________________
वि०५० स० २५ उ०.] सुत्तागमे
८९७ अणुप्पेहाओ प०, तं०-अणंतवत्तियाणुप्पेहा विप्परिणामाणुप्पेहा असुभाणुप्पेहा अवायाणुप्पेहा ४, सेत्तं झाणे ॥ ८०२ ॥ से किं तं विउसग्गे ? विउसग्गे दुविहे प०, तं०-दव्वविउसग्गे य भावविउसग्गे य, से किं तं दव्वविउसग्गे ? दवविउसग्गे चउविहे प०, तं०-गणविउसग्गे सरीरविउसग्गे उवहिविउसग्गे भत्तपाणविउसग्गे, सेत्तं दवविउसग्गे, से किं तं भावविउसग्गे ? भावविउसग्गे तिविहे प०, तं०-कसायविउसग्गे संसारविउसग्गे कम्मविउसग्गे, से किं तं कसायविउसग्गे ? कसायविउसग्गे चउन्विहे प०, तंजहा-कोहविउसग्गे माणविउसग्गे मायाविउसग्गे लोभविउसग्गे, सेत्तं कसायविउसग्गे, से किं तं संसारविउसग्गे ? संसारविउसग्गे चउब्विहे पन्नत्ते, तंजहा-नेरइयसंसारविउसग्गे जाव देवसंसारविउसग्गे, सेत्तं संसारविउसग्गे, से किं तं कम्मविउसग्गे ? कम्मविउसग्गे अट्ठविहे प०, तंजहा-णाणावरणिजकम्मविउसग्गे जाव अंतराइयकम्मविउसग्गे, सेत्तं कम्मविउसग्गे, सेत्तं भावविउसग्गे, सेत्तं अभित(र)रिए तवे । सेवं भंते ! २ त्ति ॥ ८०३ ॥ पणवीसइमस्स सयरस सत्तमो उद्देसो समत्तो।
रायगिहे जाव एवं वयासी-नेरइया णं भंते ! कहं उववनंति ? गोयमा ! से जहानामए पवए पवमाणे अज्झवसाणनिव्वत्तिएणं करणोवाएणं सेयकाले तं ठाणं विप्पजहित्ता पुरिमं ठाणं उवसंपज्जित्ताणं विहरइ एवामेव एए(ते)वि जीवा पवओविव पवमाणा अज्झवसाणनिव्वत्तिएणं करणोवाएणं सेयकाले तं भवं विप्पजहित्ता पुरिमं भवं उपसंपजित्ताणं विहरन्ति । तेसि णं भंते ! जीवाणं कहं सीहा गई कहं सीहे गइविसए प० ? गोयमा ! से जहानामए-केइ पुरिसे तरुणे बलवं एवं जहा चउद्दसम. सए पढमुद्देसए जाव तिसमएण वा विग्गहेणं उववति, तेसि णं जीवाणं तहा सीहा गई तहा सीहे गइविसए प० । तेणं भंते ! जीवा कहं परभवियाउयं पकरैति ? गोयमा ! अज्झवसाण(जोग)निव्वत्तिएणं करणोवाएणं एवं खलु ते जीवा परभवियाउयं पकरेन्ति, तेसि णं भंते ! जीवाणं कहं गई पवत्तइ ? गोयमा ! आउक्खएणं भवक्खएणं ठिइक्खएणं, एवं खलु तेर्सि जीवाणं गई पवत्तइ, ते णं भंते ! जीवा कि आइडीए उववजति परिड्डीए उववजति ? गोयमा । आइवीए उववज्जति नो परिड्डीए उववजंति । ते णं भंते ! जीवा कि आयकम्मुणा उववनंति परकम्मुणा उववजति ? गोयमा ! आयकम्मुणा उववज्जति नो परकम्मुणा उववति, ते णं भंते। जीवा किं आयप्पओगेणं उववजंति परप्पओगेणं उववज्जति ? गोयमा ! आयप्पओगेणं उववजंति नो परप्पओगेणं उववजति । असुरकुमारा णं भंते ! कह उववजंति ? जहा नेरइया तहेव निरवसेसं जाव नो परप्पओगेणं उववनंति, एवं
५७ सुत्ता.
