________________
आ० ४]
सुत्तागमे
११६७
अह तइयं वंदणावस्सयं
__इच्छामि खमासमणो ! वंदिउं जावणिज्जाए निसीहियाए, अणुजाणह मे मिउग्गह, निसीहि अहोकायं कायसंफासं, खमणिजो भे किलामो, अप्पकिलंताणं बहुसुभेण भे दिवसो वइकंतो? जत्ता भे? जवणिजं च भे? खामेमि खमासमणो ! देवसियं वइक्कम, आवस्सियाए पडिक्कमामि खमासमणाणं देवसियाए आसायणाए तेत्तीसन्नयराए जं किंचि मिच्छाए मणदुक्कडाए वयदुकडाए कायदुक्कडाए कोहाए माणाए मायाए लोहाए सव्वकालियाए सव्वमिच्छोवयाराए सव्वधम्माइक्कमणाए आसायणाए जो मे देवसिओ अइयारो कओ तस्स खमासमणो! पडिक्कमामि निंदामि गरिहामि अप्पाणं वोसिरामि ॥ इइ तइयं वंदणावस्सयं समत्तं ॥ ३ ॥
अह चउत्थं पडिकमणावस्सयं
चैत्तारि मंगलं-अरिहंता मंगलं, सिद्धा मंगलं, साहू मंगलं, केवलिपन्नत्तो धम्मो मंगलं । चत्तारि लोगुत्तमा-अरिहंता लोगुत्तमा, सिद्धा लोगुत्तमा, साहू लोगुत्तमा, केवलिपन्नत्तो धम्मो लोगुत्तमो । चत्तारि सरणं पवजामि-अरिहंता सरणं पवजामि, सिद्धा सरणं पवजामि, साहू सरणं पवजामि, केवलिपन्नत्तं धम्मं सरणं पवजामि ॥ १ ॥ इच्छामि पडिक्कमिडं इरियावहियाए विराहणाए गमणागमणे पाणक्कमणे बीयकमणे हरियकमणे ओसाउत्तिंगपणगदगमट्टीमकडासंताणासंकमणे जे मे जीवा विराहिया एगिदिया वेइंदिया तेइंदिया चउरिंदिया पंचिंदिया अभिहया वत्तिया लेसिया संघाइया संघट्टिया परियाविया किलामिया उद्दविया ठाणाओ ठाणं संकामिया जीवियाओ ववरोविया तस्स मिच्छामि दुक्कडं ॥ २ ॥ इच्छामि पडिक्कमिडं पगामसिज्जाए निगामसिजाए संथाराउव्वट्टणाए परियट्टणाए आउंटणाए पसारणाए छप्पइसंघट्टणाए कुइए ककराइए छीए जंभाइए आमोसे ससरक्खामोसे आउलमाउलाए सोवणवत्तियाए इत्थीविप्परियासियाए दिट्ठीविप्परियासियाए मणविप्परियासियाए पाणभोयणविप्परियासियाए जो मे देवसिओ अइयारो कओ तस्स मिच्छामि दुक्कडं ॥ ३ ॥ पडिकमामि गोयरचरियाए भिक्खायरियाए उग्घाडकवाडउग्घाडणाए साणावच्छा
१ 'राइओ' 'पक्खिओ' 'चाउम्मासिओ' 'संवच्छरिओ' । २ 'तिक्ग्युत्तो० इच्चणेण वंदणं किच्चा पच्छा पंचणमोकारं तओ 'करेमि भंते!' तओ ‘चत्तारि मंगलं.' । ३ 'चत्तारि मंगलं.' पच्छा 'इच्छामि०' पढियव्वं ति केइ ।
