Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 1167

१०९२
सुत्तागमे
[ अणुओगदारसुतं
ईणं । से किं तं पसत्थे नोआगमओ भावोवक्कमे ? पसत्थे • गुरुमाईणं । सेत्तं नोआगमओ भावोवक्कमे । सेत्तं भावोवक्कमे । सेत्तं उवक्कमे ॥ ७० ॥ अहवा उवक्कमे छव्विहे पण्णत्ते । तंजा - आणुपुव्वी १ नामं २ पमाणं ३ वत्तव्वया ४ अत्थाहिगारे ५ समोयारे ६ ॥ ७१ ॥ से किं तं आणुपुव्वी ? आणुपुव्वी दसविहा पण्णत्ता । तंजहा - नामाणुपुव्वी १ ठवणाणुपुव्वी २ दव्वाणुपुव्वी ३ खेत्ताणुपुव्वी ४ कालाणुपुव्वी ५ उत्तिणाणुपुव्वी ६ गणणाणुपुव्वी ७ संठाणाणुपुव्वी ८ सामायारीआणुपुव्वी ९ भावाणुपुव्वी १० ॥ ७२ ॥ नामठवणाओ गयाओ । से किं तं दव्वाणुपुथ्वी ? दव्वाणुपुव्वी दुविहा पण्णत्ता । तं जहा - आगमओ य १ नोआगमओ य २ । से किं तं आगमओ दव्वाणुपुथ्वी ? आगमओ दव्वाणुपुव्वी - जस्स णं 'आणुपुव्वि' त्ति पयं सिक्खियं, ठियं, जियं, मियं, परिजियं जाव नो अणुप्पेहाए । कम्हा ? 'अणुवओगो' दव्वमिति कहु । णेगमस्स णं एगो अणुवत्तो आगमओ एगा दव्वाणुपुव्वी जाव जाणए अणुवउत्ते अवत्थु । कम्हा ? जइ जाणए, अणुवउत्ते न भवइ, जइ अणुवउत्ते, जाणए न भवइ, तम्हा नत्थि आगमओ दव्वाणुपुव्वी । सेत्तं आगमओ दव्वाणुपुव्वी । से किं तं नोआगमओ दव्वाणुपुवी ? नोआगमओ दव्वाणुपुव्वी तिविहा पण्णत्ता । तंजहा- जाणयसरीरदव्वाणुपुव्वी १ भवियसरीरदव्वाणुपुव्वी २ जाणयसरीरभवियसरीरवइरित्ता दव्वाणुपुवी ३ । से किं तं जाणयसरीरदव्वाणुपुव्वी ? 'आणुपुव्वि' पयत्थाहिगारजाणयस्स जं सरीरयं ववगयचुयचावियचत्तदेहं सेसं जहा दव्वावस्सए तहा भाणियव्वं जाव सेत्तं जाणयसरीरदव्वाणुपुव्वी । से किं तं भवियसरीरदव्वाणुपुव्वी ? भवियसरीरदव्वाणुपु०वी - जे जीवे जोणीजम्मणनिक्खंते सेसं जहा दव्वावस्सए जाव सेत्तं भवियसरीरदव्वाणुपुव्वी । से किं तं जाणयसरीरभवियसरीरवइरित्ता दव्वाणुपुब्बी ? जाणयसरीरभवियसरीरवइरित्ता दव्वाणुपुव्वी दुविहा पण्णत्ता । तंजहा उवणिहिया य १ अवणिहियाय २ । तत्थ 'जा सा उवणिहिया सा ठप्पा । तत्थ णं जा सा अणोवणिहिया सा दुविहा पण्णत्ता । तं जहा - नेगमववहाराणं १ संगहरूस य २ ॥ ७३ ॥ से किं तं नेगमववहाराणं अणोवणिहिया दव्वाणुपुव्वी ? नेगमववहाराणं अणोवणिहिया दव्वाणुपुव्वी पंचविहा पण्णत्ता । तंजहा - अट्ठपय परूवणया १ भंगसमुत्तिणया २ भंगोवदंसणया ३ समोयारे ४ अणुगमे ५ ॥ ७४ ॥ से किं तं नेगमववहाराणं अट्ठपय परूवणया ? नेगमववहाराणं अट्ठपयपरूवणया - तिपएसिए जाव दसपएसिए आणुपुव्वी, संखिज्जपएसिए आणुपुव्वी, असंखिज्जपएसिए आणुपुव्वी, अनंतपएसिए आणुपुव्वी, परमाणुपोग्गले अणाणुपुव्वी, दुपए सिए अवत्तव्वए, तिपएसिया आणुवीओ जाव अणतपए सियाओ आणुपुव्वीओ, परमाणुपोग्गला अणाणुपुव्वीओ,
1