________________
THEHTHHTHHELHI
१०५६
सुत्तागमे
[उत्तरज्झयणसुत्तं विभागं तु, वोच्छं तेसिं चउव्विहं ॥ १५९ ॥ संतई पप्पऽणाईया, अपजवसिया वि य । ठिइं पडुच्च साईया, सपज्जवसिया वि य ॥ १६० ॥ सागरोवममेगं तु, उक्कोसेण वियाहिया। पढमाए जहन्नेणं, दसवाससहस्सिया ॥ १६१ ॥ तिण्णेव सागरा ऊ, उक्कोसेण वियाहिया । दोच्चाए जहन्नेणं, एगं तु सागरोवमं ॥ १६२ ॥ सत्तेव सागरा ऊ, उक्कोसेण वियाहिया । तइयाए जहन्नेणं, तिण्णेव सागरोवमा ॥ १६३ ॥ दससागरोवमा ऊ, उक्कोसेण वियाहिया । चउत्थीए जहन्नेणं, सत्तेव सागरोवमा ॥ १६४ ॥ सत्तरससागरा ऊ, उक्कोसेण वियाहिया । पंचमाए जहन्नेणं, दस चेव सागरोवमा ॥ १६५ ॥ बावीससागरा ऊ, उकोसेण वियाहिया । छट्ठीए जहन्नेणं, सत्तरससागरोवमा ॥ १६६ ॥ तेत्तीससागरा ऊ, उक्कोसेण वियाहिया । सत्तमाए जहन्नेणं, बावीसं सागरोवमा ॥ १६७ ॥ जा चेव य आउठिई, नेरइयाणं वियाहिया । सा तेसिं कायठिई, जहन्नुक्कोसिया भवे ॥ १६८ ॥ अणंतकालमुक्कोसं, अंतोमुहुत्तं जहन्नयं । विजढंमि सए काए, नेरइयाणं तु अंतरं ॥ १६९ ॥ एएसिं वण्णओ चेव, गंधओ रसफासओ । संठाणादेसओ वावि, विहाणाई सहस्ससो ॥ १७० ॥ पंचिंदियतिरिक्खाओ, दुविहा ते वियाहिया । समुच्छिमतिरिक्खाओ, गब्भवकंतिया तहा ॥ १७१ ॥ दुविहा ते भवे तिविहा, जलयरा थलयरा तहा। नहयरा य बोधव्वा, तेसिं भेए सुणेह मे ॥ १७२ ॥ मच्छा य कच्छभा य, गाहा य मगरा तहा । सुंसुमारा य बोधव्वा, पंचहा जलयराहिया ॥ १७३ ॥ लोएगदेसे ते सव्वे, न सव्वत्थ वियाहिया । इत्तो कालविभागं तु, वोच्छं तेसिं च उव्विहं ॥ १७४ ॥ संतई पप्पऽणाईया, अपज्जवसिया वि य । ठिई पडुच्च साईया, सपजवसिया वि य ॥ १७५ ॥ एगा य पुव्वकोडी, उक्कोसेण वियाहिया । आउठिई जलयराणं, अंतोमुहुत्तं जहन्निया ॥ १७६ ॥ पुवकोडिपुहत्तं तु, उक्कोसेण वियाहिया । कायठिई जलयराणं, अंतोमुहुत्तं जहन्निया ॥ १७७ ॥ अणंतकालमुक्कोस, अंतोमुहुत्तं जहन्नयं । विजढंमि सए काए, जलयराणं तु अंतरं ॥ १७८ ॥ एएसिं वण्णओ चेव, गंधओ रसफासओ । संठाणादेसओ वावि, विहाणाई सहस्ससो ॥ १७९ ॥ चउप्पया य परिसप्पा, दुविहा थलयरा भवे । चउप्पया चउविहा, ते मे कित्तयओ सुण ॥१८०॥ एगखुरा दुखुरा चेव, गंडीपयसणप्फया । हयमाई गोणमाई, गयमाइसीहमाइणो ॥ १८१ ॥ भुओरगपरिसप्पा य, परिसप्पा दुविहा भवे। गोहाई अहिमाई य, एकेकाऽणेगहा भवे ॥ १८२ ॥ लोएगदेसे ते सव्वे, न सव्वत्थ वियाहिया । एत्तो कालविभागं तु, वोच्छं तेसिं चउव्विहं ॥ १८३ ॥ संतई पप्पऽणाईया, अपज्जवसिया वि य । ठिइं पडुच्च साईया, सपजवसिया वि य
