________________
वि० प० स० १९ उ० ४ ] सुत्तागमे
से एगे वायरपुढविसरीरे, एमहालए णं गोयमा | पुढविसरीरे पन्नत्ते ॥ ६५१ ॥ पुढविकाइयस्स णं भंते ! केमहालिया सरीरोगाहणा प० ? गोयमा ! से जहानामए रनो चाउरंतचचट्टिस्स वन्नगपेसिया तरुणी वलवं जुगवं जुवाणी अप्पायंका वन्नओ जाव निउणतिप्पोवगया नवरं चम्मेदुहणमुट्ठियसमाहय णिचियगत्तकाया न भण्इ सेसं तं चैव जात्र निउणसिप्पोवगया तिक्खाए वइरामईए सहकरणीए तिक्वेगं वइरामणं वावरणं एवं महं पुढविकाइयं जउगोलासमाणं गहाय पडि - साहरिय २ पडिसंखिविय २ जाव इणामेवत्तिक तिसत्तखुत्तो उप्पीसेज्जा, तत्थ णं गोमा ! त्येगइया पुढविकाइया आलिद्धा, अत्थेगइया पुढविक्काइया नो आलिद्धा, अत्येगइया सघट्टि (ट्ठि)या, अत्येगइया नो संघट्टि (ट्ठि) या, अत्येगइया परियाविया, अत्येगइया नो परियाबिया, अत्थेगइया उद्द्विया, अत्थेगइया नो उद्देविया, अत्येगइया पिट्ठा, अत्येगइया नो पिट्टा, पुढविकाइयरस णं गोयमा ! एमहालिया सरीरोगाहणा प० ॥ पुढविकाइए णं भंते ! अनंते समाणे केरिसियं वेयणं पञ्चणुब्भवमाणे विहरइ ? गोयमा ! से जहानामए - केइ पुरिसे तरुणे वलवं जाव निउणसिप्पोवगए एगं पुरिसं जुनं जराजजरियदेहं जाव दुब्बलं किलंतं जमलपाणिणा सुद्धाणंति अभिहगिजा, सेणं गोयमा ! पुरिसे तेणं पुरिसेणं जमलपाणिणा मुद्धाणंसि अभिहए समाणे केरिसियं वेयणं पञ्चणुव्भवमाणे विहरइ ? अणिट्टं समणाउसो !, तस्स णं गोयमा ! पुरिसस्स वेयणाहिंतो पुढविकाइए अनंते समाणे एत्तो अणितरियं चेव अकंततरियं चेव जाव अमणामतरियं चेव वेयणं पञ्चणुग्भवमाणे विहरइ । आउयाए णं भंते ! संघट्टिए समाणे केरिसियं वेयणं पचणुब्भवमाणे विहरइ ? गोयमा ! जहा पुढविकाइए एवं आकाएवि एवं तेडकाएवि एवं वाउका एवि, एवं वणस्सइकाएवि जाव विहरइ, सेवं भंते । २ त्ति ॥ ६५२ ॥ एगूणवीसइमे सए तइओ उद्देसो समत्तो ॥
सिय भंते ! नेरइया महासवा महाकिरिया महावेयणा महानिज्जरा ? गोयमा ! णो इगडे समट्टे १, सिय भंते । नेरइया महासवा महाकिरिया महावेयणा अप्प - निज्जरा ? हंता सिया २, सिय भंते । नेरइया महासवा महाकिरिया अप्पवेयणा महानिजरा ? गोयमा ! णो इणट्ठे समट्ठे ३, सिय भंते ! नेरइया महासवा महाकिरिया अप्पवेयणा अप्पनिज्जरा ? गोयमा ! णो इणट्ठे समट्ठे ४, सिय भंते । नेरइया महासवा अप्पकिरिया महावेयणा महानिज्जरा ? गोयमा ! णो इणट्टे समट्ठे ५, सिय भंते ! नेरइया महासवा अप्पकिरिया महावेयणा अप्पनिजरा ? गोयमा ! नो इट्टे समट्ठे ६, सिय भंते ! नेरइया महासवा अप्पकिरिया अप्पवेयणा महानिजरा ? नो इणट्ठे समट्ठे ७, सिय भंते! नेरइया महासवा अप्प किरिया ५० सुत्ता०
*७८५
