Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 1173

१०९८
सुत्तागमे
[अणुओगदारसुत्तं कयरम्मि भावे होज्जा ? नियमा साइपारिणामिए भावे होजा। एवं दोन्नि वि । अप्पाबहुं नत्थि । सेत्तं अणुगमे । सेत्तं संगहस्स अणोवणिहिया दव्वाणुपुव्वी । सेत्तं अणोवणिहिया दव्वाणुपुव्वी ॥ ९६ ॥ से किं तं उवणिहिया दव्वाणुपुव्वी ? उवणिहिया दव्वाणुपुव्वी तिविहा पण्णत्ता । तंजहा-पुव्वाणुपुव्वी १ पच्छाणुपुव्वी २ अणाणुपुव्वी य ३ ॥९७ ॥ से किं तं पुव्वाणुपुव्वी ? पुव्वाणुपुव्वी-धम्मत्थिकाए १ अधम्मत्थिकाए २ आगासत्थिकाए ३ जीवत्थिकाए ४ पोग्गलत्थिकाए ५ अद्धासमए ६ । सेत्तं पुव्वाणुपुवी। से किं तं पच्छाणुपुव्वी ? पच्छाणुपुव्वी-अद्धासमए ६ पोग्गलत्थिकाए ५ जीवत्थिकाए ४ आगासत्यिकाए ३ अधम्मत्थिकाए २ धम्मत्थिकाए १। सेत्तं पच्छाणुपुवी। से किं तं अणाणुपुवी ? अणाणुपुवी-एयाए चेव एगाइयाए एगुत्तरियाए छगच्छेगयाए सेढीए अण्णमण्णब्भासो दुरूवूणो। सेत्तं अणाणुपुव्वी ॥ ९८ ॥ अहवा उवणिहिया दव्वाणुपुव्वी तिविहा पण्णत्ता । तंजहापुव्वाणुपुव्वी १ पच्छाणुपुव्वी २ अणाणुपुन्वी ३ । से किं तं पुव्वाणुपुवी ? पुव्वाणुपुव्वी-परमाणुपोग्गले १ दुपएसिए २ तिपएसिए ३ जाव दसपएसिए १० संखिजपएसिए ११ असंखिज्जपएसिए १२ अणंतपएसिए १३ । सेत्तं पुवाणुपुव्वी । से किं तं पच्छाणुपुव्वी ? पच्छाणुपुव्वी-अणंतपएसिए १३ जाव परमाणुपोग्गले १ । सेत्तं पच्छाणुपुव्वी । से किं तं अणाणुपुव्वी ? अणाणुपुव्वी-एयाए चेव एगाइयाए एगुत्तरियाए अणंतगच्छगयाए सेढीए अण्णमण्णब्भासो दुरूवूणो। सेत्तं अणाणुपुव्वी। सेत्तं उवणिहिया दव्वाणुपुव्वी। सेत्तं जाणयसरीरभवियसरीरवइरित्ता दव्वाणुपुवी। सेत्तं नोआगमओ दव्वाणुपुव्वी । सेत्तं दवाणुपुव्वी ॥ ९९ ॥ से किं तं खेत्ताणुपुव्वी ? खेत्ताणुपुव्वी दुविहा पण्णत्ता। तंजहा-उवणिहिया य अणोवणिहिया य ॥ १०० ॥ तत्थ णं जा सा उवणिहिया सा ठप्पा । तत्थ णं जा सा अणोवणिहिया सा दुविहा पण्णत्ता । तंजहा-णेगमववहाराणं १ संगहस्स य २ ॥ १०१॥ से किं तं गमववहाराणं अणोवणिहिया खेत्ताणुपुव्वी ? णेगमववहाराणं अणोवणिहिया खेत्ताणुपुटवी पंचविहा पण्णत्ता । तंजहा-अट्ठपयपरूवणया १ भंगसमुक्कित्तणया २ भंगोवदंसणया ३ समोयारे ४ अणुगमे ५ । से किं तं गमववहाराणं अठ्ठपयपरूवणया ? णेगमववहाराणं अट्ठपयपरूवणया-तिपएसोगाढे आणुपुव्वी जाव दसपएसोगाढे आणुपुव्वी, संखिजपएसोगाढे आणुपुव्वी, असंखिजपएसोगाढे आणुपुव्वी, एगपएसोगाढे अणाणुपुव्वी, दुपएसोगाढे अवत्तव्वए, तिपएसोगाढा आणुपुवीओ जाव दसपएसोगाढा आणुपुत्वीओ, असंखिज्जपएसोगाढा आणुपुव्वीओ, . १ 'समूह' । २ पच्चंतरे एसो पाढो नत्थि ।
THHTHHTHHTHHTHHE