________________
धम्मसवणकारणाणि ]
सुत्तागमे
८३
कोडुम्बियपुरिसे सहावे २ ता एवं वयासी - " खिप्पामेव भो देवाणुप्पिया ! चाउ - घण्टं आसरहं जुत्तामेव उवद्ववेह जाव पञ्चप्पिणह" । तए णं ते कोडुम्बियपुरिसा जाव खिप्पामेव सच्छत्तं सज्झयं जाव उवट्ठवित्ता तमाणत्तियं पञ्चप्पिणन्ति । तए से चित्ते सारही कोडुम्बियपुरिसाणं अन्तिए एयमहं सोच्चा निसम्म हट्टतुट्ठ जाव हियए हाए सरीरे जेणेव चाउरघण्टे जाव दुरुहित्ता सकोरण्ट महया भडचड० तं चेव जाव पज्जुवासइ धम्मक० जाव तए णं से चित्ते सारही केसिस्स कुमारसमणस्स अन्तिए धम्मं सोच्चा निसम्म हट्टतुट्ट उठाए तहेव एवं वयासी - " एवं खलु भन्ते ! अम्हं पएसी राया अधम्मिए जाव सस्स वि 'जणवयस्स नो सम्म करभरवित्तिं पवत्तेइ । तं जइ णं देवाणुप्पिया ! पएसिस्स रन्नो धम्ममाइक्खेजा बहुगुणतरं खलु होज्जा पएसिस्स रन्नो तेसिं च बहूणं दुपयचउप्पयमियपसुपक्खिसिरीसिवाणं तेर्सि च बहूणं समणमाहणभिक्खुयाणं । तं जइ णं देवाणुप्पिया ! ...पएसिस्स बहुगुणतरं होज्जा सयस्स वि य णं जणवयस्स” ॥ ५७ ॥ तए
केसी कुमारसमणे चित्तं सारहिं एवं वयासी - " एवं खलु चउहिं ठाणेहिं चित्ता ! जीवे केवलिपन्नत्तं धम्मं नो लभेजा सवणयाए । तं जहा आरामगयं वा उज्जाणायं वा समणं वा माहणं वा नो अभिगच्छर नो वन्दइ नो नमसइ नो सक्कारेइ नो संमाणेइ नो कलाणं मङ्गलं देवयं चेइयं पज्जुवासेइ, नो अट्ठाई हेउई परिणाई कारणाई वागरणाई पुच्छर, एएणं ठाणेणं चित्ता ! जीवे केवलिपन्नत्तं धम्मं नो लभइ सवणयाए १ । उवस्स्यगयं समणं वा तं चेव जाव एएण वि ठाणेण चित्ता ! जीवे केवलिपन्नत्तं धम्मं नो लभइ सवणयाए २ । गोयरग्गगयं समणं वा माहणं वा जाव नो पज्जुवासइ, नो विउलेणं असणपाणखाइमसाइमेणं पडिलाइ, नो अट्ठाई जाव पुच्छर, एएणं ठाणेणं चित्ता ! जीवे केवलिपन्नत्तं धम्मं नो लभइ सवणयाए ३ । जत्थ वि य णं समणेण वा माहणेण वा सद्धिं अभिसमागच्छइ, तत्थ वि य णं हत्थेण वा वत्थेण वा छत्तेण वा अप्पाणं आवरित्ता चिट्ठs, नो अट्ठाई जाव पुच्छर, एएण वि ठाणेणं चित्ता ! जीवे केवलिपन्नत्तं धम्मं नो लभइ सवणयाए ४ । एएहिं च णं चित्ता ! चउहिं ठाणेहिं जीवे केवलिपन्नत्तं धम्मं नो लभइ सवणयाए || चउहिं ठाणेहिं चित्ता ! जीवे केवलीपन्नत्तं धम्मं भइ सवणयाए । तं जहा आरामगयं वा उज्जाणगयं वा समणं वा माहणं वा वन्दइ नमसइ जाव पजुवासइ अट्ठाई जाव पुच्छर, एएण जाव लभइ सवणयाए । एवं उवस्सयगयं गोयरग्गगयं समणं वा जाव पज्जुवासइ विउलेणं जाव पडिलाइ अट्ठाई जाव पुच्छर, एएण वि...। जत्थ वि य णं समणेण वा ... • अभि
