________________
सुत्तागमे
[दसासुयक्खंधो
तं तिप्पयंतो भावेइ, महामोहं पकुव्वइ ॥ २१२ ॥ आयरियउवज्झाएहिं, सुयं विणयं च गाहिए। ते चेव खिंसइ बाले, महामोहं पकुव्वइ ॥ २१३ ॥ आयरियउवज्झायाणं, सम्मं नो पडितप्पइ । अप्पडिपूयए थद्धे, महामोहं पकुव्वइ ॥२१४ ॥ अबहुस्सुए य जे केइ, सुएण पविकत्थइ । सज्झायवायं वयइ, महामोहं पकुव्वइ ॥२१५॥ अतवस्सी[ए] य जे केइ, तवेण पविकत्थइ । सव्वलोयपरे तेणे, महामोहं पकुव्वइ ॥२१६ ॥ साहारणट्ठा जे केइ, गिलाणम्मि उवट्ठिए। पभू न कुणइ किच्चं, मज्झंपि से न कुव्वइ ॥ २१७ ॥ सढे नियडीपण्णाणे, कलुसाउलचेयसे । अप्पणो य अबोही(य)ए, महामोहं पकुव्वइ ॥ २१८ ॥ जे कहाहिगरणाइं, संपउंजे पुणो पुणो। सव्वतित्थाण भेयाणं, महामोहं पकुव्वइ ॥ २१९ ॥ जे य आहम्मिए जोए, संप(ओ)उंजे पुणो पुणो । सहाहेउं सहीहेडं, महामोहं पकुव्वइ ॥ २२० ॥ जे य माणुस्सए भोए, अदुवा पारलोइए। तेऽतिप्पयंतो आसयइ, महामोहं पकुव्वइ ॥२२१॥ इड्डी जुई जसो वण्णो, देवाणं बलवीरियं । तेसिं अवण्णवं बाले, महामोहं पकुव्वइ ॥ २२२ ॥ अपस्समाणो पस्सामि, दे(वे)वजक्खे य गुज्झगे। अण्णाणी जिणपूयट्ठी महामोहं पकुव्वइ ॥ २२३ ॥ एए मोहगुणा वुत्ता, कम्मंता चित्तवद्धणा । जे उ. भिक्खू विवजेजा, चरिजत्तगवेसए ॥ २२४ ॥ जंपि जाणे इओ पुव्वं, किच्चाकिच्चं बहु जढं। तं वंता ताणि सेविजा, जेहिं आयारवं सिया ॥ २२५ ॥ आयारगुत्तो सुद्धप्पा, धम्मे ठिच्चा अणुत्तरे। तओ वमे सए दोसे, विसमासीविसो जहा ॥२२६॥ सुचत्तदोसे सुद्धप्पा, धम्मट्ठी विदितापरे। इहेव ल(ड)भए कित्तिं, पेच्चा य सुगइं वरं ॥ २२७ ॥ एवं अभिसमागम्म, सूरा दढपरक्कमा । सव्वमोहविणिम्मुक्का, जाइमरणमइच्छिया ॥ २२८ ॥ ति-बेमि ॥ मोहणिजठाणणाम नवमा दसा समत्ता ॥९॥
दसमा दसा तेणं कालेणं तेणं समएणं रायगिहे नामं नयरे होत्था, वण्णओ। गुणसिलए उज्जाणे सेणिए राया होत्था, रायवण्णओ जहा उववाइए जाव चेल्लणाए। विहरइ । तए णं से सेणिए राया अण्णया कयाइ बहाए कंठे मालकडे आविद्धमणिसुवण्णे कप्पियहारद्धहारतिसरयपालंबपलंबमाणकडिसुत्तयसुकयसोभे पिणद्धगेवेजअंगुलेजग जाव कप्परुक्खए चेव अलंकियविभूसिए णरिंदे सकोरंटमल्लदामेणं छत्तेणं धरिजमाणेणं जाव ससिव्व पियदंसणे नरवई जेणेव बाहिरिया उवट्ठाणसाला जेणेक सिंहासणे तेणेव उवागच्छइ २ त्ता सिं(सी)हासणवरंसि पुरत्याभिमुहे निसीयइ २ त्ता कोडुंबियपुरिसे सद्दावेइ २ ता एवं वयासी-गच्छह णं तु० देवाणुप्पिया ! जाई
