________________
सुत्तागमे
[ भगवई ते णं भंते ! जीवा किं सायावेयगा आसायावेयगा? गोयमा ! सायावेयगावि असायावेयगावि १६, ते णं भंते। जीवा किं इत्थीवेयगा पुरिसवेयगा नपुंसगवेयगा? गोयमा ! णो इत्थीवेयगा णो पुरिसवेयगा नपुंसगवेयगा १७, तेसि णं भंते ! जीवाणं केवइयं कालं ठिई प० ? गोयमा ! जहन्नण अंतोमुहुत्तं उकोसेणं पुव्वक्रोडी १८, तेसि णं भंते ! जीवाणं केवइया अज्झवसाणा प० ? गोयमा ! असंखेजा अज्झवसाणा प०, ते णं भंते ! किं पसत्था अप्पसत्था ? गोयमा! पसत्थावि अप्पसत्थावि १९, से णं भंते ! पजत्तअसन्निपंचिंदियतिरिक्खजोणिएत्ति कालओ केवच्चिरं होइ ? गोयमा ! जहन्नेण अंतोमुहुत्तं उक्कोसेणं पुव्वकोडी २०, से णं भंते ! पजत्तअसण्णिपंचिंदियतिरिक्खजोणिए रयणप्पभापुढवीणेरइए पुणरवि पजत्तअसन्निपंचिदियतिरिक्खजोणिएत्ति केवइयं कालं सेवेज्जा केवइयं कालं गइरागई करेजा ? गोयमा ! भवादेसेणं दो भवग्गहणाई, कालादेसेणं जहन्नेणं दसवाससहस्साइं अंतोमुहुत्तमन्भहियाई उक्कोसेणं पलिओवमस्स असंखेज्जइभार्ग पुवकोडिमभहियं एवइयं कालं सेवेजा एवइयं कालं गइरागई करेजा २१ । पजत्तअसन्निपंचिदियतिरिक्खजोणिए णं भंते ! जे भविए जहन्नकालट्ठिईएसु रयणप्पभापुढविनेरइएसु उववजित्तए से णं भंते ! केवइयकालट्ठिईएसु उववजेजा ? गोयमा ! जहन्नेणं दसवाससहस्सट्ठिईएसु उक्नोसेणवि दसवाससहस्सट्ठिईएसु उववजेजा, ते णं भंते ! जीवा एगसमएणं केवइया उववजति ? एवं सच्चेव वत्तव्वया निरवसेसा भाणियव्वा जाव अणुबंधोत्ति, से णं भंते ! पज्जत्तअसन्निपचिदियतिरिक्खजोणिए जहन्नकालट्ठिईयरयणप्पभापुढविणेरइए जहन्नकाल० २ पुणरवि पज्जत्तअसन्नि जाव गइरागई करेजा ? गोयमा! भवादेसेणं दो भवग्गहणाई, कालादेसेणं जहन्नेणं दसवाससहस्साइं अंतोमुहुत्तमन्भहियाई उक्कोसेणं पुत्वकोडी दसहिं वाससहस्सेहिं अन्भहिया एवइयं कालं सेवेजा एवइयं कालं गइरागई करेजा २ । पजत्तअसन्निपचिंदियतिरिक्खजोणिए णं भंते ! जे भविए उक्नोसकालट्ठिईएसु रयणप्पभापुढविनेरइएसु उववजित्तए से णं भंते ! केवइयकालढिईएसु उववजेजा ? गोयमा ! जहन्नेगं पलिओवमस्स असंखेज्जइभागट्टिईएसु उववजेज्जा, उक्कोसेणवि पलिओवमस्स असंखेज्जइभागट्टिईएसु उववज्जेजा, ते णं भंते । जीवा अवसेसं तं चेव जाव अणुबंधो। से णं भंते ! पजत्तअसन्निपंचिंदियतिरिक्खजोणिए उक्नोसकालठ्ठिईयरयणप्पभापुढविनेरइए उक्कोस पुणरवि पज्जत्त जाव करेजा? गोयमा ! भवादेसेणं दो भवग्गहणाई, कालादेसेणं जहन्नेणं पलिओवमस्स असंखेजइभागं अंतोमुहुत्तमब्भहिय उनोसेणं पलिओवमस्स असंखेजइभागं पुत्वकोडिअब्भहियं एवइयं कालं सेवेजा।
