________________
वि०प० स० २६ उ०५] सुत्तागमे नहा जीवाणं, नवरं सम्मत्ते ओहिए नाणे आभिणिबोहियनाणे सुयनाणे ओहिनाणे एएसु बिइयविहूणा भंगा, सेसं तं चेव, वाणमंतरजोइसियवेमाणिया जहा असुरकुमारा, नाम गोयं अंतरा(इ)यं च एयाणि जहा नाणावरणिज । सेवं भंते ! २ क्ति जावं विहरइ ॥ ८१३ ॥ बंधिसयस्स पढमो उद्देसो समत्तो।। __ अणंतरोववन्नए णं भंते ! नेरइए पावं कम्मं किं बंधी० पुच्छा तहेव, गोयमा! अत्थेगइए बंधी पढमविइया भंगा। सलेस्से णं भंते ! अणंतरोववन्नए नेरइए पार्व कम्मं किं बंधी० पुच्छा, गोयमा ! पढमबिझ्या भंगा, एवं खलु सव्वत्थ पढमविइया भंगा, नवरं सम्मामिच्छत्तं मणजोगो वइजोगो य न पुच्छिज्जइ, एवं जाव थणियकुमाराणं, बेइंदियतेइंदियचउरिंदियाणं वइजोगो न भन्नइ, पंचिंदियतिरिक्खजोणियाणपि सम्मामिच्छत्तं ओहिनाणं विभंगनाणं मणजोगो वइजोगो एयाणि पंच पदाणि ण भन्नति । मणुस्साणं अलेस्ससम्मामिच्छत्तमणपजवणाणकेवलनाणविभंगनाणनोसन्नोवउत्तअवेदगअकसाईमणजो(गि)गवइजोगअजोगी एयाणि एकारस पयाणि ण भन्नति, वाणमंतरजोइसियवेमाणियाणं जहा नेरइयाणं तहेव ते तिन्नि न भन्नति सव्वेसिं, जाणि सेसाणि ठाणाणि सव्वस्थ पढमविइया भंगा, एगिदियाणं सव्वत्थ पढमविइया भंगा, जहा पावे एवं नाणावरणिजेगवि दंडओ, एवं आउयवजेसु जाव अंतराइए दंडओ ॥ अणंतरोववन्नए णं भंते ! नेरइए आउयं कम्मं कि वंधी० पुच्छा, गोयमा ! बंधी न वंवइ बंधिस्सइ । सलेस्से णं भंते ! अणंतरोववन्नए नेरइए आउयं कम्मं कि बंधी० ? एवं चेव तइओ भंगो, एवं जाव अणागारोवउत्ते, सव्वत्थवि तइओ भंगो, एवं मणुस्सवजं जाव वेमाणियाणं, मणुस्साणं सव्वत्य त्तइयचउत्था भंगा, नवरं कण्हपक्खिएसु तइओ भंगो सब्वेसि नाणत्ताई ताई चेव। सेवं भंते ! २ त्ति ॥ ८१४ ॥ बंधिसयस्स विइओ उद्देसो समत्तो ॥
परंपरोववन्नए णं भंते ! नेरइए पावं कम्मं किं बंधी० पुच्छा, गोयमा ! अत्यंगइए पढमबिइया, एवं जहेव पढमो उद्देसओ तहेव परंपरोववन्नएहिवि उद्देसओ भाणियव्वो नेरइयाइओ तहेव नवदंडगसंगहिओ, अट्ठण्हवि कम्मप्पगडीणं जा जस्स कम्मस्स वत्तव्वया सा तस्स अहीणमइरित्ता नेयव्वा जाव वेमाणिया अणागारोचउत्ता । सेवं भंते! २ त्ति ॥ ८१५॥ वधिसयस्स तइओ उद्देसो समत्तो।। ___अणंतरोगाढए णं भंते ! नेरइए पावं कम्मं किं बंधी० पुच्छा, गोयमा ! अत्थेगइए० एवं जहेव अणंतरोववन्नएहिं नवदंडगसंगहिओ उद्देसओ भणिओ तहेव अणंतरोगाढएहिवि अहीणमइरित्तो भाणियव्वो नेरझ्याईए जाव वेमाणिए । सेवं भंते! २ त्ति ॥ २६-४॥ परंपरोगाढए णं भंते ! नेरइए पावं कम्मं किं बंधी० जहेव
