________________
७८६ सुत्तागमे
- [भगवई अप्पवेयणा अप्पनिजरा ? णो इणढे समढे ८, सिय भंते ! नेरइया अप्पासवा महाकिरिया महावेयणा महानिजरा ? नो इणढे समढे ९, सिय भंते ! नेरइया अप्पासवा महाकिरिया महावेयणा अप्पनिजरा ? नो इणढे समढे १०, सिय भंते ! नेरइया अप्पासवा महाकिरिया अप्पवेयणा महानिजरा ? नो इणढे समढे ११, सिय भंते । नेरइया अप्पासवा महाकिरिया अप्पवेयणा अप्पनिजरा ? णो इणढे समढे १२, सिय भंते ! नेरइया अप्पासवा अप्पकिरिया महावेयणा महानिज्जरा ? नो इणढे समढे १३, सिय भंते! नेरइया अप्पासवा अप्पकिरिया महावेयणा अप्पनिजरा ? नो इणढे समढे १४, सिय भंते ! नेरइया अप्पासवा अप्पकिरिया अप्पवेयणा महानिजरा ? नो इणढे समढे १५, सिय भंते ! नेरइया अप्पासवा अप्पकिरिया अप्पवेयणा अप्पनिजरा ? णो इणढे समढे १६, एए सोलस भंगा। सिय भंते ! असुरकुमारा महासवा महाकिरिया महावेयणा महानिज्जरा ? णो इणढे समढे, एवं चउत्थो भंगो भाणियव्वो, सेसा पन्नरस भंगा खोडेयव्वा, एवं जाव थणियकुमारा, सिय भंते ! पुढविकाइया महासवा महाकिरिया महावेयणा महानिजरा ? हंता सिया, एवं जाव सिय भंते ! पुढविकाइया अप्पासवा अप्पकिरिया अप्पवेयणा अप्पनिजरा ? हंता सिया, एवं जाव मणुस्सा, वाणमंतरजोइसियवेमाणिया जहा असुरकुमारा, सेवं भंते ! सेवं भंते! ति ॥ ६५३॥ एगूणवी. सइमस्स सयस्स चउत्थो उद्देसो समत्तो॥
अत्थि णं भंते ! चरिमावि नैरइया परमावि नेरइया ? हंता अस्थि, से नूगं भते! चरिमेहितो नेरइएहितो परमा नेरइया महाकम्मतराए चेव महाकिरियतराए चेव महासवतराए चेव महावेयणतराए चेव, परमेहिंतो वा नेरइएहिंतो चरमा नेरइया अप्पकम्मतराए चेव अप्पकिरियतराए चेव अप्पासवतराए चेव अप्पवेयणतराए चेव ? हेता गोयमा! चरमेहितो नेरइएहितो परमा जाव महावेयगतराए चेव, परमेहितो नेरइएहिंतो चरमा नेरइया जाव अप्पवेयणतरा चेव, से केणढ़ेगं भंते ! एवं वुच्चइ जाव अप्पवेयणतरा चेव ? गोयमा ! ठिइं पडुच्च, से तेणद्वेणं गोयमा ! एवं बुचइ जाव अप्पवेयणतरा चेव । अत्थि णं भंते ! चरमावि असुरकुमारा परमावि असुरकुमारा? एवं चेव, नवरं विवरीयं भाणियव्वं, परमा अप्पकम्मा, चरमा महाकम्मा, सेसं तं चेव जाव थणियकुमारा ताव एवमेव, पुढविकाइया जाव मणुस्सा एए जहा नेरइया, वाणमंतरजोइसियवेमाणिया जहा असुरकुमारा ॥६५४॥ कइविहा णं भंते ! वेयणा प०? गोयमा ! दुविहा वेयणा प०, तं०-निदा य अनिदा य । नेरइया णं भंते ! किं निदायं वेयणं वेदेति अनिदायं वेयणं वेदेति ? जहा पन्न
