________________
१०४६
सुत्तागमे
[ उत्तरज्झयणसुत्तं
सुणेह मे ॥ १॥ नामाइं वण्णरसगंध-, फासपरिणामलक्खणं । ठाणं ठिई गई चाउं, लेसाणं तु' सुणेह मे ॥२॥ किण्हा नीला य काऊँ य, तेऊँ पम्हा तहेव य । सुक्कलेसा य छट्ठा य, नामाइं तु जहक्कमं ॥ ३ ॥ (१) जीमूयनिद्धसंकासा, गवलरिट्ठगसन्निभा। खंजंजणनयणनिभा, किण्हलेसा उ वण्णओ ॥ ४ ॥ (२) नीलासोगसंकासा, चासपिच्छसमप्पभा । वेरुलियनिद्धसंकासा, नीललेसा उ वण्णओ ॥ ५ ॥ (३) अयसीपुप्फसंकासा, कोइलच्छदसन्निभा। पारेवयगीवनिभा, काउलेसा उ वण्णओ ॥ ६ ॥ ( ४ ) हिंगुलयधाउसंकासा, तरुणाइच्चसन्निभा । सुयतुंडपईवनिभा, तेऊलेसा उ वण्णओ ॥ ७ ॥ (५) हरियालभेयसंकासा, हलिद्दाभेयसमप्पभा । सणासणकुसुमनिभा, पम्हलेसा उ वण्णओ ॥ ८ ॥ (६) संखंककुंदसंकासा, खीरपूरसमप्पभा । रययहारसंकासा, सुक्कलेसा उ वण्णओ ॥ ९ ॥ (१) जह कडुयतुंबगरसो, निंबरसो कडयरोहिणिरसो वा । एत्तो वि अणंतगुणो, रसो य किण्हाए नायव्वो ॥ १० ॥ (२)जह तिगडुयस्स य रसो, तिक्खो जह हत्थिपिप्पलीए वा । एत्तो वि अणंतगुणो, रसो उ नीलाए नायव्वो ॥ ११ ॥ (३) जह तरुणअंबगरसो, तुवरकविट्ठस्स वावि जारिसओ। एत्तो वि अणंतगुणो, रसो उ काऊए नायव्वो ॥१२॥ (४)जह परिणयंबगरसो, पक्ककविट्ठस्स वावि जारिसओ। एत्तो वि अणंतगुणो, रसो उ तेऊए नायव्वो ॥१३॥ (५)जह वारुणीए व रसो, विविहाण व आसवाण जारिसओ। महुमेरयस्स व रसो, एत्तो पम्हाए परएणं ॥ १४ ॥ (६) खजूरमुद्दियरसो, खीररसो खंडसकररसो वा । एत्तो वि अणंतगुणो, रसो उ सुक्काए नायव्वो ॥ १५ ॥ जह गोमडस्स गंधो, सुणगमडस्स व जहा अहिमडस्स । एत्तो वि अणंतगुणो, लेसाणं अप्पसत्थाणं ॥ १६ ॥ जह सुरहिकुसुमगंधो, गंधवासाण पिस्समाणाणं । एत्तो वि अणंतगुणो, पसत्थलेसाण तिण्हं पि ॥ १७ ॥ जह करगयस्स फासो, गोजिब्भाए य सागपत्ताणं । एत्तो वि अणंतगुणो, लेसाणं अप्पसत्थाणं ॥ १८ ॥ जह बूरस्स व फासो, नवणीयस्स व सिरीसकुसुमाणं । एत्तो वि अणंतगुणो, पसत्थलेसाण तिण्हं पि ॥१९॥ तिविहो व नवविहो वा, सत्तावीसइविहेक्कसीओ वा। दुसओ तेयालो वा, लेसाणं होइ परिणामो॥२०॥ (१) पंचासवप्पवत्तो, तीहिं अगुत्तो छसुं अविरओ य । तिव्वारंभपरिणओ, खुद्दो साहसिओ नरो॥२१॥ निद्धंधसपरिणामो, निस्संसो अजिइंदिओ। एयजोगसमाउत्तो, किण्हलेसं तु परिणमे ॥ २२ ॥ (२) इस्सा अमरिस अतवो, अविज्जमाया अहीरिया । गिद्धी पओसे य सढे, पमत्ते रसलोलुए ॥ २३ ॥ सायगवेसए थे। आरंभाओ अविरओ, खुद्दो
१ ‘गजपीपल' इति भासाए । २ गाहागिपयमिणं ।
HATHI
