________________
चू० २ सेटमुणिसंगाभावे किच्चं] सुत्तागमे
९७५ दुक्खमुत्तमं, रमिज तम्हा परियाए पंडिए ॥ ११ ॥ धम्माउ भटुं सिरिओववेयं, जन्नग्गि विज्झायमिवप्पतेयं । हीलंति णं दुविहियं कुसीला, दाढड्डियं घोरविसं व नाग ॥ १२ ॥ इहेवऽधम्मो अयसो अकित्ती, दुन्नामधिजं च पिहुज्जणम्मि । चुयस्स धम्माउ अहम्मसेविणो, संभिन्नवित्तस्स य हिट्ठओ गई ॥ १३ ॥ भुंजित्तु भोगाई पसज्झ चेयसा, तहाविहं कटु असंजमं बहुं । गइं च गच्छे अणहिज्झियं दुहं, बोही य से नो सुलहा पुणो पुणो ॥ १४ ॥ “इमस्स ता नेरइयस्स जंतुणो, दुहोवणीयस्स किलेसवत्तिणो । पलिओवमं झिज्झइ सागरोवमं, किमंग पुण मज्झ इमं मणोदुहं ? ॥ १५ ॥ न मे चिरं दुक्खमिणं भविस्सइ, असासया भोगपिवास जंतुणो । न चे सरीरेण इमेणऽविस्सइ, अविस्सई जीवियपजवेण मे" ॥ १६ ॥ जस्सेवमप्पा उ हविज निच्छिओ, चइज देहं न हु धम्मसासणं । तं तारिसं नो पइलिंति इंदिया, उविंतिवाया व सुदंसणं गिरिं ॥ १७ ॥ इच्चेव संपस्सिय बुद्धिमं नरो, आयं उवायं विविहं वियाणिया। काएण वाया अदु माणसेणं, तिगुत्तिगुत्तो जिणवयणमहिट्ठिजासि ॥ १८ ॥ त्ति-बेमि ॥ इय रइवक्का णामा पढमा चूलिया समत्ता ॥१॥
अह विवित्तचरिया णामा बीया चूलिया
चूलियं तु पवक्खामि, सुयं केवलिभासियं । जं सुणित्तु सुपुण्णाणं, धम्मे उप्पजए मई ॥ १ ॥ अणुसोयपट्ठिए बहुजणम्मि, पडिसोयलद्धलक्खेणं । पडिसोयमेव अप्पा, दायव्वो होउ कामेणं ॥ २ ॥ अणुसोयसुहो लोओ, पडिसोओ आसवो सुविहियाणं । अणुसोओ संसारो, पडिसोओ तस्स उत्तारो ॥ ३ ॥ तम्हा आयारपरक्कमेण, संवरसमाहिवहुलेणं । चरिया गुणा य नियमा य, हुंति साहूण दट्ठव्वा ॥ ४ ॥ अणिएयवासो समुयाणचरिया, अन्नायउंछं पइरिक्कया य । अप्पोवही कलहविवजणा य, विहारचरिया इसिणं पसत्था ॥ ५॥ आइण्णओमाणविवजणा य, ओसन्नदिट्ठाहडभत्तपाणे । संसठ्ठकप्पेण चरिज भिक्खू, तज्जायसंसट्ठ जई जइज्जा ॥ ६ ॥ अमज्जमंसासि अमच्छरीया, अभिक्खणं निव्विगइं गया य । अभिक्खणं काउस्सग्गकारी, सज्झायजोगे पयओ हविज्जा ॥ ७ ॥ न पडिन्नविजा सयणासणाई, सिजं निसिज्जं तह भत्तपाणं । गामे कुले वा नगरे व देसे, ममत्तभावं न कहिं पि कुजा ॥ ८ ॥ गिहिणो वेयावडियं न कुजा, अभिवायणं वंदणपूयणं वा । असंकिलिटेहिं समं वसिज्जा, मुणी चरित्तस्स जओ न हाणी ॥९॥ न या लभेजा निउणं सहायं, गुणाहियं वा गुणओ समं वा । इक्को वि पावाई
