________________
सुत्तागमे
११४६
[अणुओगदारसुत्तं यव्वा । जोइसियाणं भंते ! केवइया वेउव्वियसरीरा पण्णत्ता ? गोयमा ! दुविहा पण्णत्ता। तंजहा-बद्धेल्लगा य १ मुक्केल्लगा य २ । तत्थ णं जे ते बद्धेल्लगा जाव तासि णं सेढीणं विक्खंभसूई, बेछप्पण्णंगुलसयवरगपलिभागो पयरस्स । मुक्नेल्लया जहा ओहिया ओरालिया तहा भाणियव्वा । आहारयसरीरा जहा णेरइयाणं तहा भाणियव्वा । तेयगकम्मगसरीरा जहा एएसिं चेव वेउव्विया तहा भाणियव्वा । वेमाणियाणं भंते ! केवइया ओरालियसरीरा पण्णत्ता ? गोयमा ! जहा णेरझ्याणं तहा भाणियव्वा । वेमाणियाणं भंते ! केवइया वेउव्वियसरीरा पण्णत्ता ? गोयमा ! दुविहा पण्णत्ता । तंजहा-बद्धेल्या य १ मुकेल्या य २ । तत्थ णं जे ते बद्धेल्या ते णं असंखिज्जा, असंखिज्जाहिं उस्मप्पिणीओसप्पिणीहिं अवहीरंति कालओ, खेत्तओ असंखिजाओ सेढीओ पयरस्स असंखेज्जइभागो, तासि णं सेढीणं विक्खंभसूई अंगुलबीयवग्गमूलं तइयवग्गमूलपडुप्पण्णं, अहव णं अंगुलतइयवग्गमूलघणपमाणमेत्ताओ सेढीओ । मुक्केलया जहा ओहिया ओरालिया तहा माणियव्वा । आहारगसरीरा जहा णेरइयाणं । तेयगकम्मगसरीरा जहा एएसिं चेव वेउव्वियसरीरा तहा भाणियव्वा । सेत्तं सुहुमे खेत्तपलिओवमे । सेत्तं खेत्तपलिओवमे । सेत्तं पलिओवमे । सेत्तं विभागनिप्फण्णे । सेत्तं कालप्पमाणे ॥ १४३ ॥ से किं तं भावप्पमाणे ? भावप्पमाणे तिविहे पण्णत्ते । तंजहा-गुणप्पमाणे १ नयप्पमाणे २ संखप्पमाणे ३ ॥१४४ ॥से किं तं गुणप्पमाणे ? गुणप्पमाणे दुविहे पण्णत्ते । तंजहा-जीवगुणप्पमाणे १ अजीवगुणप्पमाणे य २ । से किं तं अजीवगुणप्पमाणे ? अजीवगुणप्पमाणे पंचविहे पण्णत्ते। तंजहा-वण्णगुणप्पमाणे १ गंधगुणप्पमाणे २ रसगुणप्पमाणे ३ फासगुणप्पमाणे ४ संठाणगुणप्पमाणे ५ । से किं तं वण्णगुणप्पमाणे ? वण्णगुणप्पमाणे पंचविहे पण्णत्ते । तंजहा-कालवण्णगुणप्पमाणे १ जाव सुकिल्लवण्णगुणप्पमाणे ५ । सेत्तं वण्णगुणप्पमाणे । से किं तं गंधगुणप्पमाणे? गंधगुणप्पमाणे दुविहे पण्णत्ते । तंजहासुरभिगंधगुणप्पमाणे १ दुरभिगंधगुणप्पमाणे २ । सेत्तं गंधगुणप्पमाणे । से किं तं रसगुणप्पमाणे ? रसगुणप्पमाणे पंचविहे पण्णत्ते । तंजहा-तित्तरसगुणप्पमाणे १ जाव महुररसगुणप्पमाणे ५ । सेत्तं रसगुणप्पमाणे। से किं तं फासगुणप्पमाणे ? फासगुणप्पमाणे अट्ठविहे पण्णत्ते। तंजहा-कक्खडफासगुणप्पमाणे १ जाव लुक्खफासगुणप्पमाणे ८ । सेत्तं फासगुणप्पमाणे । से किं तं संठाणगुणप्पमाणे ? संठाणगुणप्पमाणे पंचविहे पण्णत्ते । तंजहा-परिमंडलसंठाणगुणप्पमाणे १ वट्टसंठाणगुणप्पमाणे २ तंससंठाणगुणप्पमाणे ३ चउरंससंठाणगुणप्पमाणे ४ आययसंठाणगुणप्पमाणे ५ । सेत्तं संठाणगुणप्पमाणे । सेत्तं अजीवगुणप्पमाणे । से किं तं जीवगुणप्पमाणे ? जीवगुणप्पमाणे तिविहे
