________________
वि० ५० स० २५ उ० ३] सुत्तागमे
४५९ सेढीओ दव्वळुयाए कि संखेजाओ ३ एवं चेव, एवं दाहिणुत्तराययाओवि, एवं उद्यमहाययाओवि । लोगागाससेढीओ णं भंते ! दवट्ठयाए कि संखेजाओ असंखेजाओ अणंताओ? गोयमा! नो संखेजाओ असंखेजाओ नो अणंताओ, पाईणपडीणाययाओ णं भंते ! लोगागाससेढीओ दव्वट्ठयाए कि संखेज्जाओ० एवं चेव, एवं दाहिणुत्तराययाओवि, एवं उद्दमहाययाओवि । अलोगागाससेढीओ णं भंते ! दव्वट्ठयाए किं संखेजाओ असंखेज्जाओ अणंताओ? गोयमा ! नो संखेज्जाओ नो असंखेज्जाओ अणंताओ, एवं पाईणपडीणाययाओवि, एवं दाहिणुत्तराययाओवि, एवं उद्धृमहाययाओवि । सेढीओ णं भंते ! पएसठ्ठयाए कि संखेजाओ० जहा दवट्ठयाए तहा पएसट्टयाएवि जाव उडमहाययाओवि सव्वाओ अणंताओ। लोगागाससेढीओ णं भंते ! पएसट्टयाए कि सखेजाओ० पुच्छा, गोयमा । सिय संखेज्जाओ सिय असं. खेजाओ नो अणंताओ, एवं पाईणपडीणाययाओवि, एवं दाहिणुत्तराययाओवि, एवं चेव उड्डमहाययाओवि नो संखेजाओ असंखेजाओ नो अणंताओ॥ अलोगागाससेढीओ णं भंते ! पएसट्टयाए पुच्छा, गोयमा ! सिय संखेजाओ सिय असंखेजाओ सिय अणंताओ, पाईणपडीणाययाओ णं भंते ! अलोया० पुच्छा, गोयमा ! नो संखेजाओ नो असंखेजाओ अणंताओ, एवं दाहिणुत्तराययाओवि, उद्धृमहाययाओ पुच्छा, गोयमा! सिय संखेजाओ सिय असंखेजाओ सिय अणंताओ ॥ ७२७ ॥ सेढीओ णं भंते ! किं साइयाओ सपज्जवसियाओ १, साइयाओ अपज्जवसियाओ २, अणाइयाओ सपजवसियाओ ३, अणाइयाओ अपजवसियाओ ४ ? गोयमा! नो साइयाओ सपज्जवसियाओ, नो साइयाओ अपज्जवसियाओ, णो अणाइयाओ सपज्जवसियाओ, अणाइयाओ अपज्जवसियाओ, एवं जाव उड्डमहाययाओ, लोगागाससेढीओ णं भंते । किं साइयाओ सपज्जवसियाओ० पुच्छा, गोयमा ! साइयाओ सपज्जवसियाओ, नो साइयाओ अपजवसियाओ, नो अणाइयाओ सपज्जवसियाओ, नो अणाइयाओ अपज्जवसियाओ, एवं जाव उड्डमहाययाओ । अलोगागाससेढीओ णं भंते । कि साइयाओ सपज्जवसियाओ० पुच्छा, गोयमा ! सिय साइयाओ सपज्जवसियाओ १, सिय साइयाओ अपज्जवसियाओ २, सिय अणाइयाओ सपज्जवसियाओ ३, सिय अणाइयाओ अपज्जवसियाओ ४, पाईणपडीणाययाओ दाहिणुत्तराययाओ य एवं चेव, नवरं नो साइयाओ सपज्जवसियाओ सिय साइयाओ अपज्जवसियाओ सेसं तं चेव, उडमहाययाओ जहा ओहियाओ तहेव चउभंगो । सेढीओ णं भंते ! दव्वट्ठयाए कि कडजुम्माओ तेओयाओ० पुच्छा, गोयमा ! कडजुम्माओ नो तेओगाओ नो दावरजुम्माओ नो कलिओगाओ, एवं जाव उडमहाययाओ, लोगागासलेढीओ
