________________
७८९
वि० प० स० १९ उ० ९] सुत्तागमे प० ? गोयमा ! तिविहा दिविनिव्वत्ती प०,तंजहा-सम्मादिविनिव्वत्ती,मिच्छादिट्ठिनिव्वत्ती,सम्मामिच्छादिहिनिव्वत्ती,एवं जाव वेमाणियाणं जस्स जइविहा दिट्ठी। कइविहा गं भंते ! णाणनिव्वत्ती पन्नत्ता ? गोयमा ! पंचविहा णागनिव्वत्ती प०, तं०-आभिणिवोहियणाणनिव्वत्ती जाव केवलनाणनिव्वत्ती, एवं एगिदियवजं जाव वेमाणियाणं जस्स जइ णाणाई। कइविहा णं भंते ! अन्नाणनिव्वत्ती प० ? गोयमा ! तिविहा अन्नाणनिव्वत्तीप०,तं०-मइअन्नाणनिव्वत्ती,सुयअण्णाणनिव्वत्ती, विभंगनाणनिव्वत्ती, एवं जस्स जइ अन्नाणा जाव वेमाणियाणं । कइविहा णं भंते ! जोगनिव्वत्ती प०? गोयमा ! तिविहा जोगनिव्वत्ती प०,तं०-मणजोगनिव्वत्ती, वइजोगनिव्वत्ती, कायजोगनिव्वत्ती, एवं जाव वेमाणियाणं जस्स जइविहो जोगो। कइविहा णं भंते । उवओगनिव्वत्ती प० ? गोयमा! दुविहा उवओगनिव्वत्ती प०, तं०-सागारोवओगनिव्वत्ती अणागारोवओगनिव्वत्ती, एवं जाव वेमाणियाणं, संगहगाहा-जीवाणं निव्वत्ती कम्मप्पगडी सरीरनिव्वत्ती । सबिंदियनिव्वत्ती भासा य मणे कसाया य ॥१॥ वन्ने गंधे रसे फासे संठाणविही य होइ वोद्धव्यो । लेस्सा दिट्ठी णाणे उवओगे चेव जोगे य॥ २ ॥ सेवं भंते ! सेवं भंते ! त्ति ॥६५८॥ एगूणवीसइमस्स सयस्स अट्ठसो उद्देसो समत्तो ॥ __कइविहे णं भंते ! करणे पण्णत्ते ? गोयमा ! पंचविहे करणे पन्नत्ते, तंजहादव्वकरणे, खेत्तकरणे, कालकरणे, भवकरणे, भावकरणे, नेरइयाणं मंते ! कइविहे करणे प० ? गोयमा ! पंचविहे करणे प०, तं०-दव्वकरणे, जाव भावकरणे, एवं जाव वैमाणियाणं, कइविहे णं भंते ! सरीरकरणे प० ? गोयमा ! पंचविहे सरीरकरणे पन्नत्ते, तंजहा-ओरालियसरीरकरणे जाव कम्मगसरीरकरणे, एवं जाव वेमाणियाणं जस्स जइ सरीराणि । कइविहे णं भंते ! इंदियकरणे प० ? गोयमा ! पंचविहे इंदियकरणे प०, तंजहा-सोइंदियकरणे जाव फासिंदियकरणे, एवं जाव वेमाणियागं जस्स जइ इंदियाई, एवं एएणं कमेणं भासाकरणे चउविहे, मणकरणे चउबिहे, कसायकरणे चउविहे, समुग्घायकरणे सत्तविहे, सन्नाकरणे चउविहे, लेस्साकरणे छविहे, दिहिकरणे तिविहे, वेयकरणे तिविहे पन्नत्ते, तंजहा-इत्थिवेयकरणे, पुरिसवेवकरणे, नपुंसगवेयकरणे, एए सव्वे नेरइयादिदंडगा जाव वेमाणियाणं जस्स जं अस्थि तं तस्स सव्वं भाणियव्वं । कइविहे णं भंते ! पाणाइवायकरणे प०? गोयमा ! पंचविहे पाणाइवायकरणे प०, तं०-एगिदियपाणाइवायकरणे जाव पंचिंदियपाणाइवायकरणे, एवं निरवसेसं जाव वेमाणियाणं । कइविहे गं भंते ! योग्गलकरणे प० ? गोयमा ! पंचविहे पोग्गलकरणे प०, तं०-वन्नकरणे, गंधकरणे,
