________________
ठाणवण्णणं] सुत्तागमे
१०७५ ठाणं ३, समवाओ ४, विवाहपन्नत्ती ५, नायाधम्मकहाओ ६, उवासगदसाओ ७, अंतगडदसाओ ८, अणुत्तरोववाइयदसाओ ९, पण्हावागरणाई १०, विवागसुयं ११, दिद्विवाओ १२ ॥ ४५ ॥ से किं तं आयारे ? आयारे णं समणाणं निग्गंथाणं आयारगोयरविणयवेणइयसिक्खाभासाअभासाचरणकरणजायामायावित्तीओ आघविजंति, से समासओ पंचविहे पण्णत्ते, तंजहा-नाणायारे, दंसणायारे, चरित्तायारे, तवायारे, वीरियायारे, आयारे णं परित्ता वायणा, संखेजा अणुओगदारा, संखेजा वेढा, संखेज्जा सिलोगा, संखिज्जाओ निजुत्तीओ, संखिज्जाओ संगहणीओ, संखिजाओ पडिवत्तीओ, से णं अंगठ्ठयाए पढमे अंगे, दो सुयक्खंधा, पणवीसं अज्झयणा, पंचासीइ उद्देसणकाला, पंचासीइ समुद्देसणकाला, अट्ठारस पयसहस्साई पयग्गेणं, संखिज्जा अक्खरा, अणंता गमा, अणंता पजवा, परित्ता तसा, अणंता थावरा, सासयकडनिबद्धनिकाइया जिणपण्णत्ता भावा आघविजंति, पनविज्जति, परूविजंति, दंसिज्जति, निदंसिज्जति, उवदंसिज्जंति, से एवं आया, एवं नाया, एवं विण्णाया, एवं चरणकरणपरूवणा आघविज्जइ, सेत्तं आयारे १ ॥ ४६ ॥ से किं तं सृयगडे ? सूयगडे णं लोए सूइज्जइ, अलोए सूइज्जइ, लोयालोए सूइज्जइ, जीवा सृइजंति, अजीवा सूइज्जति, जीवाजीवा सृइजंति, ससमए सूइज्जइ, परसमए सूइज्जइ, ससमयपरसमए सूइजइ, सूयगडे णं असीयस्स किरियावाइसयस्स, चउरासीईए अकिरियावाईणं, सत्तट्ठीए अण्णाणियवाईणं, बत्तीसाए वेणइयवाईणं, तिण्हं तेसट्टाणं पासंडियसयाणं चूहं किच्चा ससमए ठाविजइ, सूयगडे णं परित्ता वायणा, संखेजा अणुओगदारा, संखेजा वेढा, संखेजा सिलोगा, संखिजाओ निजुत्तीओ, संखिजाओ संगहणीओ, संखिज्जाओ पडिवत्तीओ, से णं अंगठ्याए बिइए अंगे, दो सुयक्वंधा, तेवीसं अज्झयणा, तित्तीसं उद्देसणकाला, तित्तीसं समुद्देसणकाला, छत्तीसं पयसहस्साई पयग्गेणं, संखिजा अक्खरा, अणंता गमा, अणंता पज्जवा, परित्ता तसा, अणंता थावरा, सासयकडनिबद्धनिकाइया जिणपण्णत्ता भावा आघविजंति, पन्नविजंति, परूविजंति, दंसिजंति, निदंसिर्जति, उवदंसिज्जति, से एवं आया, एवं नाया, एवं विण्णाया, एवं चरणकरणपवणा आघविजइ, सेत्तं सूयगडे २॥ ४७ ॥ से किं तं ठाणे ? ठाणे णं जीवा ठाविजंति, अजीवा ठाविजंति, जीवाजीवा ठाविजंति, ससमए ठाविज्जइ, परसमए ठाविजइ, ससमयपरसमए ठाविनइ, लोए ठाविजइ, अलोए ठाविजइ, लोयालोए ठाविजइ । ठाणे णं टंका, कुडा, सेला, सिहरिणो, पब्भारा, कुंडाइं, गुहाओ, आगरा, दहा, नईओ, आघविनंति । ठाणे णं एगाइयाए एगुत्तरियाए बुडीए दसट्टाणगविवडियाणं भावाणं
