________________
सुत्तागमे
[अणुओगदारसुत्तं जइभागं फुसंति ? असंखिज्जइभागं फुसंति ? संखेज्जे भागे फुसंति ? असंखेज्जे भागे फुसंति ? सव्वलोगं फुसंति ? एगं दव्वं पडुच्च संखिज्जइभागं वा फुसइ, असंखिज्जइभागं वा फुसइ, संखेजे भागे वा फुसइ, असंखेज्जे भागे वा फुसइ, देसृणं वा लोगं फुसइ । णाणादव्वाइं पडुच्च नियमा सव्वलोयं फुसंति । अणाणुपुव्वीदव्वाइं अवत्तव्ययदव्वाइं च जहा खेत्तं नवरं फुसणा भाणियव्वा । णेगमववहाराणं आणुपुव्वीदव्वाइं कालओ केवच्चिरं होंति ? एगं दव्वं पडुच्च जहण्णेणं एगं समयं, उक्कोसेणं असंखेजं कालं । णाणादव्वाइं पडुच्च णियमा सव्वद्धा । एवं दुणि वि । णेगमववहाराणं आणुपुव्वीदव्वाणमंतरं कालओ केवच्चिरं होइ ? एगं दव्वं पडुच्च जहण्णेणं एगं समयं, उक्कोसेणं असंखेनं कालं । नाणादव्वाइं पडुच्च णत्थि अंतरं । णेगमववहाराणं आणुपुवीदव्वाइं सेसदव्वाणं कइभागे होजा ? तिणि वि जहा दव्वाणुपुब्बीए । णेगमववहाराणं आणुपुव्वीदव्वाइं कयरम्मि भावे होज्जा ? नियमा साइपारिणामिए भावे होजा। एवं दोन्नि वि । एएसि णं भंते ! णेगमववहाराणं आणुपुव्वीदव्वाणं अणाणुपुवीदव्वाणं अवत्तव्वगदव्वाणं च दव्वट्ठयाए पएसट्टयाए दव्वठ्ठपएसट्टयाए कयरे कयरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवाई णेगमववहाराणं अवत्तव्वगदव्वाई दव्वट्ठयाए, अणाणुपुव्वीदव्वाई दव्वट्ठयाए विसेसाहियाई, आणुपुत्वीदव्वाइं दव्वट्ठयाए असंखेजगुणाई, पएसट्टयाए-सव्वत्थोवाईणेगमववहाराणं अणाणुपुव्वीदव्बाई अपएसठ्ठयाए, अवत्तव्वगदव्वाइं पएसट्टयाए विसेसाहियाई, आणुपुव्वीदव्वाइं पएसट्ठयाए असंखेजगुणाई, दव्वट्ठपएसट्टयाए-सव्वत्थोवाइं णेगमववहाराणं अवत्तव्वगदव्वाइं दव्वट्टयाए, अणाणुपुवीदव्वाइं दव्वठ्ठयाए अपएसट्टयाए विसेसाहियाई, अवत्तव्वगदव्वाइं पएसट्टयाए विसेसाहियाई, आणुपुव्वीदव्याई दबढ़याए असंखेजगुणाई, ताई चेव पएसट्टयाए असंखेजगुणाई । सेत्तं अणुगमे । सेतं णेगमववहाराणं अणोवणिहिया खेत्ताणुपुव्वी ॥ १०२ ॥ से किं तं संगहस्स अणोवणिहिया खेत्ताणुपुव्वी ? संगहस्स अणोवणिहिया खेत्ताणुपुव्वी पंचविहा पण्णत्ता। तंजहा-अठ्ठपयपरूवणया १ भंगसमुक्तित्तणया २ भंगोवदंसणया ३ समोयारे ४ अणुगमे ५ । से किं तं संगहस्स अट्ठपयपरूवणया ? संगहस्स अट्ठपयपरूवणयातिपएसोगाढे आणुपुव्वी, चउप्पएसोगाढे आणुपुव्वी जाव दसपएसोगाढे आणुपुव्वी, संखिज्जपएसोगाढे आणुपुव्वी, असंखिजपएसोगाढे आणुपुव्वी, एगपएसोगाढे अणाणुपुव्वी, दुपएसोगाढे अवत्तव्वए । सेत्तं संगहस्स अट्ठपयपरूवणया । एयाए णं संगहस्स अट्ठपयपरूवणयाए किं पओयणं १० संगहस्स अट्ठपयपरूवणयाए संगहस्स भंगसमुक्कित्तणया कज्जइ । से किं तं संगहस्स भंगसमुक्तित्तणया ? संगहस्स भंग
