________________
सुत्तागमे
११३४
[भणुओगदारसुत्तं मागच्छेज्जा, तओ णं वाससए वाससए एगमेगं वालग्गं अवहाय जावइएणं कालेणं से पल्ले खीणे नीरए निल्लेवे निट्ठिए भवइ सेत्तं सुहुमे अद्धापलिओवमे। गाहा-एएसिं पल्लाणं, कोडाकोडी भवेज दसगुणिया । तं सुहुमस्स अद्धासागरोवमस्स, एगस्स भवे परिमाणं ॥ ४ ॥ एएहिं सुहुमेहिं अद्धापलिओवमसागरोवमेहिं किं पओयणं ? एएहिं सुहुमेहिं अद्धापलिओवमसागरोवमेहिं णेरइयतिरिक्खजोणियमणुस्सदेवाणं आउयं मविजइ ॥ १३९ ॥ णेरइयाणं भंते ! केवइयं कालं ठिई पण्णत्ता ? गोयमा ! जहण्णेणं दसवाससहस्साइं, उक्कोसेणं तेत्तीसं सागरोवमाइं । रयणप्पहापुढविणेरड्याणं भंते ! केवइयं कालं ठिई पण्णत्ता ? गोयमा ! जहण्णेणं दसवाससहस्साई, उक्कोसेणं एगं सागरोवमं । अपजत्तगरयणप्पहापुढविणेरइयाणं भंते ! केवइयं कालं ठिई पण्णत्ता? गोयमा ! जहण्णेण वि अंतोमुहुत्तं, उकोसेण वि अंतोमुहुत्तं । पजत्तगरयणप्पहापुढविणेरइयाणं भंते ! केवइयं कालं ठिई पण्णत्ता ? गोयमा ! जहण्णेणं दसवाससहस्साइं अंतोमुहुत्तूणाई, उक्कोसेणं एगं सागरोवमं अंतोमुहुत्तूणं । सक्करप्पहापुढविणेरइयाणं भंते ! केवइयं कालं ठिई पण्णत्ता ? गोयमा ! जहण्णेणं एगं सागरोवमं, उक्कोसेणं तिण्णि सागरोवमाइं । एवं सेसपुढवीसु पुच्छा भाणियव्वा । वालुयप्पहापुढविणेरइयाणं-जहण्णेणं तिणि सागरोवमाइं, उक्कोसेणं सत्तसागरोवमाइं । पंकप्पहापुडविणेरइयाणं-जहण्णेणं सत्तसागरोवमाइं, उक्कोसेणं दससागरोवमाइं । धूमप्पहापुढविणेरइयाणं-जहण्णेणं दससागरोवमाइं, उक्कोसेणं सत्तरससागरोवमाई। तमप्पहापुढविणेरइयाणं-जहण्णेणं सत्तरससागरोवमाई, उक्कोसेणं बावीससागरोवमाई। तमतमापुढविणेरइयाणं भंते ! केवइयं कालं ठिई पण्णत्ता ? गोयमा ! जहण्णेणं बावीसं सागरोवमाई, उक्कोसेणं तेत्तीसं सागरोवमाइं । असुरकुमाराणं भंते ! केवइयं कालं ठिई पण्णत्ता ? गोयमा ! जहण्णेणं दसवाससहस्साइं, उक्कोसेणं साइरेगं सागरोवमं । असुरकुमारदेवीणं भंते ! केवइयं कालं ठिई पण्णत्ता ? गोयमा ! जहण्णेणं दसवाससहस्साई, उक्कोसेणं अद्धपंचमाई पलिओवमाइं । नागकुमाराणं भंते ! केवइयं कालं ठिई पण्णत्ता ? गोयमा ! जहण्णेणं दसवाससहस्साई, उक्कोसेणं देसूणाई दुण्णि पलिओवमाइं । नागकुमारीणं भंते ! केवइयं कालं ठिई पण्णत्ता ? गोयमा ! जहण्णेणं दसवाससहस्साई, उक्नोसेणं देसूणं पलिओवमं । एवं जहा णागकुमारदेवाणं देवीण य तहा जाव थणियकुमाराणं देवाणं देवीण य भाणियव्वं । पुढवीकाइयाणं भंते ! केवइयं कालं ठिई पण्णत्ता ? गोयमा ! जहण्णेणं अंतोमुहुक्तं, उक्कोसेणं बावीसं वाससहस्साई । सुहुमपुढवीकाइयाणं ओहियाणं अपजत्तयाणं पजत्तयाण य । तिसु वि पुच्छा । गोयमा ! जहण्णेणं अंतोमुहुत्तं, उक्कोसेण वि अंतोमुहुरतं । बायरपुढवि
