________________
सुत्तागमे
[भगवई एवं चेव, एवं अलोगागाससेढीओवि।सेढीओ णं भंते ! पएसठ्याए कि कडजुम्माओ० पुच्छा, एवं चेव, एवं जाव उद्धृमहाययाओ । लोगागाससेढीओ णं भंते ! पएसट्टयाए पुच्छा, गोयमा! सिय कडजुम्माओ नो तेओगाओ सिय दावरजुम्माओ नो कलिओगाओ, एवं पाईगपडीगाययाओवि दाहिणुत्तराययाओवि, उद्धृमहाययाओ णं पुच्छा, गोयमा! कडजुम्माओ नो तेओगाओ नो दावरजुम्माओ नो कलिओगाओ। अलोगागाससेढीओ णं भंते ! पएसठ्याए पुच्छा, गोयमा! सिय कडजुम्माओ जाव सिय कलिओगाओ, एवं पाईगपडीणाययाओवि, एवं दाहिणुनरावयाओवि, उद्धृसहाययाओवि एवं चेव, नवरं नो कलिओगाओ सेसं तं चेव ॥ ७२८ ॥ का गं भंते ! सेढीओ प० ? गोयमा ! सत्त सेढीओ पन्नत्ताओ, तंजहा-उजुआयया एगओवंका दुहओवंका एगओखहा दुहओखहा चकवाला अद्धचकवाला ॥ परमाणुपोग्गलाणं भंते! किं अणुसेटिं(डी) गई पवत्तइ विसेडिं गई पवत्तइ ? गोयमा! अणुसेढिं गई पवत्तइ नो विसेदि गई पवत्तइ । दुपएतियाणं भंते ! खंधाण अणुसेढिं गई पवत्तइ विसेढिं गई पवत्तइ ? एवं चेव, एवं जाव अगंतपएसियाणं खंधाणं । नेरझ्याणं भंते ! कि अणुसेटिं गई पवत्तइ बिसेडिं गई पवत्तइ ? एवं चेव, एवं जाव वेमाणियाणं ॥ ७२९ ॥ इमीसे णं भंते ! रयणप्पभाए पुढवीए केवइया निरयावाससयसहस्सा प० ? गोयमा ! तीसं निरयावाससयसहस्सा ५०, एवं जहा पढमसए पंचमुद्देसए जाव अणुत्तरविमाणत्ति ॥ ७३० ॥ कइविहे णं भंते ! गणिपिडए प० ? गोयमा ! दुवालसंगे गणिपिडए प०, तं०-आयारो जाव दिठिवाओ, से कि तं आयारो ? आयारे णं समणाणं निग्गंथाणं आयारगोयर० एवं अंगपल्वणा भाणियव्वा जहा नंदीए जाव सुत्तत्यो खलु पढमो बीओ निजुत्तिमीसिओ भणिओ । तइओ य निरचसेसो एस विही होइ अणुओगे ॥ १ ॥ ७३१ ॥ एएसि णं भंते ! नेरझ्याणं जाव देवाणं सिद्धाण य पंचगइसमासेणं कयरे २ हितो० पुच्छा, गोयमा ! अप्पावहुयं जहा वहुवत्तव्वयाए अट्ठगइसमासअप्पावहुगं च । एएति णं भंते ! सइंदियाणं एगिंदियाणं जाव अणिदियाण य कयरे० ? एयपि जहा वहुवत्तव्वयाए तहेव ओहियं पर्य भागियव्वं, सकाइयअप्पावहुगं तहेव ओहियं भाणियव्वं ॥ एएसि णं भंते ! जीवाणं पोरगलाणं जाव सव्वपजवाण य कयरे २ जाव वहुवत्तव्वयाए एएति गं भंते ! जीवाणं आउयस्स कम्मस्स बंधगाणं अवंधगाणं जहा बहुवत्तव्वयाए जाव आउयस्स कम्मस्स अवंवगा विसेसाहिया । सेवं भंते ! सेवं भंते ! त्ति ॥ ७३२ ॥ पणवीसइमस्स सयरस तइओ उद्देसो समत्तो॥
कइ णं मंते ! जुम्मा पन्नत्ता ? गोयमा ! चत्तारि जुम्मा प०, तं०-ऋजुम्मे जाव
S AN
