ? गोयमा ! सिय सासया सिय असासया ॥ से केणटेणं भंते ! एवं बुच्चइ-सिय सासया सिय असासया ? गोयमा ! दव्वट्ठयाए सासया, वण्णपजवेहिं गंधपजवेहिं रसपज्जवेहिं फासपजवेहिं असासया, से तेणटेणं गोयमा ! एवं वुच्चइ-तं चेव जाव सिय असासया, एवं जाव अहेसत्तमा ॥ इमा णं भंते ! रयणप्पभा पु० कालओ केवच्चिरं होइ ? गोयमा ! न कयाइ ण आसि ण कयाइ णत्थि ण कयाइ ण भविस्सइ भुविं च भवइ य भविस्सइ य धुवा णियया सासया अक्खया अव्वया अवट्ठिया णिचा एवं जाव अहेसत्तमा ॥ ७८ ॥ [इमीसे णं भंते! रयणप्पभाए पुढवीए उवरिल्लाओ चरिमंताओ हेदिल्ले चरिमंते एस णं केवइयं अबाहाए अंतरे पण्णत्ते ? गोयमा ! असिउत्तरं जोयणसयसहस्सं अबाहाए. अंतरे पण्णत्ते । इमीसे णं भंते! रयण० पु. उवरिल्लाओ चरिमंताओ खरस्सः कंडस्स हेहिले चरिमंते एस णं केवइयं अबाहाए अंतरे पण्णत्ते ? गोयमा ! सोलस जोयणसहस्साइं अबाहाए अंतरे पण्णत्ते] इमीसे णं भंते ! रयणप्पभाए पुढवीए उवरिल्लाओ चरिमंताओ रयणस्स कंडस्स हेछिल्ले चरिमंते एस णं केवइयं अबाहाए अंतरे पण्णत्ते ? गोयमा ! एकं जोयणसहस्सं अबाहाए अंतरे पण्णत्ते ॥ इमीसे णं भंते ! रयण० पु. उवरिल्लाओ चरिमंताओ वइरस्स कण्डस्स उवरिल्ले चरिमंते एस णं केवइयं अबाहाए अंतरे पण्णत्ते ? गोयमा ! एकं जोयणसहस्सं अबाहाए अंतरे प०॥ इमीसे णं भंते ! रयण० पु० उवरिल्लाओ चरिमंताओ वइरस्स कंडस्स हेछिल्ले चरिमंते एस णं केवइयं अबाहाए अंतरे प० ? गोयमा ! दो जोयणसहस्साइं इमीसे णं० अबाहाए अंतरे पण्णत्ते, एवं जाव रिटुस्स उवरिल्ले पन्नरस जोयणसहस्साइं, हेहिल्ले चरिमंते सोलस जोयणसहस्साइं ॥ इमीसे णं भंते ! रयणप्प० पु० उवरिल्लाओ चरिमंताओ पंकबहुलस्स कंडस्स उवरिल्ले चरिमंते एस णं अबाहाए केवइयं अंतरे पण्णत्ते ? गोयमा ! सोलस जोयणसहस्साइं अबाहाए अंतरे पण्णत्ते । हेहिल्ले
