________________
९१२
सुत्तागमे
[ भगवई
एवं जहेव कण्हलेस्सखुड्डागकडजुम्मनेरइया नवरं स्ववाओ जो रयणप्पभाए सेसं तहेव । रयणप्पभापुढविकाउलेस्सखुड्डागकडजुम्मनेरड्या णं भंते! कओ रववज्वंति॰ ? एवं चेव, एवं सकरप्पभाएवि, एवं वालुयप्पभाएवि, एवं चरमुवि जुम्मेसु, नवरं परिमाणं जाणियव्वं, परिमाणं जहा कण्हलेस्स उद्देसए सेसं तं चेव, सेवं भंते ! २ त्ति ॥ ८३१ ॥ ३१।४ ॥ भवसिद्धियखुड्डागकडजुम्मनेरड्या णं भंते ! कओ उववजंति किं नेरइए० ? एवं जहेव ओहिओ गमओ तहेव निरवसेसं जाव नो परप्पओगेणं उववजंति । रयणप्पभापुढविभवसिद्धियखुड्डागकडजुम्मनेरइया णं भंते । एवं चेव निरवसेसं, एवं जाव अहेसत्तमाए, एवं भवसिद्धियखड्डागते ओगनेरइयावि एवं जाव कलिओगत्ति, नवरं परिमाणं जाणियव्वं, परिमाणं पुव्वभणियं जहा पढमुद्देसए । सेवं भंते ! २त्ति ॥ ८३२ ॥ ३१५ ॥ कण्हलेस्सभवसिद्धियखुड्डागकडजुम्मनेरइया णं भंते! कओ उववनंति • ? एवं जहेव ओहिओ कण्हलेस्सउद्देसओ तहेच निरवसेसं चउसुवि जुम्मेसु भाणियव्वो जाव अहेसत्तमपुढविकण्हलेस्सभवसिद्धियखुड्डागकलिओगनेरइया णं भंते ! कओ उववज्जंति • ? तहेव । सेवं भंते ! २ त्ति ॥ ८३३ ॥ ३१६ ॥ नीललेस्सभवसिद्धिया चउसुवि जुम्मेसु तहेव भाणियव्वा जहा ओहिए नीललेस्स उद्देसए । सेवं भंते ! सेवं भंते ! त्ति जाव विहरइ ॥ ८३४ ॥ ३१॥७ ॥ काउलेस्सभवसिद्धिया चउवि जुम्मेसु तहेव उववाएयव्वा जहेव ओहिंए काउलेस्सउद्देसए । सेवं भंते ! २ त्ति जाव विहरइ ॥ ८३५ ॥ ॥ ३१८ ॥ जहा भवसिद्धिएहिं चत्तारि उद्देसगा भणिया एवं अभवसिद्धिएहिवि चत्तारि उद्देसगा भाणियव्वा जाव काउलेस्सा उद्देसओत्ति । सेवं भंते ! २त्ति ॥ ८३६॥ ॥ ३१।१२ ॥ एवं सम्मद्दिट्ठीहिवि लेस्सासंजुत्तेहिं चत्तारि उद्देसगा कायव्वा, नवरं सम्मद्दिट्ठी पढमविइएस दोमुवि उद्देसएस अहेसत्तमापुढवीए न उववाएयव्वो, सेसं तं चेव । सेवं भंते ! सेवं भंते ! ति ॥ ८३७ ॥ ३१।१६ ॥ मिच्छादिट्ठीहिवि चत्तारि उद्देसगा कायव्वा जहा भवसिद्धियाणं । सेवं भंते ! २त्ति ॥ ८३८ ॥ ॥ ३१।२० ॥ एवं कण्हपक्खिए हिवि लेस्सासंजुत्तेहिं चत्तारि उद्देसगा कायव्वा जहेव भवसिद्धिएहिं । सेवं भंते ! सेवं भंते ! ति ॥ ८३९ ॥ ३१।२४ ॥ सुक्कपक्खिएहिं एवं चेव चत्तारि उद्देसमा भाणियव्वा जाव वालुयप्पभापुढविकाउलेस्ससुकपक्खियखुड्डागकलिओगनेरड्या णं भंते ! कओ उववजंति • ? तहेव जाव नो परप्पओगेणं उववज्र्ज्जति । सेवं भंते ! २ ति ॥ ८४० ॥ ३१ ॥ २८ ॥ सव्वेवि एए अट्ठावीसं उद्देसगा || एकतीसइमं उववायसयं समत्तं ॥
खुट्टागकडजुम्मनेरइया णं भंते ! अनंतरं उव्वट्टिता कहिं गच्छेति कहिं उवव
