________________
सावत्थीजणकलयलो]
सुत्तागमे
७७
साओ गिहाओ निग्गच्छइ २ त्ता सेयवियं नयरिं मज्झंमज्झेणं निग्गच्छइ २ त्ता सुहेहिं वासेहिं पायरासेहिं नाइविकिठेहिं अन्तरावासेहि वसमाणे २ केइयअद्धस्स जणवयस्स मझमज्झेणं जेणेव कुणाला जणवए जेणेव सावत्थी नयरी तेणेव उवागच्छइ २ त्ता सावत्थीए नयरीए मज्झमज्झेणं अणुपविसइ २त्ता जेणेव जियसत्तुस्स रन्नो गिहे, जेणेव बाहिरिया उवट्ठाणसाला, तेणेव उवागच्छइ २ त्ता तुरए निगिण्हइ २ त्ता रहं ठवेइ २ त्ता रहाओ पच्चोरुहइ २ त्ता तं महत्थं जाव पाहुडं गिण्हइ २ त्ता जेणेव अब्भन्तरिया उवट्ठाणसाला जेणेव जियसत्तू राया तेणेव उवागच्छइ २ त्ता जियसत्तुं रायं करयलपरिग्गहियं जाव कद्दु जएणं विजएणं वद्धावेइ २ ता तं महत्थं जाव पाहुडं उवणेइ । तए णं से जियसत्तू राया चित्तस्स सारहिस्स तं महत्थं जाव पाहुडं पडिच्छइ २ त्ता चित्तं सारहिं सकारेइ संमाणेइ स० २ ता पडिविसज्जेइ, रायमग्गमोगाढं च से आवासं दलयइ । तए णं से चित्ते सारही विसजिए समाणे जियसत्तुस्स रन्नो अन्तियाओ पडिनिक्खमइ २ त्ता जेणेव बाहिरिया उवट्ठाणसाला जेणेव चाउरघण्टे आसरहे तेणेव उवागच्छइ २त्ता चाउरघण्टं आसरहं दुरुहइ २ त्ता सावत्थिं नयरिं मझमज्झेणं जेणेव रायमग्गमोगाढे आवासे तेणेव उवागच्छइ २ त्ता तुरए निगिण्हइ २ त्ता रहं ठवेइ २ त्ता रहाओ पञ्चोरुहइ, व्हाए सुद्धप्पावेसाइं मंगलाई वत्थाई पवरपरिहिए, अप्पमहग्घाभरणालंकियसरीरे, जिमियभुत्तुत्तरागए वि य णं समाणे पुव्वावरण्हकालसमयसि गन्धव्वेहि य नाडगेहि य उवनञ्चिज्जमाणे २ उवगाइजमाणे २ उवलालिजमाणे २ इटे सद्दफरिसरसरूवगन्धे पञ्चविहे माणुस्सए कामभोए पञ्चणुभवमाणे विहरइ ॥ ४७ ॥ तेणं कालेणं तेणं समएणं पासावञ्चिजे केसी नाम कुमारसमणे जाइसंपन्ने कुलसंपन्ने बलसंपन्ने रूवसंपन्ने विणयसंपन्ने नाणसंपन्ने दंसणसंपन्ने चरित्तसंपन्ने लज्जासंपन्ने लाघवसंपन्ने लज्जालाघवसंपन्ने ओयंसी तेयंसी वच्चसी जसंसी जियकोहे जियमाणे जियमाए जियलोहे जियनिद्दे जिइन्दिए जियपरीसहे जीवियासमरणभयविप्पमुक्के तवप्पहाणे गुणप्पहाणे करणप्पहाणे चरणप्पहाणे निग्गहप्पहाणे निच्छयप्पहाणे अजवप्पहाणे मद्दवप्पहाणे लाघवप्पहाणे खन्तिप्पहाणे मुत्तिप्पहाणे विजप्पहाणे मन्तप्पहाणे बम्भप्पहाणे नयप्पहाणे नियमप्पहाणे सच्चप्पहाणे सोयप्पहाणे नाणप्पहाणे दंसणप्पहाणे चरित्तप्पहाणे'चउदसपुव्वी, चउनाणोवगए पश्चहिं अणगारसएहिं सद्धिं संपरिवुडे पुव्वाणुपुट्विं चरमाणे गामाणुगामं दूइजमाणे सुहंसुहेणं विहरमाणे जेणेव सावत्थी नयरी जेणेव कोट्ठए उज्जाणे तेणेव उवागच्छइ २ त्ता सावत्थीए नयरीए बहिया कोट्ठए उज्जाणे अहापडिरूवं उग्गहं उग्गिण्हइ २ त्ता संजमेणं तवसा अप्पाणं भावेमाणे विहरइ ॥ ४८ ॥ तए णं सावत्थीए नयरीए सिंघाडगतिगचउक्क
