________________
वि० प० स० २४ उ० १२] सुत्तागमे
चेव सत्तमगमगवत्तव्वया जाणियव्वा जाव भवादेसोत्ति, कालादेसेणं जहण्णेणं चोयालीसं वाससहस्साई उक्कोसेणं छावत्तरिवाससहस्सुत्तरं सयसहस्सं एवइयं० ९ ॥ जइ आउक्काइयएगिदियतिरिक्खजोणिएहितो उववज्जति किं सुहुमआउ० बादरआउ० एवं चउकओ भेदो भाणियव्वो जहा पुढविक्काइयाणं, आउक्काइयाणं भंते ! जे भविए पुढविक्काइएसु उववजित्तए से णं भंते ! केवइयकालट्ठिईएसु उववज्जेजा ? गोयमा । जहन्नेणं अतोमुहुत्तट्टिईएसु उक्नोसेणं वावीसं वाससहस्सट्ठिईएसु उववजेजा, एवं पुढविकाइयगमगसरिसा नव गमगा भाणियव्वा ९, नवरं थिबुगबिंदुसंठिए, ठिई जहन्नेण अंतोमुहुत्तं उक्नोसेणं सत्त वाससहस्साइं, एवं अणुबंधोवि एवं तिसुवि गमएसु, ठिई संवेहो तइयछट्ठसत्तमट्ठमणवमगमएसु भवादेसेणं जहण्णेणं दो भवग्गहणाई उक्कोसेणं अट्ठ भवग्गहणाई, सेसेसु चउसु गमएसु जहण्णेणं दो भवग्गहणाइं उक्नोसेणं असंखेजाइं भवग्गहणाई, तइयगमए कालादेसेण जहन्नेणं बावीसं वाससहस्साई अंतोमुहुत्तमन्भहियाई उक्कोसेणं सोलसुत्तर वाससयसहस्सं एवइयं०, छठे गमए कालादेसेणं जहन्नणं वावीसं वाससहस्साइं अंतोमुहुत्तमब्भहियाई उक्कोसेणं अट्ठासीई वाससहस्साई चउहिं अंतोमुहुत्तेहिं अब्भहियाइं एवइयं०, सत्तमे गमए कालादेसेण जहन्नेणं सत्त वाससहस्साई अंतोमुहुत्तमभहियाई उक्नोसेणं सोलसुत्तवाससयसहस्सं एवइयं०, अट्ठमे गमए कालादेसेणं जहन्नेगं सत्त वाससहस्साई अंतोमुहुत्तम महियाई उक्कोसेणं अट्ठावीसं वाससहस्साई चउहि अंतोमुहुत्तेहिं अन्भहियाई एवइयं०, णवमे गमए भवादेसेणं जहन्नेणं दो भवग्गहणाई उक्कोसेणं अट्ठ भवग्गहणाई, कालादेसेणं जहन्नेणं एगूगतीस वाससहस्साई उक्नोसेणं सोलसुत्तरं वाससयसहस्सं एवइयं०, एवं णवसुवि गमएसु आउक्काइय ठिई जाणियव्वा ९ ॥ जइ तेउकाइएहिंतो उववज्जति तेउक्काइयाणवि एस चेव वत्तव्वया नवरं नवसुवि गमएसु तिन्नि लेस्साओ तेउक्काइयाणं सु(सू)ईकलावसंठिया ठिई जाणियव्वा तइयगमए कालादेसेणं जहण्णेणं बावीसं वाससहस्साइं अंतोमुहुत्तमब्भहियाई उक्नोसेणं अट्ठासीइं वाससहस्साई वारसहिं राइंदिएहिं अब्भहियाई एवइयं एवं संवेहो उवजंजिऊण भाणियव्यो ९॥ जइ वाउक्काइएहिंतो उववजति वाउक्काइयाणवि एवं चेव णव गमगा जहेव तेउक्काइयाणं णवरं पडागासंठिया प० संवेहो वाससहस्सेहि कायव्वो तइयगमए कालादेसेणं जहण्णेणं वावीसं वाससहस्साइं अंतोमुहुत्तमब्भहियाई उकोसेणं एगं वाससयसहस्सं एवं संवेहो उवजुंजिऊण भाणियव्वो ॥ जइ वणस्सइकाइएहितो उववजति वणस्सइकाइयाणं आउकाइयगमगसरिसा णव गमगा भाणियव्वा नवरं णाणासंठिया सरीरोगाहणा प० पढमएसु पच्छिल्लएसु
