________________
सुत्तागमे
[ भगवई
अविहा कम्मनिव्वत्ती प०, तं ० - नाणावर णिज्जकम्मनिव्वत्ती जाव अंतराइयकम्मनिव्वत्ती, नेरइयाणं भंते ! कइविहा कम्मनिव्वत्ती प० ? गोयमा ! अट्ठविहा कम्मनिव्वत्ती प०, तं० - नाणावर णिज्जकम्म निव्वत्ती जाव अंतराइयकम्मनिव्वत्ती, एवं जाव वेमाणियाणं । कइविहा णं भंते ! सरीरनिव्वत्ती प० ? गोयमा ! पंचविहा सरीरनिव्वत्ती प०, तं०-ओरालियसरीरनिव्वत्ती जाव कम्मगसरीरनिव्वत्ती । नेरइयाणं भंते ! एवं चेव, एवं जाव वेमाणियाणं, नवरं नायव्त्रं जस्स जइ सरीराणि । कइविहा णं भंते । सव्विदियनिव्वत्ती प० १ गोयमा ! पंचविहा सव्विदियनिव्वत्ती प०, तं०-सोइंदिय निव्वत्ती जाव फासिदियनिव्वत्ती, एवं (जाव) नेरइया जाव थणियकुमारा णं, पुढविकाइयाणं पुच्छा, गोयमा ! एगा फासिंदियनिव्वत्ती प०, एवं जस्स जड़ इंदियाणि जाव वेमाणियाणं । कइविहा णं भंते ! भासानि - वृत्ती प० ? गोयमा ! चउव्विहा भासानिव्वत्ती प०, तं० - सच्चाभासानिव्वत्ती, मोसाभासानिव्वत्ती, सच्चामोसभासा निव्वत्ती, असच्चामोसभासानिव्वत्ती, एवं एगिंदियवज्जं जस्स जा भासा जाव वैमाणियाणं, कइविहा णं भंते ! मणनिव्वत्ती प० ? गोयमा ! चउव्विहा मणनिव्वत्ती प०, तं० - सचमणनिव्वत्ती जाव असच्चामोसमणनिव्वत्ती, एवं एगिंदियविगलिंदियवज्जं जाव वेमाणियाणं । कइविहा णं भंते ! कसायनिव्वत्ती प० ? गोयमा ! चउव्विहा कसायनिव्वत्ती प०, तं० - कोहकसायनिव्वत्ती जाव लोभकसायनिव्वत्ती, एवं जाव वेमाणियाणं । कइविहा णं भंते ! वृन्ननिव्यत्ती प० ? गोयमा ! पंचविहा वन्ननिव्वत्ती प०, तं० - कालवन्ननिव्वत्ती जाव सुक्किलवन्ननिव्वत्ती, एवं निरवसेसं जाव वेमाणियाणं, एवं गंधनिव्वत्ती दुविहा जाव वैमाणियाणं, रसनिव्वत्ती पंचविहा जाव वैमाणियाणं, फासनिव्वत्ती अद्भुविहा जाव वेमाणियाणं । कइविहा णं भंते । संठाणनिव्वत्ती प० ? गोयमा ! छव्विहा संठाणनिव्वत्ती प०, तं० - समचउरंस संठाणनिव्वत्ती जाव हुंडठाणनिव्वत्ती, नेरइयाणं पुच्छा, गोयमा ! एगा हुंडसंठाणनिव्वत्ती प०, असुरकुमाराणं पुच्छा, गोयमा ! एगा समचउरंस संठाणनिव्वत्ती प०, एवं जाव थणियकुमाराणं, पुढविकाइयाणं पुच्छा, गोयमा ! एगा मसूरचंदसंठाणनिव्वत्ती प०, एवं जस्स जं संठाणं जाव वेमाणियाणं, कइविहा णं भंते ! सन्नानिव्वत्ती प० ? गोयमा । चउव्विहा सन्ना निव्वत्ती प०, तं० - आहारसन्नानिव्वत्ती जाव परिग्गहसन्नानिव्वत्ती, एवं जाव वैमाणियाणं, कइविहा णं भंते । लेस्सानिव्वत्ती प० १ गोयमा ! छन्विहा लेस्सानिव्वत्ती प०, तं० - कण्हलेस्सा निव्वत्ती जाव सुक्कलेस्सानिव्वत्ती, एवं जाव वैमाणियाणं जस्स जइ लेस्साओ तस्स तत्तिया भाणियव्वा । कविहाणं भंते । दिद्विनिव्वत्ती
७८८
