________________
सुत्तागमे
[उत्तरज्झयणसुत्तं बायरा जे उ पजत्ता,ऽणेगहा ते वियाहिया । इंगाले मुम्मुरे अगणी, अच्चि जाला तहेव य ॥ ११० ॥ उक्का विजू य बोधव्वा,ऽणेगहा एवमायओ। एगविहमणाणत्ता, सुहुमा ते वियाहिया ॥ १११ ॥ सुहुमा सव्वलोगंमि, लोगदेसे य बायरा । इत्तो कालविभागं तु, तेसिं वुच्छं चउविहं ॥ ११२ ॥ संतई पप्पऽणाईया, अपज्जवसिया वि य । ठिइं पडुच्च साईया, सपज्जवसिया वि य ॥ ११३ ॥ तिण्णेव अहोरत्ता, उक्कोसेण वियाहिया। आउठिई तेऊणं, अंतोमुहुत्तं जहन्निया ॥११४ ॥ असंखकालमुक्कोसा, अंतोमुहुत्तं जहन्निया। कायठिई तेऊणं, तं कायं तु अमुंचओ ॥ ११५ ॥ अणंतकालमुक्कोसं, अंतोमुहुत्तं जहन्नयं । विजढंमि सए काए, तेऊजीवाण अंतरं ॥ ११६ ॥ एएसिं वण्णओ चेव, गंधओ रसफासओ। संठाणादेसओ वावि, विहाणाइं सहस्ससो ॥ ११७ ॥ दुविहा वाउजीवा उ, सुहुमा बायरा तहा । पजत्तमपजत्ता, एवमेए दुहा पुणो ॥ ११८ ॥ बायरा जे उ पज्जत्ता, पंचहा ते पकित्तिया । उक्कलिया मंडलिया, घणगुंजा सुद्धवाया य ॥ ११९ ॥ संवट्टगवाया य,ऽणेगहा एवमायओ। एगविहमणाणत्ता, सुहुमा तत्थ वियाहिया ॥ १२० ॥ सुहुमा सव्वलोगंमि, लोगदेसे य बायरा । इत्तो कालविभागं तु, तेसिं वुच्छं चउन्विहं ॥ १२१ ॥ संतइं पप्पऽणाईया, अपज्जवसिया वि य । ठिई पडुच्च साईया, सपज्जवसिया वि य ॥ १२२ ॥ तिण्णेव सहस्साइं, वासाणुकोसिया भवे । आउठिई वाऊणं, अंतोमुहुत्तं जहन्निया ॥ १२३ ॥ असंखकालमुक्कोसा, अंतोमुहुत्तं जहन्निया । कायठिई वाऊणं, तं कायं तु अमुंचओ ॥ १२४ ॥ अणंतकालमुक्कोसं, अंतोमुहुत्तं जहन्नयं । विजडंमि सए काए, वाऊजीवाण अंतरं ॥ १२५ ॥ एएसिं वण्णओ चेव, गंधओ रसफासओ । संठाणादेसओ वावि, विहाणाई सहस्ससो ॥ १२६ ॥ उराला तसा जे उ, चउहा ते पकित्तिया । बेइंदिय तेइंदिय, चउरो पंचिंदिया तहा ॥ १२७ ॥ बेइंदिया उ जे जीवा, दुविहा ते पकित्तिया । पजत्तमपज्जत्ता, तेसिं भेए सुणेह मे ॥ १२८ ॥ किमिणो सोमंगला चेव, अलसा माइवाहया । वासीमुहा य सिप्पिया, संखा संखणगा तहा ॥ १२९ ॥ पल्लोयाणुल्लया चेव, तहेव य वराडगा। जलूगा जालगा चेव, चंदणा य तहेव य ॥ १३० ॥ इइ बेइंदिया एए,ऽणेगहा एवमायओ । लोगेगदेसे ते सव्वे, न सव्वत्थ वियाहिया ॥ १३१ ॥ संतई पप्पऽणाईया, अपज्जवसिया वि य । ठिइं पडुच्च साईया, सपज्जवसिया वि य ॥ १३२ ॥ वासाइं बारसा चेव, उक्कोसेण वियाहिया। बेइंदियआउठिई, अंतोमुहुत्तं जहन्निया ॥ १३३ ॥ संखिज्जकालमुक्कोसा, अंतोमुहुत्तं जहन्निया। बेइंदियकायठिई, तं कायं तु अमुंचओ ॥ १३४ ॥ अणंतकालमुक्कोसं, अंतोमुहुक्तं
