________________
वि० प० स० २४ उ० १ ]
सुत्तागमे
एहितोवि उववजंति, जइ सन्निपचिदियतिरिक्खजोणिएहिंतो उववज्जंति कि जलचरेहितो उववज्जंति थलचरेहिंतो उववज्जति खहचरेहिंतो उववजंति ? गोयमा ! जलचरेहितो उववज्जंति, थलचरेहिंतोवि उववजंति, खहचरेहितोवि उववज्जंति, जइ जलचरे० थलचरे० खहचरेहितो उववज्जंति कि पज्जत्तएहिंतो उववजंति अपजत्तएहिंतो उववर्जति ? गोयमा ! पज्जत्तएहिंतो उववज्जंति णो अपजत्तएहिंतो उववजंति, पजत्तअसन्निपंचिदियतिरिक्खजोणिए णं भंते ! जे भविए नेरइएस उववजित्तए से णं भंते । क्रइसु पुढवीसु उववज्जेज्जा ? गोयमा ! एगाए रयणप्पभाए पुढवीए उववजेजा, पज्जत्तअसन्निपचिदियतिरिक्खजोणिए णं भंते ! जे भविए रयणप्पभाए पुढवीए नेरइएस उववजित्तए से णं भंते ! केवइयकालट्ठिईएस उववज्जेज्जा ? गोयमा ! जहन्नेणं दसवाससहस्सट्ठिईएस उक्कोसेणं पलिओवमस्स असंखेज्जइभागट्टिईएसु उववज्जेज्जा १, ते णं भंते! जीवा एगसमएणं केवइया उववजंति ? गोयमा ! जहन्ने एक्को वा दो वा तिन्नि वा उक्कोसेणं संखेज्जा वा असंखेजा वा उववज्र्ज्जति २, तेसि णं भंते ! जीवाणं सरीरगा किसंघयणी पन्नत्ता ? गोयमा ! छेवट्ठसंघयणी प० ३, तेसि णं भंते ! जीवाणं केमहालिया सरीरोगाहणा पन्नत्ता ? गोयमा ! जहन्त्रेण अंगुलस्स असंखेज्जइभागं उक्कोसेणं जोयणसहस्सं ४, तेसि णं भंते ! जीवाणं सरीरगा किंसंठिया पन्नत्ता ? गोयमा ! हुंडसठाणसठिया पन्नत्ता ५, तेसि णं भंते ! जीवाणं कइ लेस्साओ प०? गोयमा ! तिन्नि लेस्साओ प०, तं० - कण्हलेस्सा नीललेस्सा काउलेस्सा ६, ते णं भंते ! जीवा किं सम्मदिट्ठी मिच्छादिट्ठी सम्मामिच्छादिट्ठी ? गोयमा ! णो सम्मदिट्टी मिच्छादिट्टी णो सम्मामिच्छादिट्टी ७, ते णं भंते ! जीवा कि णाणी अन्नाणी ? गोयमा ! णो णाणी अन्नाणी नियमा दुअन्नाणी तं ० - मइअन्नाणी य सुयअन्नाणी य ८- ९, ते णं भंते । जीवा कि मणजोगी वइजोगी कायजोगी ? गोयमा । णो सणजोगी व जोगीवि कायजोगीवि १०, ते भंते ! जीवा किं सागारोवउत्ता अणागारोवउत्ता ? गोयमा ! सागारोवउत्तावि अणागारोवउत्तावि ११, तेसि णं भंते! जीवाणं कइ सन्नाओ पन्नत्ताओ ? गोयमा ! चत्तारि सन्नाओ प०, तं ० - आहारसन्ना भयसन्ना मेहुणसन्ना परिग्गहसन्ना १२, तेसि णं भंते! जीवाणं कइ कसाया प० ? गोयमा ! चत्तारि कसाया प०, तं०- कोहकसाए माणकसाए मायाकसाए लोभकसाए १३, तेसि णं भंते ! जीवाणं कइ इंदिया प० ? गोयमा ! पंचिंदिया प०, तं० - सोइदिए चक्खिदिए जाव फार्सिदिए १४, तेसि णं भंते ! जीवाणं कइ समुग्धाया प० ? गोयमा ! तओ समुग्धाया प०, तं० - वेयणासमुग्धाए कसायसमुग्धाए मारणंतियसमुग्धाए १५,
८१५
