________________
सुत्तागमे
[रायपसेणइयं
सिकगा पण्णत्ता तेसु णं रययामएसु सिक्कगेसु बहवे वेरुलियामइयाओ धूवघडियाओ पण्णत्ताओ, ताओ णं धूवघडियाओ कालागुरुपवर जाव चिट्ठति । सभाए णं सुहम्माए अंतो बहुसमरमणिजे भूमिभागे पण्णत्ते जाव मणीहिं उवसोभिए मणिफासो य उल्लोओ य, तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं महेगा मणिपेढिया पण्णत्ता अट्ठ जोयणाई आयामविक्खंभेणं चत्तारि जोयणाई बाहल्लेणं सव्वमणिमई अच्छा जाव पडिरूवा, तीसे णं मणिपेढियाए उवरिं एत्थ णं महेगे सीहासणे पण्णत्ते सीहासणवण्णओ सपरिवारो। तीसे णं विदिसाए एत्थ णं महेगा मणिपेढिया पण्णत्ता अट्ठ जोयणाई आयामविक्खंभेणं चत्तारि जोयणाई बाहल्लेणं सव्वमणिमया अच्छा जाव पडिरूवा, तीसे णं मणिपेढियाए उवरिं एत्थ णं महंगे देवसयणिज्जे पण्णत्ते, तस्स णं देवसयणिज्जस्स इमेयारूवे वण्णावासे पण्णत्ते, तंजहा-णाणामणिमया पडिपाया सोवन्निया पाया णाणामणिमयाइं पायसीसगाई जंबूणयामयाइं गत्तगाइं वइरामया संधी णाणामणिमए विच्चे रययामई तूली लोहियक्खमया बिब्बोयणा तवणिजमया गंडोवहाणया से णं सयणिजे सालिंगणवहिए उभओ बिब्बोयणे दुहओउण्णए मज्झे णयगंभीरे गंगापुलिणवालुयाउद्दालसालिसए सुविरइयरयत्ताणे उवंचियखोमदुगुल्लपट्टपडिच्छायणे आईणगरूयबूरणवणीयतूलफासमउए रत्तंसुयसंवुए सुरम्मे पासादीए पडिरूवे ॥ ३५ ॥ तस्स णं देवसयणिज्जस्स उत्तरपुरत्थिमेणं महेगा मणिपेढिया पण्णत्ता, अट्ठ जोयणाई आयामविक्खंभेणं चत्तारि जोयणाइं बाहल्लेणं सव्वमणिमई जाव पडिरूवा, तीसे णं मणिपेढियाए उवरिं एत्थ णं महेगे खुड्डए महिंदज्झए पण्णत्ते सर्व्हि जोयणाइं उर्दू उच्चत्तेणं जोयणं विक्खंभेणं वइरामए वलट्ठसंठियसुसिलिट्ठ जाव पडिरूवे, उवरिं अट्ठ मंगलगा झया छत्ताइच्छत्ता, तस्स णं खुड्डागमहिंदज्झयस्स पच्चत्थिमेणं एत्थ णं सूरियाभस्स देवस्स चोप्पाले नाम पहरणकोसे पन्नत्ते सव्ववइरामए अच्छे जाव पडिरूवे तत्थ णं सूरियाभस्स देवस्स फलिहरयणखग्गगयाधणुप्पमुहा बहवे पहरणरयणा संनिखित्ता चिटुंति, उज्जला निसिया सुतिक्खधारा पासादीया । सभाए णं सुहम्माए उवरिं अट्ठ मंगलगा झया छत्ताइच्छत्ता ॥ ३६ ॥ सभाए णं सुहम्माए उत्तरपुरस्थिमेणं एत्थ णं महेगा उववायसभा पण्णत्ता, जहा सभाए सुहम्माए तहेव जाव मणिपेढिया अट्ठ जोयणाई देवसयणिजं तहेव सयणिजवण्णओ अट्ठ मंगलगा झया छत्ताइछत्ता । तीसे णं उववायसभाए. उत्तरपुरत्थिमेणं एत्थ णं महंगे हरए पण्णत्ते एगं जोयणसयं आयामेणं पण्णासं जोयणाई विक्खंभेणं दस जोयणाई उव्वेहेणं तहेव से णं हरए एगाए पउमवरवेइयाए एगेण
