________________
९२६ सुत्तागमे
[भगवई एगपजवसिए जे णं तस्स रासिस्स अवहारसमया तेओगा सेत्तं तेओगकलिओगे ८, जे णं रासी चउक्कएणं अवहारेणं अवहीरमाणे चउपज्जवसिए जे णं तस्स रासिस्स अवहारसमया दावरजुम्मा सेत्तं दावरजुम्मकडजुम्मे ९, जे णं रासी चउकएणं अवहारेणं अवहीरमाणे तिपजवसिए जे णं तस्स रासिस्स अवहारसमया दावरजुम्मा सेत्तं दावरजुम्मतेओगे १०, जे णं रासी चउक्कएणं अवहारेणं अवहीरमाणे दुपज्जवसिए जे णं तस्स रासिस्स अवहारसमया दावरजुम्मा सेत्तं दावरजुम्मदावरजुम्मे ११, जे णं रासी चउक्कएणं अवहारेणं अवहीरमाणे एगपज्जवसिए जे णं तस्स रासिस्स अवहारसमया दावरजुम्मा सेत्तं दावरजुम्मकलिओगे १२, जे णं रासी चउक्कएणं अवहारेणं अवहीरमाणे चउपजवसिए जे णं तस्स रासिस्स अवहारसमया कलिओगा सेत्तं कलिओगकडजुम्मे १३, जे णं रासी चउक्कएणं अवहारेणं अवहीरमाणे तिपज्जवसिए जे णं तस्स रासिस्स अवहारसमया कलिओगा सेत्तं कलिओगतेओगे १४, जेणं रासी चउक्कएग अवहारेणं अवहीरमाणे दुपज्जवसिए जे णं तस्स रासिस्स अवहारसमया कलिओगा सेत्तं कलिओगदावरजुम्मे १५, जे णं रासी चउक्कएणं अवहारेणं अवहीरमाणे एगपज्जवसिए जे णं तस्स रासिस्स अवहारसमया कलिओगा सेत्तं कलिओगकलिओगे १६ । से तेणढेणं जाव कलिओगकलिओगे ॥८५४॥ कडजुम्मकडजुम्मएगिदिया णं भंते ! कओ उववजति कि नेरइएहितो जहा उप्पलुद्देसए तहा उववाओ।ते णं भंते ! जीवा एगसमएणं केवइया उववजति ? गोयमा ! सोलस वा संखेजा वा असंखेज्जा वा अणंता वा उववज्जति, ते णं भंते ! जीवा समए समए० पुच्छा, गोयमा । ते णं अणंता समए समए अवहीरमाणा २ अणताहिं ओसप्पिणीउस्सप्पिणीहिं अवहीरति णो चेव णं अवहिरिया सिया, उच्चत्तं जहा उप्पलुईसए, ते णं भंते ! जीवा नाणावरणिज्जस्स कम्मस्स कि वंधगा अववगा ? गोयमा ! वंधगा नो अवंधगा, एवं सव्वेसिं आउयवज्जाणं, आउयस्स वंधगा वा अवंधगा वा, ते णं भंते ! जीवा नाणावरणिज्जस्स कम्मस्म वेदगा पुच्छा, गोयमा ! वेदगा नो अवेदगा, एवं सव्वेसिं, ते णं भंते ! जीवा कि सायावेदगा असायावेदगा पुच्छा, गोयमा ! सायावेदगा वा असायावेदगा वा, एवं (खलु) उप्पलुद्देसगपरिवाडी, सव्वेसिं कम्माणं उदई नो अणुदई, छगह कम्माणं उदीरगा नो अणुदीरगा, वेयणिज्जाउयाणं उदीरगा वा अणुदीरगा वा, ते णं भंते ! जीवा कि कण्हलेस्सा पुच्छा, गोयमा ! कण्हलेस्सा वा नीललेस्सा वा काउलेस्सा वा तेउलेस्सा वा, नो सम्मट्ठिी नो सम्मामिच्छादिट्ठी मिच्छादिट्ठी, नो नाणी अन्नाणी निय(मा)मं दुअन्नाणी तं०-मइअन्नाणी य सुयअन्नाणी य, नो मणजोगी नो वइजोगी
