________________
अ० २४ भट्ठपवयणमायाओ] सुत्तागमे
१०२१ गोयमा ! ॥ ६९ ॥ अण्णवंसि महोहंसि, नावा विपरिधावई । जंसि गोयम ! आरूढो, कहं पारं गमिस्ससि ? ॥ ७० ॥ जा उ अस्साविणी नावा, न सा पारस्स गामिणी । जा निरस्साविणी नावा, सा उ पारस्स गामिणी ॥७१॥ नावा य इइ का वुत्ता? । केसी गोयममब्ववी । केसिमेवं बुवंतं तु, गोयमो इणमब्ववी ॥ ७२ ॥ सरीरमाहु नावत्ति, जीवो वुच्चइ नाविओ। संसारो अण्णवो वुत्तो, जं तरंति महेसिणो॥७३॥ साहु गोयम ! पन्ना ते, छिन्नो मे संसओ इमो। अन्नो वि संसओ मज्झं, तं मे कहसु गोयमा ! ॥ ७४ ॥ अंधयारे तमे घोरे, चिट्ठति पाणिणो बहू । को करिस्सइ उज्जोयं ?, सव्वलोयम्मि पाणिणं ॥ ७५ ॥ उग्गओ विमलो भाणू, सव्वलोयपभंकरो। सो करिस्सइ उज्जोयं, सव्वलोयंमि पाणिणं ॥ ७६ ॥ भाणू य इइ के वुत्ते ?, केसी गोयममब्बवी । केसिमेवं बुवंतं तु, गोयमो इणमव्ववी ॥ ७७ ॥ उग्गओ खीणसंसारो, सव्वन्नू जिणभक्खरो । सो करिस्सइ उज्जोयं, सव्वलोयंमि पाणिणं ॥ ७८ ॥ साहु गोयम ! पन्ना ते, छिन्नो मे संसओ इमो। अन्नो वि संसओ मज्झं, तं मे कहसु गोयमा ! ॥ ७९ ॥ सारीरमाणसे दुक्खे, बज्झमाणाण पाणिणं । खेमं सिवमणावाहं, ठाणं किं मन्नसी मुणी ? ॥ ८० ॥ अस्थि एगं धुवं ठाणं, लोगग्गंमि दुरारुहं । जत्थ नत्थि जरा मञ्चू, वाहिणो वेयणा तहा ॥ ८१ ॥ ठाणे य इइ के वुत्ते ?, केसी गोयममब्बवी। केसिमेवं बुवंतं तु, गोयमो इणमब्बवी ॥ ८२ ॥ निव्वाणं ति अवाहं ति, सिद्धी लोगग्गमेव य । खेमं सिवं अणाबाहं, जं चरंति महेसिणो ॥ ८३ ॥ तं ठाणं सासयं वासं, लोयग्गमि दुरारुहं । जं संपत्ता न सोयंति, भवोहंतकरा मुणी ! ॥ ८४ ॥ साहु गोयम ! पन्ना ते, छिन्नो मे संसओ इमो । नमो ते संसयातीत !, सव्वमुत्तमहोयही ॥ ८५ ॥ एवं तु संसए छिन्ने, केसी घोरपरकमे। अभिवंदित्ता सिरसा, गोयमं तु महायसं ॥ ८६ ॥ पंचमहव्वयधम्म, पडिबजइ भावओ। पुरिमस्स पच्छिमंमि, मग्गे तत्थ मुहावहे ॥ ८७॥ केसीगोयमओ निचं, तमि आसि समागमे। मुयसीलसमुक्करिसो, महत्थत्यविणिच्छओ॥ ८८ ॥ तोसिया परिसा सव्वा, सम्मग्गं समुवट्ठिया । संथुया ते पसीयंतु, भयवं केसिगोयमे ॥ ८९ ॥ त्ति-बेमि ॥ इति केसिगोयमिजणामं तेवीसइमं अज्झयणं समत्तं ॥ २३ ॥
अह समिईओ णामं चउवीसइमं अज्झयणं
अट्ठ पवयणमायाओ, समिई गुत्ती तहेब य । पंचेव य समिओ, तओ गुतीय आहिया ॥१॥ इरियाभासेमणादाणे, उचारे समिई इय । मणगुत्ती वयगुती, कागती
