________________
अ० १० चत्तवत्थुअग्गहणोवएसो] सुत्तागमे
९९१ उकोसं जीवो उ संवसे। कालं संखाईयं, समयं गोयम ! मा पमायए ॥ ७ ॥ वाउकायमइगओ, उक्कोसं जीवो उ संवसे । कालं संखाईयं, समयं गोयम ! मा पमायए ॥ ८॥ वणस्सइकायमइगओ, उक्कोसं जीवो उ संवसे । कालमणंतदुरंतयं, समयं गोयम ! मा पमायए ॥ ९ ॥ बेइंदियकायमइगओ, उक्कोसं जीवो उ संबसे । कालं संखिज्जसन्नियं, समयं गोयम ! मा पमायए ॥ १० ॥ तेइंदियकायमइगओ, उक्कोसं जीवो उ संवसे । कालं संखिजसन्नियं, समयं गोयम ! मा पमायए ॥ ११ ॥ चरिंदियकायमइगओ, उक्कोसं जीवो उ संवसे । कालं संखिजसन्नियं, समयं गोयम ! मा पमायए ॥ १२॥ पंचिंदियकायमइगओ, उक्कोसं जीवो उ संवसे । सत्तभवगहणे, समयं गोयम ! मा पमायए ॥ १३ ॥ देवे नेरइए य अइगओ, उक्कोसं जीवो उ संवसे । इक्केकभवगहणे, समयं गोयम ! मा पमायए ॥ १४ ॥ एवं भवसंसारे, संसरइ सुहासुहेहिं कम्महिं। जीवो पमायबहुलो, समयं गोयम ! मा पमायए ॥ १५ ॥ लण वि माणुसत्तणं, आरियत्तं पुणरवि दुलहं । बहवे दसुया मिलक्वुया, समयं गोयम ! मा पमायए ॥ १६ ॥ लद्रूण वि आरियत्तणं, अहीणपंचेंदियया हु दुल्लहा । विगलिंदियया हु दीसई, समयं गोयम ! मा पमायए ॥ १७ ॥ अहीणपंचंदियत्तं पि से लहे, उत्तमधम्मसुई हु दुल्लहा। कुतिथिनिसेवए जणे, समयं गोयम ! मा पमायए ॥ १८ ॥ लद्धण वि उत्तमं सुई, सद्दहणा पुणरावि दुलहा । मिच्छत्तनिसेवए जणे, समयं गोयम ! मा पमायए ॥ १९ ॥ धम्म पि हु सद्दहंतया, दुल्लहया कारण फासया। इहकामगुणेहि मुच्छिया, समयं गोयम ! मा पमायए ॥ २० ॥ परिज़रइ ते सरीरयं, केसा पंडुरया हवंति ते । से सोयबले य हायई, समयं गोयम ! मा पमायए ॥ २१ ॥ परिजूरइ ते सरीरयं, केसा पंडुरया हवंति ते । से चक्युबले य हायई, समयं गोयम ! मा पमायए ॥ २२ ॥ परिजरइ ते सरीरयं, केसा पंडुरया हवंति ते । से घाणवले य हायई, समयं गोयम ! मा पमायए ॥ २३ ॥ परिजूद ते सरीरयं, केसा पंडुरया हवंति ते । से जिव्भवले य हायई, समयं गोयम ! मा पमायए ॥ २४ ॥ परिज़रइ ते सरीरयं, केसा पंदुरया हवंति ते । से फासबले य हायई, समयं गोयम ! मा पमायए ॥ २५ ॥ परिजरद ते गरीरयं, केगा पंग्या हवनि ते । से सव्वबले य हायई, समयं गोयम : मा पमायए ॥ २६ ॥ अरई गई विसइया, आयंका विविहा फुसंति ते । विहइइ विद्धंसइ ते सरीरयं, समयं गोयम ! मा पमायए ॥ २७ ॥ वोच्छिद सिणेहमप्पणो, कुमुयं सारदयं व पाणियं । से सवामणेहवजिए, समयं गोयम ! मा पमायए ॥ २८ ॥ चियाण धणं च भारियं, पव्वइओ हि सि अणगारियं । मा वंतं पुणो वि आविए, समयं गोयम ! मा पमायए.
